我的收藏
版主
申請
~~小女孩~~
加入日期:2009-5-27
流動積分:516
查看 1295 回覆 29
按讚 0 按彈 0

[苦事] 係咪要去勞工局度投訴佢呢??

2010-6-21 20:04:49
  • 事源係咁ge~~~~~我係某公司做文職~~而5月31號冇做份工...但到今日今日都冇收到5月份ge糧....
    開頭叫佢出支票俾我~佢唔肯lo...又話會7日內俾返d糧我...
    過左6月9號...我打俾個老細...佢話d客俾未錢佢wo...我問佢咁幾時有...佢話下個星期...咁好la..我又答應左...
    到左15號我sd左封e mail俾佢...話叫佢出埋糧單e返俾我...同打埋勞工法例規定要9個工作天內支付薪酬...
    e完打俾佢~冇人聽~~再sms俾佢~話佢知e左個mail俾佢..叫佢睇下...叫佢覆返我都唔覆...
    到第二日即係16號~我再用反來電打俾佢...佢先聽lo...
    我問佢收唔收到mail...佢話收到...我話但係我仲未收到我d糧wo..
    佢話俾錢佢ge客入左院wo...叫我俾左幾日佢...佢幾日之后就會俾到我la wo...
    又同我講你都知上個月公司點點點ka la...所以又乜乜乜咁...總之過幾日會俾到我lo...又話咩支票都開埋wo...
    但係個戶口冇錢俾張支票我都冇用la...點都要等d客俾錢佢先得~
    我話下..但係你都話一個星期又一個星期la wo...過幾日...咁即係幾時a...你不如俾個日子出黎la...
    我下下都咁唔係辦法ka wo....佢又話(有少少惱惱地&忟忟地咁)講左一陣佢公司野..叫我體諒下..之後就話25號前...
    咁我話..即係25號冇就等左差唔多成個月ka la wo...佢話係a~總之賣車賣樓都會俾到錢你la...

    而我有打過去勞工局度問~佢話如果9個工作天內冇俾到薪酬你~你覺得佢違左法..可以去投訴佢~佢地會有人跟進..
    咁我諗...係咪應該24號或者25號早上如果冇再打俾佢...睇下佢點答之后再去勞工局a??

    因為其實佢之前都係咁拖左一個離職ge同事個幾月先俾佢~~人地3月廿幾號走...佢5月十幾號先俾返d糧人...
    我開頭都講明左我唔想好似果個人咁...要等咁多先收到d糧....佢又話唔會ka~~

    我唔想得個等字lo...下下做被動咁...好似佢鍾意俾....你先會有~~冇就慢慢等咁...

    如果唔去勞工局~~又可以點呢???

    0 0
  • fufu311 2010-6-21 22:31:37
    2#

    無証無据..我諗都無用..可吾可以pm我咩公司..我想力口入佢黑名單

  • 漂泊旅人 2010-6-21 22:44:12
    3#

    宅足一個月糧ge公司早走早著...
    我自己親身經歷最離譜係10日
    亦有聽朋友講,有公司宅足三個月,好極端

    你可以試下過左25號就投訴佢ge,其實宅超過半個月都好唔對路架啦

  • ~~小女孩~~ 2010-6-21 23:16:52
    4#

    當初走,係因為d同事既問題!對老細唔算太不滿!
    唔想同個老細搞到好咩咁!我都估到佢拖字缺!
    只係事不過三!叫人體諒,我都體諒咗你三次啦!
    咩都夠啦!又唔見佢體諒下我!
    我打份工都係七仟蚊姐!佢有個同事都萬幾啦!
    我唔信佢會冇出糧俾佢地囉!
    只係想講一間做咗超過十幾年既公司,人手流動得太快!
    流動資金又冇(或者係唔拎出黎啦)經營手法太失敗啦!
    仲衰過其他細舖頭仔囉!我未夠三個月只睇到呢些問題囉!
    咩公司就費事講啦!

  • 變變變 2010-6-22 00:42:00
    5#

    放心

    勞工局幫到你

  • mori 2010-6-22 02:22:15
    6#

    去勞工局告佢啦...
    唔係有排拖你啊.

    我以前做個間公司都係拖人十日糧同埋勞工假正日無得放又唔照勞工法補錢補假.
    呢D咁GE公司真係唔入好過入.

  • Ellenwai 2010-6-22 09:46:38
    7#

    唔去勞工局唔得喎, 除非25號佢真係出比你......
    七千蚊都要賣車賣樓, 咁佢不如執咗間公司算啦......
    我自己覺得佢係想玩吓啲離咗職嘅人, 有啲人好變態......

  • joewong2077 2010-6-22 10:12:40
    8#

    我覺得告下佢, 有調查員會搵佢問下話, 等佢知到員工唔係好蝦

  • ~~小女孩~~ 2010-6-22 10:46:58
    9#

    咁就真係要睇下佢25號有冇出la..冇就下就走去勞工局先得la...唉....
    打份工...出份糧...都要搞到咁麻煩...
    佢講完賣車賣樓..我都覺得佢幾搞笑lo...仲要話得5月得支出冇收入...
    咁...一間公司...係咪真係幾仟蚊ge流動資金都冇呢...我真係唔信lo...
    個老細前排先搬屋黎...另外果層樓都放4百萬以上...(我聽另一個同事講)
    使唔使家下對離職ge人咁wo...
    學之前離職ge同事話齋...你俾面佢果時佢好似覺得好應該...
    到你唔俾面佢果時...佢覺得你好過份..都唔體諒下佢咁...
    搞到我好似追債咁追佢~~

    同埋..以我所知...佢成日都未找數俾d供應商...搞到人地成日都打黎追數...
    因為我接電話ge..有次人地係咁追我數lo...我只可以話我唔清楚錢銀ge野..
    佢仲問我..咁邊個負責..我梗係話會計同老細ka la...
    但係個會計唔肯聽電話lo...搵我打發人地...再唔係就叫佢搵老細...
    我都o晒嘴...人地講到出口話成日都搵唔到你地個會計...都唔知邊個負責d野
    所以自此之後..我接親d電話..都唔會再話俾會計知係邊個lo...
    只係話唔知a..搵你ka...做會計唔去擋..搵我呢個無端端乜都唔知ge人去擋...
    拖佢數唔還ge唔係我...但我就成日都要俾人話...

    同事又唔幫你....最好推埋個波俾你去做....
    叫佢幫手做就成日話好鬼忙..但又得間留意你ge工作以及同阿姐係度吹水...

    日日返工都唔好受...超辛苦...唔係做野果方面...而係心理果方面...
    做得好..冇人會讚你...分分鐘俾人搶功tim..
    做得唔好..人地話你...有時唔係你做ge野都要話你...
    一間公司...個個都有權話你...叫做提點下你lo...
    分分鐘連清潔阿姐都可以俾面色你睇...
    但公司計埋老細...一隻手都數得晒lo...

  • 呀洪 2010-6-22 10:58:00
    10#

    唉 我都比人拖糧   d大工司先仲2拖糧 我都比人拖左一個月都未出 我仲係做pt呢

  • ~~小女孩~~ 2010-6-22 11:13:54
    11#

    下..我做左4年野...轉左唔少工...都係第一次俾人拖糧ja..
    所以我先好氣憤...
    我唔知你果間係咩大公司la..
    我呢間絕對唔係大公司...只係做得夠耐....
    不過勝在我有佢地d人電話...下下都係打俾個老細去追佢lo...
    因為理虧ge唔係我...我梗係要大大聲聲咁理直氣壯咁問佢ka la...
    更何況係佢唔守信用..我使乜理佢a....
    但你d大公司真係比較難搵人lo...

  • 呀洪 2010-6-22 11:16:12
    12#

    我打去問 只係話快出 叫我等 點算

  • Ellenwai 2010-6-22 11:16:50
    13#

    回覆 #9 ~~小女孩~~ 的帖子

    佢25號唔出糧比你, 一於去勞工局告佢, 不過你可以哩兩日打去問吓, 例如覆述一下之前佢嘅承諾, 最重嘅係記住用手機打去, 較定錄音, 到時有啲證據喺手, 睇佢點抵賴......

  • ~~小女孩~~ 2010-6-22 11:18:22
    14#

    嗯~呢次打電話真係要整定錄音先得lo~~
    因為俾佢ge e-mail..唔足以作為證據...

  • Ellenwai 2010-6-22 11:22:52
    15#

    回覆 #14 ~~小女孩~~ 的帖子

    不過你要預咗經勞工局的話, 都需要時間, 不過, 點都唔可以比啲無良僱主得逞, 咪以為我哋啲打工仔好蝦......
    繼續揾工, 唔好比啲賤人長時間影響自己, 佢哋又唔痕又唔痛嘅......

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.