我的收藏
版主
申請
開區
申請
Rolex1580
加入日期:2012-4-17
流動積分:3408
查看 12366 回覆 23
按讚 0 按彈 0

各位要小心提督馬路(康賢醫療中心)呢間超級黑店

2012-5-19 10:34:58
  • 來源 : http://www.facebook.com/photo.php?fbid=356581047716143

    各位要小心提督馬路(康賢醫療中心)呢間超級黑店
    事原:我個小朋友傷風,見仲有好多醫療券未用,就諗住用啦,呢間野我未睇過,見近近地就入去啦,入到去見一個病人都無,心諗現在係流感高峰期都無人睇醫生,其他醫生要等最少大半個鍾,見唔使等都好啦!
    我個小朋友10嵗,睇傷風感冒,個醫生就照一照個鼻話係鼻竇炎,問我有無同小朋友照過片,我話無,佢就開左D照片單叫我去筷子基(標準醫學診斷中心),跟住我就問佢果間野收唔收醫療券嫁,我仲有好多醫療券未用喎!就係咁佢聽到我咁講就兩隻眼發曬光啦! 即時叫我照X光鼻竇正位一張,側位一張,又做全血常規檢測分析,又話要驗埋鼻咽癌測試,又要做癌胚抗原……..嘩!!!!呢度已經仟幾蚊. (唔知佢可以回到幾多佣俾返佢,一個10嵗小朋友,睇傷風感冒要驗咁多呢D野?????)
    之後就打左支針,開左二日葯,到俾錢,佢話350元…..吓!!!一支針二日葯350元?明係因為俾醫療券濫收費用啦!心諗算啦,都係俾醫療券
    跟住就去筷子基照片啦,我話正係照個鼻得啦,其他唔使啦!
    第二日就返去提督馬路昌明巴士站 (康賢醫療中心) ,間野又係人影都無個,算啦入去睇返張X光片結果啦,佢話無其他問題,只係有小小鼻竇炎,開多幾日葯食下啦好無?心諗食多幾日葯都好,佢就開左一個星期葯俾我,我諗住今次又無打針又無做任何檢查,俾盡你咪400元.
    好啦!....淨開葯盛惠$1500元啦………….吓!!!!!!!!!!!!!!!!!!!!!!!!!!!!!!!!$1500元???
    佢話專科葯係咁貴….我話得700元醫療券,佢就話咁你補多$750元現金算啦!!
    咁我就叫佢開三日葯得啦! 結果都收$750元…
    之後我問返D識得嘅醫生,佢話根本無可能一個10嵗小朋友有咩可能睇傷風感冒又驗全血常規檢測分析,又話要驗埋鼻咽癌測試,又要做癌胚抗原,根本就係為左想收多D回佣,仲有就係個收費超出正常收費十倍,佢簡直就係行騙,
    咁我就即時返轉頭問佢,我話係有朋友介紹我來睇,我朋友睇開係$250元,其實我係想試下佢,我根本就唔知佢平時收幾多,佢就即時話睇普通傷風感冒係收$250元.你呢D唔同呀,要開專科葯係收呢個價錢……吓!!!! 張X光片結果話無其他問題,只係有小小鼻竇炎,咩專科葯呀? 我話要將D葯去山頂醫院化驗,睇下係咩專科葯,佢就即時轉口話我淨係診金都收$500元啦.. 我有權開咩葯,收幾多錢,我話得,但我會向衛生局投訴囉,佢立即話唔好講咁啦,你話幾多錢啦一次過啦!!唔係化!!!!!!咁都得,我話我覺得你係呃我囉!!佢就話我讀到博士學位呀,我點會呃你呀!
    你唔睇無所謂,我俾返曬D錢你啦!之後我俾返D葯佢,佢即時俾返$700元我,剩左50元當豪俾你,佢就好大聲咁話大家無拖無欠呀!!!
    呢D醫生簡直係醫學介既敗類,大家要小心呀,佢叫(阮X賢) 提督馬路昌明巴士站 (康賢醫療中心)
    之後我再帶我個小朋友去佢由細睇到大既家庭醫生,叫醫生幫我睇下張片, 醫生就好詳細解釋俾我知,開左二日葯,收費$70元

    0 0
  • 靜默之主 2012-5-19 11:07:36
    3#

    =_="呢間野....睇下傷風感冒就咁開兩日藥都已經收你300以上啦
    由於知佢貴,所以住附近都唔會點幫襯,除左節假日,其它醫生唔開門時,先會被逼幫襯下
    但估唔到佢會叫你驗咁多野啫

  • hanha 2012-5-19 11:39:13
    4#

    佢叫人去那間診斷中心在行內都好"出名"架.間野家下擺明擋人0羅...

  • 二表姐 2012-5-19 12:02:24
    5#

    間野我都幫襯過,感冒都收我三百正式黑店,請大家不要幫襯

  • 牛王 2012-10-17 18:05:23
    6#

    二表姐 發表於 2012-5-19 12:02
    間野我都幫襯過,感冒都收我三百正式黑店,請大家不要幫襯

    大家記住,間間康賢都是黑店,小心,小心

  • ttennisboy 2012-10-17 18:23:51
    7#

    果然係超級黑店.

  • 二表姐 2012-10-17 20:42:43
    8#

    唉~~~又有人做左他的楊古

  • 83bom 2012-10-17 22:19:20
    9#

    頂!早響吖!兄台。

  • 水音 2012-10-17 22:25:19
    10#

    戈間野....喉嚨痛都收兩佰幾...仲要係4~5年前!!  

  • !傻蚊! 2012-10-17 22:30:22
    11#

    本帖最後由 !傻蚊! 於 2012-10-17 22:31 編輯

    佢開左幾間分店架,間間都係佢自己人,呀爸,呀媽,妹,個個都話自己專科,乘機劏人成頸血,間間手法一樣,簡直賤到爆,俾我就去投訴佢,影衰曬澳門醫生!

  • 1king 2012-10-17 23:37:42
    12#

    個店名台山鄉音好似係 劏人 咁音喎

  • LAICHU872 2012-10-18 08:23:29
    13#

    尼間野,有次整親,身到冇膠布,入去幫我整整都收我150元.

  • 牛王 2012-10-19 11:58:15
    14#

    LAICHU872 發表於 2012-10-18 08:23
    尼間野,有次整親,身到冇膠布,入去幫我整整都收我150元.

    150元算少,唔收你1500元偷笑
    佢開左幾間分店架,間間都係佢自己人,呀爸,呀媽,妹,個個都話自己專科,乘機劏人成頸血,間間手法一樣,簡直賤到爆,俾我就去投訴佢,影衰曬澳門醫生!(!傻蚊!)
    真正的劏人家族

  • 血仍未冷 2012-10-19 15:40:04
    15#

    以我所知佢地係香港人

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.