我的收藏
版主
申請
開區
申請
kiwi1226
加入日期:2004-12-20
流動積分:1436
查看 73727 回覆 339
按讚 0 按彈 0

婚後分享之結婚前三天被化妝師放飛機

2012-10-18 23:29:23
  • 婚禮一切順利, 但發生了一件令我好唔開心ge事,
    就係婚前三日被自稱 "zing級化妝師" 的新娘化妝 Cxxx Lxx (下稱CL) 放飛機!

    件事係咁ge, 在我結婚三天前的夜晚,
    我早在一年多前落訂的新娘化妝師CL打俾我,
    話因為有左BB, 陀得唔穩, 見紅, 醫生話佢唔可以做野,
    所以結婚當日不能幫我化妝, 希望我諒解

    我聽到後一時之間急起上嚟立即大哭, 問佢點解唔早D講,
    咁夜, 剩返幾日, 我仲可以去邊搵第二個幫我化?
    更何況, 我結婚當日係好日子, 好的化妝師已經一早俾人book曬, 好徬徨無助.

    CL喊住同我講, 如果佢做我個job, 佢BB在我婚宴上有事, 就會大家都唔開心.
    其實佢都 "掙扎左好耐先決定同我講"
    最後, 佢介紹左佢ge一個化妝師朋友俾我, 話佢會幫我, 而且化得幾好,
    但結果係, 我睇勻呢個化妝師的facebook, 只有6張sample相, 而且我覺得佢化得唔好,
    如果僅有的6張相都唔靚, 我點去用呢個化妝師?

    最後, 當然CL都冇做任何跟進啦! 剩係話如果我唔用佢朋友, 就唔好hold住個期,
    我足足攬住老公喊左兩日, 眼都腫曬!
    曾經call過其他化妝師, 佢地照直同我講: "好ge化妝師唔會有期, 差ge要唔要我介紹俾你?"
    好彩最後在香港請到一位非常好的化妝師幫我化妝,
    仲化得好靚, 結婚當日先唔會留下遺憾!

    另外, 有位姊妹show佢FB俾我睇, 原來CL在放我飛機前一個星期先去完旅行, 狂食海鮮長腳蟹,
    或者有BB呢件事真係嚟得好急, 佢冇講大話,
    但我三日後就結婚, 點解要"掙扎好耐先同我講"? 佢知唔知呢件係一個女人的人生大事?
    仲要夜晚先打嚟, 我想打去婚紗公司book, 人地都關門啦!

    另外, 在我big day過後, 我發現CL將我從facebook friend list上delete左,
    點解呢? 如果有職業道德, 真係將客人睇得咁重要,
    唔係更應該留意被放飛機的新娘子後續結果點處理咩? 好奇怪!

    雖然佢將我delete左, 但佢冇留意到其實我係有like佢fb ge化妝專頁,
    我見到在我結婚後兩三日, 佢仲post年頭幫人化妝d相出嚟,
    目的係乜呢? 繼續吸客? 定係留個紀錄?
    我唔識講, 如果佢真係有左BB, 我只可以想, 佢係瞓床瞓得太無聊了所以要post化妝相.

    最後, 我向佢要求, 除左退返當時落訂的兩千蚊,
    因為佢撻訂, 應該要額外賠返兩千蚊俾我,
    佢唔肯, 其實我唔明點解佢唔肯, 有常識的人都知道, 咩叫"撻訂賠雙倍"

    無論你有甚麼理由, 撻訂係事實,
    而且對一個化妝師嚟講, 化妝化得差都唔緊要,
    臨時失場究竟係幾嚴重, 咩叫職業道德, 我諗佢可能唔識!
    一個女人, 將一生人最重要的日子交俾佢負責, 但臨急被放飛機, 果種徬徨真係唔識形容,

    化妝師要保障自己, 所以要向客人收訂金, 咁客人有咩可以保障自己呢?
    好似我呢個case, 我係冇任何保障, CL一再強調, "你落幾多訂, 我就只會俾返幾多錢你"
    不為錢, 只為啖氣, 我俾另一個選擇佢, 佢可以唔賠, 但要公開道歉,
    當然最後佢係完全唔回覆, 我實在唔希望有其他新娘子會遇上我呢種事,
    所以係呢度打出事實ge全部, 各位再仔細衡量係咪要搏一搏去幫襯佢

    0 0
  • 艾雲 2012-10-19 00:25:52
    2#

    實在太份! 佢自己應該想像下,若果佢真係有BB,到佢Book左好既醫生,安排左預產期要入院等生既時候,醫生突然係佢入院前一晚同佢講,準備幫佢接生個日突然有事唔可以返工幫佢接生,但可以介紹另一位醫生俾佢,不過果位醫生只接生過6次,仲要次次都接生過程都唔順利,問佢一係就要,唔要就自己大住個肚去其他醫院再搵其他醫生,個刻佢應該先體會到你既徬徨。

  • big 2012-10-19 01:49:50
    3#

    本帖最後由 silowman 於 2012-10-19 12:40 編輯

    好同情你!
    但CExx 都好慘架啦!有得比佢揀,佢都想幫到你啦!
    係人都吾想個肚吾舒服!
    而你最後都搵到個好化妝師!仲記恨甘多做乜!
    新婚開心D啦!不要再被呢D事困擾!

    同埋你明知人地個肚吾穩,就吾好甘快張揚!如果人地真有咩事!你過意得去咩﹖

    仲有賠訂果度,我覺得如果你有病,公司最多扣你人工,吾會叫你賠雙倍人工卦!

    最重要而家大家都係喜事!你都完滿解決!你都希望人地一切平安!

    冷靜冷靜!心平氣和!

  • big 2012-10-19 01:52:55
    4#

    本帖最後由 big 於 2012-10-19 02:07 編輯

    不過我好明白你火的原因,吾係佢臨時甩底原因,而係佢的處理手法!

    佢而家吾公開道歉,我估個肚未穩,佢吾想甘張揚!中國傳統思想是過來個月先講得!

    但事到如今,我覺得嬲都無用!只有希望大家一切平安!

  • kiwi1226 2012-10-19 08:52:30
    5#

    本帖最後由 silowman 於 2012-10-19 12:40 編輯

    big 發表於 2012-10-19 01:49
    好同情你!
    但CExx 都好慘架啦!有得比佢揀,佢都想幫到你啦!
    係人都吾想個肚吾舒服!


    "同埋你明知人地個肚吾穩,就吾好甘快張揚!如果人地真有咩事!你過意得去咩﹖"

    你好似講到我好唔啱咁喎, 我有通知過佢我會"如實", "唔加油加醋" 咁公開呢件事,
    佢係有少少歉意的話, 就唔會一D反應都冇啦!
    道歉同賠訂都完全冇意思做, 亦冇任何回覆, 我feel唔到佢想解決呢件事

    如果我同你講我有婚前抑鬱, 因為呢件事我唔開心走去跳樓, 佢又過意得去咩?
    賠訂果度, 請你去查下法例, 對於違約金呢樣野, 有例可循,
    你唔識睇我建議你去查澳門日報, 比較寫得顯淺易明
    我唔係冇道理走去叫人賠十萬九千七俾我, 當時佢處理得好, 我唔會咁唔開心

    最後我要重申, 字眼方面我已經好冷靜好斟酌, 字裏行間並沒有罵過佢,
    只係如實將呢件事寫出嚟, 仲有, 佢點解要在FB unfriend我, 係一個謎~ 我自我解讀為心虛

    對於佢ge解釋, 我可以理解, 但不能原諒佢ge後續處理
    今日我唔得閒, 星期一我會去消委會立案

  • kiwi1226 2012-10-19 09:04:05
    6#

    艾雲 發表於 2012-10-19 00:25
    實在太份! 佢自己應該想像下,若果佢真係有BB,到佢Book左好既醫生,安排左預產期要入院等生既時候,醫生突 ...

    其實我都有諗過, 如果佢真係有左,
    我出呢篇post會唔會影響呢位化妝師的心情, 一陣有咩問題就賴我

    但最後都決定咁做, 全因我完全感受唔到佢解決問題的誠意,
    由消費者角度諗, 當時我完全冇諗過要佢公開道歉,
    同D朋友訴苦時都考慮過佢, 冇公開過佢個名,
    如果佢真係咁緊張佢個肚, 俾我我就會賠返訂俾人快快解決呢件事囉~
    但而家我係為佢ge態度好嬲, 我可以唔要賠償, 但我要感受到佢ge誠意, 但冇!

    呢個討論區係大家分享資訊的地方, 我唔係係度罵佢,
    只想俾大家知道, 發生左一件咁ge事,
    上面ge小姐叫我唔好咁計較, 係因為佢針唔拮到肉唔知痛

  • kiwi1226 2012-10-19 09:09:58
    7#

    本帖最後由 silowman 於 2012-10-19 12:41 編輯

    big 發表於 2012-10-19 01:49
    好同情你!
    但CExx 都好慘架啦!有得比佢揀,佢都想幫到你啦!
    係人都吾想個肚吾舒服!


    你可以參考下前助理廉政專員關於違約金的觀點

    http://www.dsaj.gov.mo/iis/Macao ... va/issued7/pg3c.pdf

    另外民法典都有相關規定

    "仲有賠訂果度,我覺得如果你有病,公司最多扣你人工,吾會叫你賠雙倍人工卦!"

    仲有, 我想問你, 你去買樓, 落左訂, 突然有經濟困難或者其他原因撻訂, 你係咪唔駛賠?
    大家講道理je, 我唔想係度講話你係化妝師的朋友,
    但一樣咁常識ge事, 你都可以講到撻訂唔賠係正常, 可能你唔識啦! 大家互相指教啦哈哈

  • fancy00 2012-10-19 09:14:36
    8#

    明白樓主GE心情..如果唔緊張..又洗乜落訂,,洗乜提前一年BOOK你..
    但到頭黎又話唔得..咁好應該賠番雙倍比人丫.. 大佬..銀行存錢都會比利息啦..


  • kiwi1226 2012-10-19 09:18:24
    9#

    fancy00 發表於 2012-10-19 09:14
    明白樓主GE心情..如果唔緊張..又洗乜落訂,,洗乜提前一年BOOK你..
    但到頭黎又話唔得..咁好應該賠番雙倍比人 ...

    haha, 存銀行可能都有幾毫子利息

  • fancy00 2012-10-19 09:21:36
    10#

    收左人地2千蚊..一句唔好意思退番比你就算..誠意欠奉LO..

  • iangrass 2012-10-19 09:27:44
    11#

    本帖最後由 silowman 於 2012-10-19 12:41 編輯

    雖然我都覺得cexx跟進得吾好, 但你係咪有另一d方法去跟進, 跟進完再無效先黎呢到公開講呢?
    而家係e到講左, 你得到d咩野?
    但係你係呢d公開地方公開咁將一d人地吾想講既野講出黎, 我淨係感覺出你既報復既心態囉,
    你結左婚都係人妻啦, 你都會有bb架, 大吉利事講句, 如果你到時bb又係咁, 你有咩感受呀?
    同意網友big: "新婚開心D啦!不要再被呢D事困擾..."
    一句: 將心比心......
    p.s. 我吾係cexx 朋友, 吾係佢學生, 吾係佢客人.

  • kiwi1226 2012-10-19 09:36:04
    12#

    本帖最後由 silowman 於 2012-10-19 12:41 編輯

    iangrass 發表於 2012-10-19 09:27
    雖然我都覺得cexx跟進得吾好, 但你係咪有另一d方法去跟進, 跟進完再無效先黎呢到公開講呢?
    而家係e到講左,  ...


    到時我有BB又係咁, 無論我係咩行業, 我會賠返應有的賠償俾人, 就係咁簡單, 如果你覺得我ge要求係唔啱, 大可指正, 多謝

  • kiwi1226 2012-10-19 09:36:46
    13#

    本帖最後由 silowman 於 2012-10-19 12:42 編輯

    iangrass 發表於 2012-10-19 09:27
    雖然我都覺得cexx跟進得吾好, 但你係咪有另一d方法去跟進, 跟進完再無效先黎呢到公開講呢?
    而家係e到講左,  ...


    我想問如果佢完全唔回覆, 仲有咩方法跟進? 請指教
    我有俾佢選擇, 公開的話, 就道歉, 唔公開的話, 就賠訂, 呢個係佢的選擇

    而且我相信, 唔止我一個投訴帖, 如果呢度個個都因為得唔到D咩,
    都不在這分享資訊, 根本唔需要有討論區的存在

    另外你話我公開一D人地唔想講出嚟ge野,
    其實我係度保障緊自己囉.....如果我唔講原因,
    到時D人又話我講一D唔講一D唔知隱瞞係有咩居心搏同情
    你以為如果我唔講佢有BB呢件事, 呢度D人仲會唔會同情佢?
    想問我講出嚟有咩得益? 因為我唔排除佢講GE係事實, 先會講出嚟等大家判斷,
    如果你覺得我講D對我冇利的事出嚟都算報復, 無言.....

  • MacauBabyFace 2012-10-19 09:46:47
    14#

    其實你地無落實簽署一份簡單的聲明,表示已收訂及違約賠償的問題嗎???.....

  • kiwi1226 2012-10-19 09:48:42
    15#

    MacauBabyFace 發表於 2012-10-19 09:46
    其實你地無落實簽署一份簡單的聲明,表示已收訂及違約賠償的問題嗎???.....

    如果有佢就賠左俾我啦~ 請freelance化妝師大家都係講個信字,
    只怪我笨, 不過佢有facebook confirm我囉

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.