我的收藏
版主
申請
開區
申請
沙巴小Tony
加入日期:2013-4-27
流動積分:86
查看 59402 回覆 68
按讚 0 按彈 0

沙巴有问必答区

2013-4-27 00:39:56
  • 我刚刚辞左旅行社既职位
    出来做返导游
    趁宜家有少少时间就上来呢度分享d沙巴资料
    以方便解决你地既疑难杂症

    沙巴机场
    1. Kota Kinabalu International Airport, Terminal 1 主要係俾马航 (MAS Airlines) / 港龙 (Dragon Air) / 新航 (Silk Air) / 汶航 (Brunei Airlines) 停留处


    机场总共为三层: 第一楼 (低楼) 係抵达入境处, 第二楼係航空公司办事处 以及 第三楼係离境处


    抵达入境处总共有两个闸口: 国际航空闸口 (Gate 1) 以及 内陆航空闸口 (Gate 2 OR Gate 3)

        o) 国际航空闸口 (Gate 1) 出来后左转直行一分钟既右手边就会见到DIGI卖电话卡公司之后再直行五分钟既左手边就会见到两间兑换店. 而的士站预约询问处係个兑换店隔离

      o) 内陆航空闸口 (Gate 2, 西马区) 出来后右转直行一分钟既右手边就会见到两间兑换店。而兑换店既对面有间CELCOM卖电话卡公司. 而的士站预约询问处係个兑换店隔离

      o) 内陆航空闸口 (Gate 3, 东马区) 出来后右转直行十分钟既右手边就会见到两间兑换店。而兑换店既对面有间CELCOM卖电话卡公司. 而的士站预约询问处係个兑换店隔离


    抵达入境处个层楼都有公众电话区, 餐厅, 旅行社, 租车铺, 邮政局, 马来西亚旅游局询问处等等


    离境处个度可以见到好多间航空公司柜台: 港龙 (Dragon Air) / 新航 (Silk Air) / 汶航 (Brunei Airlines)既柜台多数都係【A】柜台 以及 马航 (MAS Airlines)柜台係【B】


    係个两个柜台之前有行李扫描机器, 所有寄仓既行李都需要攞去扫描先. 扫描之后既行李都会粘张黄色字条係个行李拉链之间


    当你扫描完行李就可以去柜台办理登机手续. 全部航空公司柜台都需要拉住行李去排队办理登机手续, 唯独马航有少少唔同. 马航既柜台有两边, 左边主要俾已经係网上提早做好登记者或者得到登记证者 (扫描机器左右边隔离都有马航电子索取登记证机器, 只要你既机票少于8个人以下都可以使用个机器提前得到登记证. 使用你既护照就可以SCAN到你既机票 ... 个度都有马航工作员教你如你如何使用) 而另一边就需要係个度排队办理登机手续兼寄行李.


    当你办理好登记手续后就可以准备入闸, 入闸之前都有少少铺可以去行如: 手工艺品铺, 香水+朱古力+零食+雪条铺, BODY SHOP, 首饰铺, 海鲜铺等等 ... 除左有铺之外当然都有差馆係过左个Exit Door既左手边尾端附近 ...

    入闸既时候记得唔好带住100毫升以上既液体同危险物品都过唔到关


    入闸之后都有少少铺可以行, 但係未开晒


    第一楼餐厅只有OLD TOWN 同 KFC. 第三楼入闸之前既餐厅有老麦同马来西亚式餐厅而入闸后都有部分餐厅如KFC, MARRY BROWN 等等 ...


    2. Kota Kinabalu International Airport, Terminal 2 主要係俾亚航 (Air Asia) 同其他廉价航空公司停留处


    机场总共分为两层: 第一楼 (底楼) 抵达入境处同离境处 以及 第二楼係餐厅兼亚洲航空公司办事处


    抵达入境处总共有两个闸口: 国际航空闸口 (Gate 1) 以及 内陆航空闸口 (Gate 2) = 但係多数都係使用国际航空闸口入境除非太多航班同一个时间抵达先会使用两个闸口


    闸口一出来右转就会见到汇丰银行既提款机同公众电话, 再往前后既左手边就见到 沙巴旅游局询问处以及的士站预约询问处 ... 之后再往前大约10分钟就会见到兑换店 (MAYBANK) 而路上就会经过亚航公司售票柜台, Donut铺同香水铺等等


    闸口左右手边都会见到卖电话卡铺: 一间係TUNE, 另一间係CELCOM


    如果提前係网上办理好登记手续就可以悭RM 10一个人. 机场个度仲可以揾到使用大约五部电话登记证既SCAN机器或者直接去柜台索取登机证


    SCAN行李既机器係个亚航登机处入口, 所有柜台都可以办理登机手续除非个柜台只写住Luggage Drop (专门俾已经拥有登机或者处理好登机手续既人)


    离境处入边只有三间铺, 烟酒同香水铺, 一间CAFE, 同一间手工艺品兼雪条铺


    第二楼既餐厅有两间, 一间係KFC而另一间係食马来西亚式餐


    特别注明:-
    1.如果你係香港或者当地旅行社预定既配套内有包来回机场接送 (记得同旅行社确实清楚), 入境处闸口一出来就可以见到司机或者导游拎张纸写住你既全名接待你 (当然最好询问清楚旅行社係使用你既名或者旅行社公司既名接待)

    2.如果发现到有两间旅行社既人接待你, 记得通知个D接待员关于你想跟边个旅行社或者亲戚朋友离开.

    3.如果你想购买电话卡记得带住护照, 当然都需要询问接待员是否有时间俾你买电话卡. 因为电话卡都必须要注册, 但係个速度非常慢

    4.如果你有同导游预定海鲜或者雪条, 所有野都会係你离开沙巴时候送到机场俾你. 而你就可以係个SCAN行李机器附近揾到你所预定既野

    5.所有航空公司都可以俾海鲜同雪条寄仓, 唯独亚航航空公司就唔俾. 海鲜必须要手提 (一个人最多7公斤) 而雪条必须要係离境处入边既铺购买

    6.机场个雪条同海鲜价钱贵过出边大约九折左右


    香港或者深圳飞亚庇 (Kota Kinabalu) 既航班资料:-

    马航航空公司: MH385 ETA 1830hrs (1530hrs係香港起飞) & MH384 ETD 1135hrs (1435hrs抵达香港) 【日日都有得飞】

    马航航空公司: MH387 ETA 2220hrs (1920hrs係香港起飞) & MH386 ETD 1525hrs (1820hrs抵达香港) 【星期三同六先有得飞】

    港龙航空公司: KA061 ETA 1100hrs (0800hrs係香港起飞) & KA060 ETD 1155hrs (1450hrs抵达香港) 【星期日, 二同四先有得飞】

    港龙航空公司: KA063 ETA 1850hrs (1545hrs係香港起飞) & KA062 ETD 1955hrs (2250hrs抵达香港)【星期一同五先有得飞】

    港龙航空公司: KA065 ETA 1940hrs (1640hrs係香港起飞) & KA064 ETD 2035hrs (2335hrs抵达香港)【星期三同六先有得飞】

    亚航航空公司: AK1646 ETA 2245hrs (1950hrs係香港起飞) & AK1645 ETD 1620hrs (1915hrs抵达香港) 【日日都有的飞】

    亚航航空公司: AK1642 ETA 1220hrs (0925hrs係香港起飞) & AK1641 ETD 0550hrs (0840hrs抵达香港) 【星期五同星期日先有得飞】

    亚航航空公司: AK1642 ETA 1250hrs (0955hrs係香港起飞) & AK1641 ETD 0630hrs (0920hrs抵达香港) 【星期一 至星期四同星期六先有得飞】

    特别注明:-
    1.如果你提前係网上办理好登记手续, 90分钟前需要抵达机场

    2.如果未办理好登机手续, 市区酒店就需要係个两小时前离开酒店 & 郊区酒店就需要两个半钟前离开酒店

    3.旅行社有安排送机服务: 想延迟接待时间或者唔跟车就必须要通知旅行社


    0 0
  • 沙巴小Tony 2013-4-27 00:41:19
    2#


    市区中心酒店

    1.       Shangri-La's Tanjung Aru Resort & Spa - 簡稱為STAR (香格里拉丹絨雅路) 五星國際名牌度假村. 人造沙灘, Kid's Club,Chi SPA 等設施. 出入酒店只可以选择搭的士. http://www.shangri-la.com/kotakinabalu/tanjungaruresort

    2.       Sutera Harbour Resort - The Magellan Sutera (麥哲倫) 本地五星度假村. 它有二十七洞高爾夫球場, 人造沙灘, Kid's Club,Mandara SPA, 酒店私用碼頭等設施.仲有穿梭巴士來回市區(一個鐘頭一班, RM 3一个人来回接送). http://www.suteraharbour.com/v3/

    3.       Sutera Harbour Resort - The Pacific Sutera (太平洋) 本地五星商务酒店. 係The MagellanSutera (麥哲倫) 隔離, 價錢就比 The MagellanSutera(麥哲倫)平D, 不過酒店既設施係可以共同使用.

    4.       Ming Garden - 目前为止(2012年5月26日)沙巴最新既五星商务酒店. 出入市区需要搭穿梭巴士大约八分钟左右. http://minggardenhotel.com/index.cfm

    5.       Hyatt Regency Kinabalu - (凱悅) 五星國際名牌商务酒店. Wisma Merdeka 商場隔離. http://www.kinabalu.regency.hyatt.com/hyatt/hotels-kinabalu-regency/index.jsp?hyattprop=yes

    6.       Le Meridien Hotel - (美麗殿) 五星國際名牌商务酒店. 菲律賓市場對面. http://www.starwoodhotels.com/lemeridien/property/overview/index.html?propertyID=1935

    7.       Promenade Hotel - 四星商务酒店. Ocean Seafood 海王城隔離. http://www.promenade.com.my/

    8.       Sabah Oriental Hotel - 四星商务酒店. 以前酒店名为Beverly Hotel. 出入市区需要搭穿梭巴士大约八分钟左右http://sabah-oriental.hotel-rez.com/index.htm?lbl=ggl-en

    9.       The Palace Hotel - 四星商务酒店. 出入可以免費搭酒店既穿梭巴士同埋酒店房間設施都係翻新左唔到一年. http://www.thepalacehotel-sabah.com/

    10.    Horizon Hotel - 四星商务酒店. 市区正中心, 左转就係Gaya Street (加雅街) 而右转十分钟就係大牌擔(珍珠/雙天海鮮樓) http://www.horizonhotelsabah.com/

    11.    Klagan Hotel - 四星商务酒店. 市区正中心, 係Warisan Square 商場, 佢係地點酒店(酒店前面就係Center Point商場同埋後面就係Water Front啤酒街)

    12.    Imperial Boutec Hotel - 三星商务酒店. 係Warisan Square 商場7樓入邊, 佢係地點酒店(酒店前面就係Center Point商場同埋後面就係Water Front啤酒街), . http://www.imperialboutec.com/

    13.    Cititel Express - 三星廉价商务酒店. 係Asia City (富源其中一間分店係度) 商場隔離, 同埋行路過去大牌擔(珍珠/雙天海鮮樓)只需要10分鐘左右. http://www.cititelexpress.com/kk/

    14.    Shangri-La Hotel - 三星商务酒店(佢不係Shangri-La國際品牌酒店喔). 行路过去大牌擔(珍珠/雙天海鮮樓)只需要八分鐘左右. http://www.kkshang.com/

    15.    Marina Court Resort Condominium - 公寓式酒店, 出入方便同埋去Ocean Seafood 海王城 OR Water Front 啤酒街 行路只需要十分鐘左右.
      网站暂时太多-.-" 你地直接上网查询 "MarinaCourt Kota Kinabalu就会见到好多" 或者询问旅行社都有价钱o 4

    16.    Likas Square Condotel - 公寓式酒店, 酒店房间都翻新唔到一年左右.出入可以使用免費穿梭巴士. http://www.likassquarehotel-kotakinabalu.com/ppc/?gclid=COSioeaAnrACFQl66wodfHtjZA

    其他酒店 / 名宿如: Kinabalu Daya (新记肉骨茶隔离), Hotel Sixty3 (富源既对面), Sarangnova / KK Suite, Summer Lodge (Pizza Hunt 楼上), North BorneoCabin (佑记肉骨茶楼上), Red Palm Hostel (怡丰茶室对面), AKinabalu YouthHostel (怡丰茶室楼上) 等等都係位置於 Gaya Street. Lavender Lodge 位置於大牌擔(珍珠/雙天海鮮樓)對面,De GalleriaHotel 位置係Night Market度, Gaya CenterHotel, Myne Hotel, Le Hotel, Winner Hotel, King Park Hotel, Eden54 等等 ... (仲有好多, 講不晒)



    海島酒店

    1.       The Manukan Island Resort - 係属于Sutera SanctuaryLodge管理, 五星島上屋度假村. 機場坐車十五分鐘坐船十五分鐘就可以抵達, 從Sutera Harbour 既私用碼頭出發(每個鐘頭一班船). 島上有個可以睇日落亭子, 同埋可以隨時自費浮潛, 各種各式的水上活動, 仲有個小型博物館. http://www.manukanresort-kotakinabalu.com/ppc/?gclid=CIHz6a-EnrACFQ176wodgzy4YA

    2.       Gayana Eco Resort - 五星水上屋度假村. 機場坐車十五分鐘坐船十五分鐘或者半个鐘就可以抵達, 從Jesselton Point 公用碼頭 (出發: 1230hrs,1430hrs, 1630hrs 出來: 1100hrs, 1300hrs, 1600hrs 等等. 同埋你地都可以搭佢地既员工船出來[听闻宜家需要额外收费], 裡個需要同酒店check時間啦). 係度住可以免費浮潛, 非機動水上活動, 自費潛水, 自費SPA, 有水族館等等; 同埋都可以搭船過去Bunga RayaResort個度玩. http://www.gayana-eco-resort.com/gayana_site/index.html

    3.       Bunga Raya Resort - 五星島上屋度假村. 機場坐車十五分鐘坐船二十分鐘或者四十分钟就可以抵達, 從Jesselton Point 公用碼頭 (同出發Gayana既時間大概一樣. 係度住可以免費浮潛, 非機動同一點機動水上活動, SPA, 自費潛水等等; 同埋都可以搭船過去Gayana EcoResort個度玩.http://www.gayana-eco-resort.com/bungaraya_site/index.html

    4.       Mantanani Island Resort - 島上名宿. 市区坐車两個鐘坐船四十五分鐘就可以抵達. 多數都需要跟旅行社預訂, 同埋間間旅行社包既野都唔一樣. 比较适合鍾意潜水者



    郊區酒店

    1.       Grand Borneo Hotel – 四星商务酒店. 機場到酒店大約三十五分鐘左右, 出入市區既話需要自費搭的士或者One Borneo 商場既穿梭巴士. 位置係東馬最大既商場One Borneo. http://www.grandborneohotel.com/rooms_types.php

    2.       Novotel – 四星國際品牌商务酒店. 機場到酒店大約三十五分鐘左右, 出入市區既話需要自費搭的士或者One Borneo 商場既穿梭巴士.. 位置係東馬最大既商場One Borneo. http://www.novotel.com/zh/hotel-6476-novotel-kota-kinabalu-1borneo/index.shtml

    3.       Tune Hotel – 亚航既廉价酒店. 機場到酒店大約三十五分鐘左右, 出入市區既話需要自費搭的士或者One Borneo 商場既穿梭巴士. 位置係東馬最大既商場One Borneo.


    4.       Nexus Karambunai Resort & Spa - 簡稱為Nexus (Nexus佳藍文萊) 本地五星度假村. 機場到酒店大約四十五分鐘左右, 私人沙灘, Kid's Club,SPA, 18洞高爾夫球場等設施. 如果你不想住佢既普通房間, 佢仲有別墅型房間選擇 (由一房一厅至三房一厅, 住係度既話需要係個度Check-In 同埋你地可以選擇係別墅個度既泳池旁邊食早餐或者係度假村個度餐廳食早餐) . 別墅型房間: 有D房型係有泳池既, 靠近沙灘 等等. 出入市区就需要搭穿梭巴士(RM24一个人, 一日四班左)或者的士, 酒店既穿梭巴士除左出入市区都有係两个翼之间行驶o. http://www.nexusresort.com/new/  

    5.       Shangri-La's Rasa Ria & Spa - 簡稱為RRR (香格里拉拉沙利亞) 五星國際名牌度假村. 機場到酒店大約五十五分鐘左右, 私人沙灘, 自然保護區(紅毛猩猩同埋其他少量野生動物), Kid's Club,SPA, 18洞高爾夫球場等設施. 酒店分Ocean Wing 同埋 Garden Wing,Ocean Wing就比較高級D, 貴D: 佢係房間入邊做Check-In, 有自己既早餐餐廳, 沙灘, 泳池等等. 兩個翼既設施可以共同享用, 早餐餐廳除外. 出入市区就需要搭穿梭巴士(RM 25一个人, 一日大约五班左右) 或者搭的士. http://www.shangri-la.com/en/kotakinabalu/rasariaresort



    大部分星至星酒店既规矩等其他事項如下:-

    ·        两个大人同两个小朋友 或者 三个大人   一間房. [如果你要特别多人入住就需要特别同酒店要求说明o]

    酒店正常 Check In 既时间大约两点钟同正常 Check Out 既时间大约十二点钟. (係酒店淡季既時候可以要求延迟 Check Out时间, 需要係Check Out前一晚或者Check Out当日要求. 裡個需要睇自己既功力啦)

    ·        部分酒店係Check In既時候都需要收订金(现金或者信用卡). 而订金會係Check Out時候退返或者取消.

    ·        沙巴酒店房间只要睇到少少海景都係叫海景房.

    ·        關於個D特別要求, 所有既酒店都係會回復It's SubjectAvailability(唔会保证)如: 房間樓層, 是/否吸煙房間, 免費升級, ConnectingRoom, 蜜月Setting, 等等 ...

    ·        如果Last Minute取消房間, 大多數都係FullCancellation Charge 除非有特別事件同埋證據證明. 當然都需要睇酒店本身接唔接收啦

    ·        間間酒店既旺季日期同旺季附加費係唔一樣, 預訂既時候記得讀清楚喔

    ·        旺季大多数都係香港假期比如: 复活节, Summer Holiday, 十一(中国假期), 圣诞节, 农历新年等等

    ·        你可以选择係酒店网站或者香港/当地旅行社预定房间, 有时候D旅行社可能有特别优惠配套. 间间旅行社收费都唔同, 有D收订金而余款抵达之后付清(旅游社收左订金后就会付清俾酒店)&有D收全款等等 … (你既订单同边个旅行社预定, 余款就需要交返俾旅行社o.) 如果你担心旅行社是否预定好房间, 可以自己打电话去查询. (房间订单一定有个确认号.

    ·        部分酒店(三星至五星)都有免费上网服务[大堂WIFI以及房间係插线. 唯独STAR整间都係WIFI], 唯独Hyatt Regency Kinabalu係需要付费o

    ·        酒店正常食早餐时间大约0630hrs – 1000hrs左右. 如果你係凌晨离开酒店又想食早餐可以去前台同酒店服务员要求准备饭盒类简餐(前一晚要求).



  • 沙巴小Tony 2013-4-27 00:42:04
    3#

    SPA & MASSAGE
    每间五星度假村都自己既SPA如:
    1.        Shangri-La’s Tanjung Aru Resort & Spa: CHI SPA
    2.        Sutera Harbour Resort: MANDARA SPA
    3.        Nexus Kambunai Resort & Spa: BORNEO SPA
    4.        Shangri-La’s Rasa Resort: THE SPA AT DALIT BAY
    市区内出名既SPA铺如:
    1.        KAMA'A Rejuvenation & Wellbeing (距離市區大約5分鐘車程)
            地址: Megah D’Aru Hotel, No. 2, Jalan Kinabalu, Tanjung Aru Township, 88100 Kota Kinabalu, Sabah
            联系电话: +6 088 253 103 / +6 016 810 9066
    2.        Jari - Jari SPA (距離市區大約5分鐘車程)
            Plaza Tanjung Aru, 2nd Floor, Block B, Lot 2.1, Jalan Mat Salleh, Kota Kinabalu, Sabah
            联系电话: +6 088 272 606
    3.        Neobayu SPA (距離市區大約15分鐘車程)
            Lot 2, Ground Floor, Wisma HCS, Luyang, Kota Kinaballu, Sabah
    4.        Ka'andaman SPA (距離市區大約25分鐘車程)
            KM8, Hongkod Koisaan (KDCA), Jalan Penampang, 88700 Penampang
            联系电话: +6 088 721 008
    我本身就比較時常聽到有好既评语  就係以上呢幾間 (仲有其他选择, 你可以叫導遊介紹)


  • 沙巴小Tony 2013-4-27 00:42:34
    4#

    PUB & DISCO
    沙巴夜生活可以考虑去既场所都有少少选择如下:-
    1.        The B.E.D.
            地址: Lot 15, 1st Floor, Anjung Samudra, The Waterfront, Jalan Tun Fuad Stephen, 88000, Kota Kinabalu
            特色: DISCO, LIVE BAND同大型场所
    2.        Shenanigan’s Terrace
            地址: Hyatt Regency Hotel下面
            特色: DISCO, LIVE BAND同中型场所
    3.        Fire Fly Bar & Grill
            地址: Lot F-36-G, Ground Floor, KK Time Square, Coastal Highway, Kota Kinbalu
            特色: 餐厅, DISCO, LIVE BAND 同中型场所
    4.        White Room Bar Club Lounge
            地址: Ground Floor, KK Time Square, Kota Kinabalu
            特色: DICO, LIVE BAND, 唱K同中型场所
    5.        Chocolate Factory
            地址: Ground Floor, KK Time Square, Kota Kinabalu
            特色: DISCO, LIVE BAND 同中型场所
    备注:-
            特別日子都會舉辦節目(但係多數都有收門票)如: Christmas / Halloween / New Year
            热闹星期: 星期三至星期六
            热闹时间: 0900hrs – 0000hrs
            其他场所可以係Waterfront个度揾到, 类型以PUB为主

  • 沙巴小Tony 2013-4-27 00:45:37
    5#

    佑记

    佑记

    怡丰

    怡丰


    新记

    新记


    味雅

    味雅


    大茄来

    大茄来


    Toscani

    Toscani


    海鲜大排档

    海鲜大排档


    海王城

    海王城


    Little Italy

    Little Italy


    富源

    富源


    市区中心内既必食餐厅地址
    怡丰茶餐厅 (KEDAI KOPI YEE FUNG)
    地址: 亚庇市加雅街137号 (No. 137, Gaya Street, Kota Kinabalu)

    SEDCO海鲜大排档
    地址: Sedco Complex, Kampung Air, Kota Kinabalu
    总共有四家海鲜: 双天 / 珍珠楼 / 华兴 / 古村

    大茄来海鲜餐厅 (Welcome Seafood Restaurant)
    地址: Lot G 18, Ground Floor Kompleks Asia City Phase 2A, Jln Asia City, Kota Kinabalu
    係亚洲城商场既马路边”餐厅对面係中华小学”

    海王城海鲜餐厅 (Ocean Seafood)
    地址: No. 4, Lorong Api – Api Center 3, Api – Api Center, Kota Kianbalu

    味雅海南鸡饭
    地址: No. 4, Block F, Segama Complex, Kota Kinabalu

    新记肉骨茶
    地址: No. 26, Jalan Pantai, Kota Kinabalu

    记肉骨茶
    地址: 亚庇市加雅街74号 (No. 74, Gaya Street, Kota Kinabalu)

    Toscani意大利海鲜餐
    地址: Sabah Tourism Board, 51 Gaya Street, Kota Kinabalu
    係WaterFront 区

    Little Italy意大利海鲜餐厅
    地址: Jln Haji Saman, Kota Kinabalu Lama, Kota Kinabalu

    富源茶餐厅
    地址一: G33, Asia City Road, Kota Kinabalu
    係亚洲城商场既马路边”餐厅对面可以见到Cititel Express”
    地址二: Sabah Tourism Board, 51 Gaya Street, Kota Kinabalu
    係加雅街既Hotel63对面或者沙巴旅游局既隔离

    Secret Recipe
    WARISAN SQUARE
    C-G-07 & C-01-07 Block C, Ground Floor & First Floor, Warisan Square, Jalan Tun Fuad Stephens, 88000 Kota Kinabalu, Sabah.
    SURIA SABAH
    Unit G-6, Ground Floor, Suria Sabah Shopping Mall, Lot 1, Jalan Tun Fuad Stephens, 88000 Kota Kinabalu, Sabah.

  • 沙巴小Tony 2013-4-27 00:48:49
    6#

    特色食物
    1.        富源: 咖椰多士同埋拉茶

    2.        怡豐: 拉沙同吉仔冰

    3.        味雅海南雞飯: 海南雞飯同吉仔冰

    4.        新記肉骨茶: 肉骨茶

    5.        佑記肉骨茶: 肉骨茶

    6.        海鲜餐厅: 沙巴树仔菜炒马来盏, 湿奶油老虎虾, 清蒸石头鱼, 椒盐赖尿虾, 白灼东风螺, 沙白汤等等
    佑记.jpg

    怡丰Laksa.jpg

    新记.jpg

    味雅.jpg

    石头鱼.png

    沙白.jpg

    老虎虾.jpg

    濑尿虾.jpg

    富源.jpg

    东风螺.jpg

    菜.jpg


    仲有好多講唔晒: 串燒 OR 沙嗲 / 燒雞翼 / 燒魔鬼魚/ 牛雜粉麵 / 生肉粉麵 / 魚雜粉麵 / 蝦麵 / 馬來椰漿飯 / 海鮮粥 / 豬腸粉 / 超大果汁 等等... [可以詢問當地旅行社/導遊正確地點]

  • 沙巴小Tony 2013-4-27 00:49:31
    7#

    沙巴必卖手信
    1.        生果雪條 [一盒入邊有12支, 用個小寶膠盒裝住] - 正!
            牌子既名應該係Daluwang (唔知有冇寫錯, 音係正確D).
            可以係市区商场既土产特卖店 / 有D再見螢火蟲度既河畔餐廳 / 朱古力專門店 / 海鮮專門店 / 土產專門店 等等既地方可以搵到.
            可以叫導遊幫手預訂Pack好之後送往機場 (可以頂6 - 8個鐘左右因為有報紙包住同買有Extra個大八寶膠盒裝住)
            Air Asia飞机乘客必须要係機場入邊買 (應該可以頂5個鐘左右gua ~~ .建議冇買太多, 驚溶左因為包裝係報紙+防水膠帶包住)
    2.        朱古力專門店 [有兩個牌子, 但係我對Berly’s既朱古力鋪比較清楚D]
            極力推薦: - 榴槤朱古力/TIRAMISU朱古力
            其他朱古力口味: 藍莓 / 紅莓 / 薯片 / 辣椒 / 芝麻 / 咖啡豆 / 70%純黑朱古力等等
            大多數導遊都會很樂意帶你地去买
    3.        急凍海產專門店
            極力推薦: - 超大老虎蝦
            其他选择有: 青鮑 / 各種不同既海魚 / 海参 / 带子 / 龙虾 / 花胶 / 咸鱼等等
            大多數導遊都會很樂意帶你地去买
    4.        土產專門店
            極力推薦: - 東革阿里=馬來人參 /千里追風油
            其他选择有: 燕窩 / 木制或贝壳手工藝品 / 芒果软糖 / 榴莲干 / 肉骨茶茶包 / 斑蘭软糖 / 胡椒粉 / 咖哩粉 等等
            大多數導遊都會很樂意帶你地去买

    备注:-
            生果雪条: 返到屋企即刻拆开个盖摆係雪柜冰格内
            朱古力: 摆係阴凉既地方先好食. 唔建议摆係雪柜或者会俾太阳晒到既地方
            東革阿里同燕窝: 必须要持有证书先可以出境

  • 沙巴小Tony 2013-4-27 00:51:19
    8#

    沙巴亚庇市区中心基本行程如:-

    行程-靜態- (間間旅行社包既野都唔同,以下都係大概)

    1.     再見螢火蟲之旅 或者 長鼻猴+螢火蟲之旅: 全程7個鐘左右 多數都係包下午茶/車程/馬來私房菜晚餐/船費/導遊服務

    2.     神山+溫泉一日遊: 全程8個鐘左右 多數都係包基本門票/午餐/車程/導遊服務

    3.     野生動物園: 全程3個鐘左右 多數都係包基本門票/車程/導遊服務

    4.     Mari-Mari五大民族村: 全程4個鐘左右 多數都係包基本門票/餐/車程/文化舞蹈表演/人體畫畫/體驗5大民族日常生活/品嘗土著米酒/教你如何煮土著私房菜/參觀五大民族村/導遊服務 (3個時段, 每個時段都有個餐[午餐,High Tea,晚餐])

    行程-動態- (間間旅行社包既野都唔同,以下都係大概)

    1.     海島一日遊 / 雙島一日遊: 全程7個鐘左右 多數都會包門票/碼頭費/燒烤費/浮潛用具/救生衣/燒烤午餐/來回船費/車程/導遊服務

    2.     東姑阿都拉曼國家公園體驗潛水: 全程7個鐘左右 潛水用具/包2次潛水/門票/潛水證/潛水教練

    3.     美人魚島浮潛一日遊: 全程9個鐘左右 多數都會包車程/船程/午餐/浮潛用具/救生衣/2次出海浮潛/門票/導遊服務

    4.     美人魚島潛水一日遊: 全程9個鐘左右 多數都會包車程/船程/午餐/潛水用具/2次潛水/門票/導遊服務

    5.     三小時釣魚: 全程4個鐘左右 多數係包車程/船程/手钓用具/魚餌/導遊服務

    6.     深海釣魚: 全程9個鐘左右 多數係包車程/船程/漁具/魚餌/簡單午餐/導遊服務

    7.     Kiulu河激流: 全程7個鐘左右 多數係包車程/1小時激流/午餐/保險/激流师傅服務

    8.     Padas河激流: 全程10個鐘左右 多數係包車程/2小時激流/午餐/保險/激流师傅服務



    行程詳解: - (間間旅行社行程都係大同小異, 唔同就係所使用既餐廳/導遊/配套所有包含既野. 接待時間都唔同係睇地區既. 導遊多數都會係抵達個地方前講解整個行程)


    再見螢火蟲之旅 / 長鼻猴 + 螢火蟲 紅樹林自然生態保護區 (Klias Wetland Rivercruise)
    小貼士: 傘, 水, 蚊怕水, 休閒裝, 防風褸,外套等等 [個度係熱帶雨林區所以蚊多D & 熱 & 坐船既時候, 風大喔]
    1500hrs - 從酒店接待之後出發至凱爾斯 = KLIAS = 紅樹林
    1645hrs - 抵達之後, 係河畔餐廳度享用馬來糕點同茶水兼休息片刻
    1715hrs - 準備好之後就坐船出發去探索長鼻猴同其他野生動物啦 (記得帶住相機影長鼻猴, 仲有係個黃昏時候既天空-正- 如果时间允许, 仲可以影埋日落)
    1825hrs - 返到河畔餐廳準備享受自助晚餐
    1900hrs - 食飽之後係時候出發去睇主題啦, 大自然既聖誕樹“螢火蟲”(相機係影不到的喔)
    1930hrs - 準備離開, 送返去各自酒店.
    * 如果係落細雨既話, 唔會影響到睇長鼻猴. 因為佢地非常鐘意涼爽既天氣. (市區落雨既話, 唔代表個度都落雨喔 ~~~ )

    ** 落大雨会影响螢火蟲。但係落完雨, 螢火蟲就会更加多o
    *** 多數返去酒店之前都會帶你地去朱古力專賣店, 比你個選擇買D手信喔 ~
    **** 返到酒店都大概10點半左右 (最主要都係要睇幾多人一部車啦)

    神山+溫泉一日遊 (Kinabalu Park + Poring Hot Spring) [行程有時候導遊會調反轉來行]
    小貼士: 傘, 水, 蚊怕水, 休閒裝, 波鞋, 防風褸,外套等等 [溫泉度既樹頂吊橋係熱帶雨林區所以有蚊+神山天氣係凍既而同埋車再開住冷氣, 會非常凍. 所以有時候唔開冷氣開車喔]
    0700hrs - 係酒店接待你地出發去神山
    0900hrs - 抵達個Nabalu镇, 係度影神山全景相(如果天气好既话)+交水费+休息片刻+可以四周圍睇下個度既手工藝品市場 (如果想買既話, 記得殺價)
    0950hrs - 準備離開至下個站, 波令溫泉.

    1100hrs - 抵達溫泉度, 先帶你地去行樹頂吊橋 (上去20分钟, 吊桥20分钟以及落来20分钟。相机费多数唔包, RM 5影相 & RM30 Video)
    1210hrs - 係時候浸溫泉啦, 多數都係浸腳喔 (記得唔好幻想個度地方像日本個D大自然溫泉, 個度溫泉可以形容為浴缸式溫泉)
    1230hrs - 準備離開去食饭 (到餐厅前, 導遊多數會幫手注意半路係否有插住個萊佛士花既小牌子. 如果有導遊會詢問你地是否落車自費門票去睇.)
    1330hrs - 去到餐廳食飯, 之後準備出發去下個站啦
    1430hrs - 到個Kinabalu Park 神山國家公園講解
    1500hrs - 準備離開, 送返去各自酒店.
    * 神山取消既原因多數都係土崩, 但係情況很少
    ** 多數返去酒店之前都會帶你地去土產或者急凍海鮮專賣店, 比你個選擇買D手信喔 ~
    *** 返到酒店都大概6點左右 (最主要都係要睇幾多人一部車啦)

    野生動物園 (Lokawi Zoo) [星期五係冇動物秀表演的]
    小貼士: 傘, 水, 蚊怕水, 休閒裝等等 [熱帶雨林區所以有蚊同埋到左個度係行路为主]
    1000hrs - 係酒店接待出發去野生動物園
    1030hrs - 抵達之後導遊就會去買好門票帶你地進去
    1100hrs - 去睇動物秀 (記得影所有既動物, 因為很少有既機會近距離接觸)
    1130hrs - 之後就帶你地行路參觀其他動物 (動物: 紅毛猩猩 / 長鼻猴 / 老虎 / 馬來熊 / 犀鳥 等等 ...)
    1330hrs - 行晒整個動物園就可以準備離開返去各自酒店
    * 返到酒店都大概2點左右 (最主要都係要睇幾多人一部車啦)

    Mari Mari 五大民族文化村 (Mari Mari Cultural Village) [三個時段為: 0920hrs / 1320hrs / 1720hrs]
    小貼士: 傘, 水, 蚊怕水, 休閒裝等等 [熱帶雨林區所以有蚊同埋到左個度係行路为主]
    0920hrs - 係酒店接待出發去五大民族村
    0945hrs - 抵達個度休息片刻, 講解必須注意事項等 ... (記得上廁所先, 因為佢既起點同埋終點有廁所Only)
    1000hrs - 出發去參觀5大民族所住既屋, 間間屋都有小活動同講解等等 ...
    1145hrs - 到達個跳舞表演大堂睇傳統舞蹈
    1230hrs - 吃飯之後就可以準備離開返去各自酒店 (個度都有小小間手信鋪, 你都可以進去參觀喔)
    * 返到酒店都大概2點左右 (最主要都係要睇幾多人一部車啦)

    雙島遊 (Twin Island Day Trip) [三個島,個選兩個]
    小貼士: 水, 太陽油, 毛巾, 沙灘裝等等
    0830hrs - 係酒店接待出發去旅行社所安排既碼頭 (Sutera Harbour 碼頭或者市區公眾碼頭, Jesselton Point)
    0900hrs - 導遊趁你地係度休息片刻去買碼頭費之後就坐船入去你地所選擇既海島
    0915hrs - 抵達海島, 自由活動 (導遊會教你如何使用潛水鏡 .同埋想玩水上活動就需要先報名. 因為早D玩, 冇人爭+天氣好)
    1200hrs - 係海島度享受午餐 (我記得海島度有生果雪條賣o ~)
    1245hrs - 準備好就轉去第二個海島玩
    1300hrs - 抵達海島, 自由活動 (食飽之後多數眼睡, 係時候準備涂多D太陽油做大自然日光浴)
    1445hrs - 準備離開返去各自酒店
    * 取消既原因多數都係大風浪, 但係情況很少
    ** 沙比島: 小+蜥蜴 & 馬慕迪島: 中等 & 馬努干島: 大+碼頭魚多 [所有既島適合浮潛. 沙巴旅遊局登報紙声明話唔可以係海島餵魚因為會影像到魚兒自力更生的能力]
    *** Sutera Harbour 住客可以直接係碼頭借毛巾喔
    **** 返到酒店都大概3點15分左右 (最主要都係要睇幾多人一部車啦)



    東姑阿都拉曼國家公園體驗潛水 (TAR Park Discover Scuba Diving) [潛水教練會根據當日既海水質量以及清度來決定邊個島]
    小貼士: 水, 太陽油, 毛巾, 沙灘裝等等
    0830hrs - 係酒店接待出發去旅行社所安排既碼頭 (Sutera Harbour 碼頭或者市區公眾碼頭, Jesselton Point)

    0900hrs - 導遊會介紹個潛水教練比你地認識之後就坐船入去. 潛水教練所安排停留既海島
    0930hrs - 抵達海島碼頭就直接係碼頭著好潛水衣+裝備之後落水遊過去沙灘度. 係沙灘海上度教你如何係海中作既基本手勢, 清洗潛水鏡等等
    1130hrs - 係海島度自費午餐 (記得唔好食得太飽)
    1300hrs - 準備好就開始船潛 (體驗潛水最深12米, 有牌D就需要睇個牌級數啦)
    1430hrs - 準備離開返去各自酒店
    * 取消既原因多數都係大風浪 + 水濁, 但係情況很少
    ** 有牌潛水就唔同, 直接兩次船潛 (睇你自己既決定, 記得比潛水牌證件證明喔)
    *** 潛水係個非常安全既活動. 識得呼吸+唔驚海水就得啦. (記得放鬆心情)
    **** 一個潛大約45分鐘 (需要睇你自己如何使用氧氣) & 一個教練對2至3個人
    ***** 返到酒店都大概3點左右 (最主要都係要睇幾多人一部車啦)

    美人魚島浮潛/潛水 (Mantanani Snorkeling / Diving) [大小既分別, 個人覺得都係一樣o]
    小貼士: 水, 太陽油, 毛巾, 替換衫褲, 沙灘裝,外套等等 (返到碼頭既時候換杉因為坐船回程既時候多數都會濕左)
    0700hrs - 係酒店接待出發去旅行社所安排既碼頭
    0930hrs - 抵達碼頭休息片刻就坐船出發去美人魚島
    1045hrs - 抵達海島, 大家準備好出發去浮潛/潛水
    1145hrs - 係海島度享用午餐, 之後去四周圍影下相
    1330hrs - 準備好就來第二次浮潛/潛水 或者 留係島上晒太陽 (地點同第一次既係唔同喔)
    1500hrs - 準備離開返去各自酒店
    * 取消既原因多數都係大風浪. (如果菲律賓有颱風多數都會影響到美人魚島個度海域, 70%都會取消既)
    ** 潛水&浮潛既步驟同以上類似的, 所以我就唔多講解啦. (浮潛特別既就係坐船出去浮潛)
    *** 返到酒店都大概6點左右 (最主要都係要睇幾多人一部車啦)

    三個小時釣魚 (3hrs Fun Fishing) [黃昏釣魚行程都係差唔多)
    小貼士: 水, 太陽油, 休閒裝等等
    0945hrs - 係酒店接待出發去旅行社所安排既碼頭
    1000hrs - 抵達碼頭休息片刻就坐船出發去釣魚, 係東姑阿都拉曼國家公園度附近釣. 船家會睇情況帶你地去有D魚釣既地方.
    1300hrs - 準備離開返去各自酒店
    * 取消既原因多數都係大風浪, 但係情況很少
    ** 可以帶走D釣到既魚
    *** 返到酒店都大概1點半左右 (最主要都係要睇幾多人一部車啦)

    深海釣魚 (Deep Sea Fishing) [佢都係有兩日一夜, 係船度過夜]
    小貼士: 水, 太陽油, 休閒裝等等
    0645hrs - 係酒店接待出發去旅行社所安排既碼頭
    0710hrs - 抵達碼頭休息片刻就坐船出發去釣魚, 係個距離市區大約個半鐘海域上釣魚. 船家都會睇情況帶你地去有D魚釣既地方. (海域既名係Mengalum, 如果冇記錯.)
    1200hrs - 係船度食飯之後再繼續釣魚
    1630hrs - 準備離開返去各自酒店
    * 取消既原因多數都係大風浪 (如果南中國海海域有颱風多數都會影響到, 70%都會取消既)
    ** 可以帶走D釣到既魚
    *** 返到酒店都大概7點半左右 (最主要都係要睇幾多人一部車啦)

    Kiulu 河激流 (Kiulu River Rafting) [好多間公司做. 河流係一樣但係服務同專業程度有分別]
    小貼士: 水, 太陽油, 休閒裝, 毛巾, 替換衫褲,外套等等 (落水既衫儘量唔好白色)
    0900hrs - 係酒店接待出發去個行程
    1030hrs - 到一個油站度休息片刻之後再出發去河流既起點 (可以係個度換套落水既杉)
    1100hrs - 到左起點, 導遊或者激流專家就會講解必須注意事項同安全手則等等 (記得專心聽同一定要聽從). 之後就開始激流, 中間多數都會發生水戰之類既有趣事件
    1230hrs - 返到岸上, 替換好衫褲之後準備吃飯 (激流專家就係個時候介紹相片/Video. 價錢大概係RM 50/四張相片 & RM 100/Video)
    1330hrs - 準備離開返去各自酒店
    * 取消既原因多數都係冇水或者係水位太高 (如果落雨都係可以玩激流, 級數有可能升級喔)
    ** 記得跌落水既時候都要保持笑容因為有人影相喔
    *** 返到酒店都大概3點左右 (最主要都係要睇幾多人一部車啦)

    Padas 河激流 (Padas River Rafting) [好多間做. 河流係一樣但係服務同專業程度有分別. 佢既行程有時候都唔一定, 因為特別因素而改變.]
    小貼士: 水, 太陽油, 休閒裝, 毛巾, 替換衫褲,外套等等 (落水既衫儘量唔好白色)
    0530hrs - 係酒店接待出發去個行程
    0800hrs - 到左火車站等待出發 0830hrs 去起點

    1000hrs - 到左起點“半个小时前有地方换衫”. 導遊或者激流專家就會講解必須注意事項同安全手則等等 (記得專心聽同一定要聽從). 之後就開始激流, 中間多數都會發生水戰之類既有趣事件
    1230hrs - 返到岸上, 替換好衫褲之後準備吃飯 (激流專家就係個時候介紹相片/Video. 價錢大概係RM 100/二十張 & RM 125/Video)
    1400hrs - 準備離開返去各自酒店
    * 取消既原因多數都係冇水或者係水位太高 (如果落雨都係可以玩激流, 級數有可能升級喔)
    ** 記得跌落水既時候都要保持笑容因為有人影相喔
    *** 返到酒店都大概5點左右 (最主要都係要睇幾多人一部車啦)

    一家大小適合行程: -

    1.     再見螢火蟲之旅

    2.     雙島遊

    3.     動物園

    4.     Mari Mari 五大民族文村

    5.     神山一日遊

    6.     Kiulu 河激流

    兩個行程可以搭埋一起係一日日邊行晒, 如下: - (睇個人需求同搭配)

    1.     Kiulu 河激流 + 再見螢火蟲之旅

    2.     Kiulu 河激流 + Mari Mari 五大民族文村

    3.     Padas 河激流 + 再見螢火蟲之旅

    4.     雙島遊 + 再見螢火蟲之旅

    5.     雙島遊 + Mari Mari 五大民族文村

    6.     動物園 + Mari Mari 五大民族文村

    7.     動物園 + 再見螢火蟲之旅

    8.     Kiulu 河激流 + 三小時釣魚

    9.     三小時釣魚 + Mari Mari 五大民族文村 (調轉都得)

    10. 三小時釣魚 + 再見螢火蟲之旅



    备注:-

    1.     因天气或者其他突发事件而取消既行程,多数都会退款。

    2.     投诉事件建议直接发邮件俾旅行社-.- (最好係沙巴期间,而方便旅行社係短时间内处理)

    3.     Kiulu River Rafting 适合年龄为6岁 – 79岁 (主要都係睇父母是否答应)

    4.     Padas River Rafting 适合年龄为12岁以上 (主要都係睇个人健康状态)

    5.     孕妇可以参加既行程只有再见萤火虫之旅, 神山一日游, 文化村,动物园等等。记得同导游讲声你是否有左BB -.-“ 非常重要 …

    6.     晕车或者船浪者, 就提早一个小时前食定药(自备)

    7.     係行程期间发现有野唔见左就即刻同导游或者工作人员报告

    8.     行程注明没有包导游小费, 如果觉得个导游服务唔错就俾吧 ^.^ (建议RM 10一个人-.-) 原因: 小费就係肯定导游既服务兼收入 -.-

  • 沙巴小Tony 2013-4-27 01:01:08
    9#

    沙巴日落

    IMG_0658.JPG

    IMG_0657.JPG

    IMG_0655.JPG

    IMG_0631.JPG

    IMG_0571.JPG

    IMG_0569.JPG

    IMG_0525.JPG

    IMG_0454.JPG

    IMG_0450.JPG

  • mok咀 2013-4-28 19:02:50
    10#

    而家戈陣大茄來係咪唔好食啦~?

  • 沙巴小Tony 2013-4-28 19:51:07
    11#

    mok咀 發表於 2013-4-28 19:02
    而家戈陣大茄來係咪唔好食啦~?

    个人认为麻麻地 ...
    太多人啦 -.-
    夜晚8点半之前要到 ... 唔係既话 ... 老虎虾卖晒

  • pennyngai 2013-4-29 18:16:56
    12#

    係咪基本上廣東話可以溝通

  • 沙巴小Tony 2013-4-29 20:11:31
    13#

    pennyngai 發表於 2013-4-29 18:16
    係咪基本上廣東話可以溝通

    语言点菜吗? 唔需要担心 ... 多数係华人点菜 ... 语言以普通话或者广东话 ...
    唔需要担心 ...
    沙巴语言: 英文、华语、广东话、马来文 。。。

  • pennyngai 2013-4-29 20:13:25
    14#

    我想自游行但英文有限公司

  • 沙巴小Tony 2013-4-29 21:27:53
    15#

    pennyngai 發表於 2013-4-29 20:13
    我想自游行但英文有限公司

    都唔大问题啦^_^
    始终都係有三分之一既唐人係市区中心o  ...

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.