我的收藏
版主
申請
開區
申請
billcircle
加入日期:2018-10-21
流動積分:278
查看 270 回覆 5
按讚 0 按彈 0

阿茂與阿壽

2018-12-10 13:58:47
  •       
           故事架開始例牌又係乜乜荒山野岭乜乜老榕樹呢啲咁老土架情節, 唔使問阿桂都知係個自稱壽頭居士架老坑水兩條唔單止智商唔高,就連 個朵都一樣咁益智架,叫做阿茂阿壽架後生仔落搭,呢個世界真係無奇 不有,仲要衰到神仙博物館呢家野都要有人信呢吓你先吹佢地唔脹嘛! “喂,契弟,過黎喇,叫緊你地呀!有毋聽過山不在高,有仙則靈, 水不在深,有龍則靈,斯是陋室,唯吾德馨?”茂壽有點不奈煩“老餅, 家下唔係叫你吟詩呀,我地大拿拿比左8舊水,就咁比啲咁架假野水我 地,過份左喎!”壽頭已經起晒角。“咩話,阿叔出來行走江湖幾十年, 為左果8舊水昆你地?細佬,阿叔依家係點醒你,塞錢入你地袋咋!抹 大眼睇下,feel下呢度啲山水氣息,係咪勁到爆之余又充滿住復古色彩 哩!”茂壽駁道:“唔係阿話,老坑,你一開頭水我地8舊水話用黎參 觀啲乜野神仙博物館,原來係呢啲咁架山旮旯!早知我地攞去落轉廟街 好過喇!” 壽頭架知己壽面奶奶即時笑咗出黎“哈哈哈,都成廿一世紀喇,原 來仲有兩個傻西相信呢個世界上竟然有神仙架喎!細佬,你地係咪讀書 定係讀屎片架?” 茂壽二人頓時又羞又怒,大呼回水! 壽頭不幹了,乾脆扎行馬,大聲咁拋佢地“呢度我個場,今日邊個 夠膽唔俾臉!”講吓講吓手上邊無喇喇仲多咗把關刀! 茂壽暗自思量一下,低聲商量“呢條老坑越睇越似果個精神分裂架 傻西人魚館長,等陣喪起上黎真係唔係人咁品架,我地都係快啲撇,當 比狗打劫咗喇!”
    166
          只見壽頭怒吼“你兩條契弟,返黎!睇嚟今日阿叔唔露返兩手,你 地仲以為我係流架噃!當益你地喇!”忽然,壽頭頭上金光乍現,乜野 金光?即係好似就黎使出如來神掌果時,電視入邊好鬼刺眼果啲咁架光 囉! 咔!壽頭對住壽面奶奶大聲疾呼“喂喂喂!仲咩你次能次都係最緊 要架關頭先黎停能晒我啲電架!”壽面奶奶沒好氣的回罵:“你條仆街 仲好講?廿狗幾年都喺度播埋呢齣如來神掌,又成時借意發瘟唔記得比 人工,呢盞咁架茄嘢道具燈又光掁掁,你睇曬能到!係我先頂得你順架 咋,你老味,仲衰度連電費都唔Q交!”茂壽二人見此情景,都O晒嘴, 腦裡一片空白。 壽頭居士擰過臉去,喃喃自語:“好男不與女鬥!睇嚟,今次唔使 出看家本領都唔得喇!”此刻他心想自己從來一步一腳印,好不容易到 咗今日,無理由臨老唔過得世,比兩件咁架低能仔拆自己招牌架!想到 此處,壽頭頓時滿腔熱血,怒髮沖冠大喊“齊 天 大 聖 ……”“齊 天 大 聖!” 有見茂壽二個嘴O到老虎咁大,壽頭風騷的道:“都同你地講咗, 唔好睇唔起如來神掌架喇!架勢哩?架勢就比番幾下掌聲黎先喇!”雖 見二人作殭屍狀,壽頭一於少理,自顧自的續道:“查實佢前身是天 佛掌,係幾廿年前我國一位偉大武俠小說家柳殘陽先生架傑作!電影大 家睇得多,查實,又有邊個知道塵世間竟然有我呢個識得如來神掌架人 喇!阿叔剛才施展果招並非打燈,而真係如來神掌第一式,佛光普照! 睇你兩個無嚟慧根,都係唔能明架喇!我宜家就破例施展一次如來神掌 第七式天佛降世,將樹上呢隻馬騮,呀唔係,係齊天大聖收落來比你兩 條契弟睇下阿叔我到底有幾咁架勢堂!” “喂!拿番隻蕉過來先喇!唔好玩喇,攞番呢喇!”壽頭幾乎哀求 似的向壽面奶奶打恭作揖!她那裡肯賣這個面子“你要蕉哄馬騮自己去 買,呢條係我今朝買黎作為琴晚宵夜食架!” 茂壽幾乎耐性盡失,有氣無力的提醒壽頭:“老坑,馬騮戲都唔識
    167
            玩,收起條尾先喇,唔該!”壽頭那裡肯吃這個虧,立馬豎起關刀挑弄 了幾下樹上的馬騮尾巴,喃喃自語道:“咁大聖爺本來就係馬騮,馬騮 有尾犯法呀?大驚小怪咁!” 發現阿茂阿壽一直無奈的盯著自己袴下,壽頭猛然醒悟:“哎,唔 好意思,係玉叩紙喇架!唔怕唔怕,剛才如廁時忘了丟棄,多多失禮!” 見到茂壽二人發晒瘟咁,為了安撫他們一下,壽頭尷尬說道:“唔 使驚,啱啱同你地扼果只隻係右手,我一向都係用左手抿屎架喇!你估 我唔識分左右嘛?自細我老母就教落心口係右邊!”說著趕忘把玉叩紙 塞回褲襠裡去! 真係佛都有火,茂壽二人怒吼:“扒街!我地頂唔順喇!以後千祈 唔好再見到呢條粉腸,如果唔係見鑊打鑊!”二人憤然離開時,只見天 上驟起狂雷,嚇的他們回頭一望,只見壽頭颯然獨立狂雷之下!一臉從 容的道:“兩位細路,你地難道忘記咗自己內心架真善美?忘記咗自己 對中國古神仙文化架興趣嗎?你地今日搵啱人喇,乖乖過來,阿叔今晚 逐個捉手仔教你哋!” “知唔知道幾時如來佛誕?幾時齊天大聖誕?又知唔知勾欄女係乜 水?點解準提觀音要嫁比亦正亦邪人格分裂既濕婆神?王母下凡同周牧 王雲雨之後又比咗周穆王食過D乜,搞到佢命都長幾年?孩子,你地實 在太無知了!你地睇下自己個衰樣,額又窄眉又粗,邊鳩度係讀書架材 料?只有阿叔咁抵得諗先肯教你地兩件嘢咋!” “嗱,話時話,喺講古文化前,巡例幾句,你地咁架猫樣肯定連 女都未溝過喇?依家阿叔半價教你地,睇過星星果齣情聖未呀?無錯! 唔使望,真係要好似入邊果個主角咁食住條蕉著住套老爺裝先學到溝女 架!算喇算喇,經濟小小,老爺裝都唔使著住,淨係同我先住剝蕉就 得喇!見係你地咋,8舊喇,友情價!” “有毋搞能錯,叫我地含住剝馬騮蕉,你條老坑自己係度睇龍虎 門!”
    168
        “非也,非也!此非俗之所謂鹹書也,吾實乃用此書洞悉準提佛母 濕婆神所施行之雲雨大法也!” 茂壽二人低聲私語:“噯,當自己時運低比條青山出黎架變態佬 打劫咗!聽朝襯佢未醒拿拿聲撇就係!”只見壽頭居士勃然大怒:“你 兩個契弟有爺生無乸教!個衰樣簡直係比雷劈過咁,都唔知你地老母係 咪咁有緣份都喺三八位度生你地出黎架?一個咸咸濕濕已經差唔多冇屎 忽,另一個簡直係七零蒙蒙搓電筒添!” 茂壽二人自然不甘受辱,回駁道:“老坑,我地邊忽似低能弱智 呀?” “你地唔該柯篤尿照下自己衰樣喇,一個眉粗唇粗加埋兩條孖潤 腸,對眼仲要生到成個金魚佬咁,邊度有色魔出現我肯定第一時間報警 叫差佬第一個搭你,包冇死錯人先喇!另外一個仲折墜,個樣成個唐氏 BB不特已,仲要條死人頭腦綫爛都好似比幾隻狼狗咬過咁,真係醫番 都嘥藥費喇!” 壽面奶奶裝個白臉打趣道:“咁又唔好咁講,正所謂天生我才必有 用!家吓時代科技昌明,垃圾都可以循環再用喇,係咪?更何況我認為 呢佢兩個架樣衰就衰啲,但係又或者可能俾佢地拯救到世界架和平呢? 世事無絕對嘛!” 阿茂阿壽二人氣憤道:“好喇喎,你地唔好再契弟前契弟後喇喎!” 壽頭居士正色道:“你地知唔知上契文化自古以來已經有之,亦係我國 傳統非物質文化遺產之一,最早出現在封神演義的周公雷震子故事入 邊,而詩經入邊的小雅小苑亦有云︰螟蛉有子,蜾嬴負之!所以叫你地 契弟其實亦係關愛架一種,另外,你地聽過唐詩三百首未?唐詩其實又 邊止三百首喇,古人收錄……” 茂壽二人狂吼:“唔好再講,ok?都係叫番我地契弟喇!”壽頭 居士:“係囉,契弟呢個稱呼咪幾啱你地兩個喇!哎呀,停停停!同我 停手,你係度搞邊科……”
    169
            阿壽:“嘩!個桃咁大架!真係正喇!”壽頭居士:“停手,放番 佢落黎,哩粒桃唔係普通架桃!” “超!有毒架咩!睬你都傻!” 壽頭正色道:“呢粒係皇母娘娘架壽桃哩架,成千狗幾年先至結一 次果架咋!” 阿壽痛苦的呻吟“好能痛呀!你做乜渣我呀!” “好彩咁多年來我呢招獅子偷桃從來無荒廢過!” “你偷番個桃咪算囉,仲乜渣我陰部先?” “哎呀,唔好意思,渣錯咗,我查實係唸住從這一渣之中睇下可唔 可以領悟到啲乜野人生哲理咁話啫,暫時未領悟到,留番下次再領悟一 下先!” “變態架!痛Q死人喇!你係咪搞基架!” “施主,我的苦你不會領悟,嗚,你試下幾十年風雨不改咁對住果 個衰樣喇!好似比打椿機打過咁呀!嗚!” “明架明架!唔好咁唔開心,我都知你的苦,聽晚細佬帶你落山去 威下,撫慰一下你條老坑弱小架心靈呀!” 壽面奶奶怒斥:“喊喪咩!播埋啲咁架扒街音樂,電費又要我 交!你估你開著部機我就聽唔到咩!想當年,老娘假假地都靚絕青城 山……”說著更忍不住搔首弄姿一番! 壽頭回道:“去青山你就有!喂,你地兩個仆街又搞邊科呀?停手! 放低條女佢!” “嘩,你個老屎忽都古感喇!係邊度拿到呢張咁索女架海報?仲靚 過蒼老師和松島老師喎!做乜我地未見過架!無理由架?有邊條av女 我地唔識架先!”
    170

         “放低先喇,呢個係勾欄女,唔可以不敬架!唔通,你真係想認識 一下佢本尊!” “喂!你地又做乜野,都話個桃唔食得囉!你睇下你地自己,仲食 到好似隻狗咁!”壽面奶奶皮笑肉不笑道:“都話咗佢兩個一定唔係池 中物,遲早有一日會拯救世界架喇!”壽頭居士苦笑道:“咁使唔使頒 個獎比過佢地呀!” “乜獎先?”茂壽二人饒有興致的問道。 “飛躍進步獎同終身成就獎囉,揀邊個先?” “嘿嘿!梗係終身成就獎喇!” 只見壽頭居士面發青笑“真係識貨!成個宇宙最強就係呢個獎,咁 都比你地揀中!一早就話咗你地骨格精奇,係送死,哎,唔係,係練武 拯救世界架奇才哩架喇!” “唔好咁多廢話喇,咁係咪即係好似太平紳士之如此類果d咁架獎?” “傻仔哩架!我地呢個終身成就獎仲架勢呀!你地有無聽過封侯先?” “呀!好似有,好架勢堂果隻,但宜家仲邊有呢支歌仔唱喇!” “講故唔好駁故,你聽埋先喇,呢個獎直情勁到封你地上凌烟閣同 廿四開國功臣排排坐呀!得閒仲可以爬上閣樓裝下黃母娘娘手下果班仙 女們沖涼添!跟我過黎喇!” 阿茂發現什麼不對勁似的“咩事呀,點解呢度成個祠堂咁架?”阿 壽又說:“嘩果度成幾廿個神主牌,嘩仲有兩個空咗出來無名添喎!” 壽頭居士:“無事無事!細路仔唔好周圍望!” “喂,咪喇,唔係好對路!你究竟要帶我地去邊?講清楚好喎!果 兩塊牌做乜空架先話時話?” “無事無事!係喎,衰婆,去搵支毛筆出嚟!呀,仲有,唔好意思, 兩位點稱呼呢?”
    171

         “要我地名做咩?” “無事無事!叫個婆娘練下書法,用果兩塊神住牌試下寫上你地個 名睇下啱唔啱身咁啫!純粹係練習書法,弘揚國粹,唔好諗太多!” 阿茂阿壽:“嘩!做咩呀!呢度跌落去榨都無得剩架喎!” “跳喇,無事架!你地食左黃母娘娘架仙桃,已經有金剛不壞之身 架喇!” “嘩!你條黏綫佬攞命咩!咬你一啖爛桃,仲要俾埋條命你添!” “唔準走!今日邊個都唔可以離開哩度平步!頭先你地撕走咗準提 佛母個肖像,宜家濕婆知道你兩條扒街調戲佢老婆,發晒爛渣,要將人 間燒成無間地獄!呢單嘢,唔該你兩個自己搞番掂佢!” “嘩!撕吓張AV海報都罪犯天條呀!你個老坑姓賴定姓屈架!” “唔好咁多廢話喇,時間無多,你哋要馬上跳落去執行任務!放 心喇!唔駛驚,唔單止唔痛,仲好有快感添喎!你地諗吓,噍一聲就番 到千狗幾年前,幾威風呀!差啲連啲女都比你地兩個契弟溝晒喇!差啲 恨死隔離呀!”壽頭居士立馬轉身斥責壽面奶奶:“喂!衰婆,你喊驚 呀,叫你寫兩行字就喊到鬼五馬六咁!依家人地兩個小英雄要去拯救世 界呀,咁樣幾唔吉利你話!” “鳴,以前個個都係fit馬,但係照樣有去無回頭!呢兩條茂鯉年 紀仲咁細,我地就要白頭人送黑頭人,仲要幫佢地寫定神主牌……” “殊!你講咩呀!”壽頭居士又回過頭安撫茂壽二人:“我地唔好 理佢,條友short左,放心喇!無事架!” 阿壽趾高氣揚的說:“超!濕婆戰鬥力得個999,嚇鬼咩!”壽面 奶奶回道:“傻仔,999只不過係online game呢架咋!真正架濕婆 係宇宙之神,戰鬥力爆晒燈架,真係由呢度一路啲燈都爆到維多利亞港 都未爆完架!”
    172

    0 0
  • billcircle 2018-12-10 13:59:51
    2#


        “收聲喇!無事無事!香都燒到一大半喇,快快去燒啲元寶呀蓮花 銀福衣比佢地一路上去用喇!係喎,仲有甲馬同埋金古錢,差啲唔記得 咗巡例都要醒返小小比鬼差大哥佢地,宜家已經搵食艱難,啲大哥仲要 加碼,話要好似天兵天將咁架待遇喎,唉!” 阿茂既驚又怒:“你條老坑依依呵呵講緊咩呀!你講多次!” “無事無事,細佬仔唔好問咁多!睇嚟,我一日唔出手幫下你地, 你地都係唔掂架喇!” 茂壽二人大呼:“咩能嚟架!你比條繩我地托呀?”壽頭居士嗔道: “細佬仔真係有眼唔識泰山!呢條唔係普通架繩,呢條係山海經入面大 名鼎鼎架燭龍黎架!騎咗上去,呢個天下睇怕已經無咩人可以係你地個 對手!” 可是,壽面奶奶卻道:“傻仔,呢條繩縛係條腰度先,等陣若果咁 唔好彩比濕婆捉到折磨到嗌老母之前最好先上吊自殺,上唔切就吞繩自 盡,或者又可以拿來割脈,呢條真係居家旅行必备之選呀!”壽頭:“烏 鴉口,出少句聲無人話你啞架!唔怕,我呢度仲有錦妙計比你兩個!不 過,記住遇到危險前先至好拆開呀!依家我兩件法寶都比你兩條粉腸有 齊晒,真係想輸都幾難喇!嘩!你睇!仲當堂靚仔咗添,真係不得了!” 壽頭又道:“喂!做乜!唔好咁多手!扒你個街,扒你個街喇,都話咗 唔好咁多手囉!” “噫!呢條咩呢架!咁臭架!” 壽頭陪笑道:“唔好意思,呢個真係尷尬位,我本應已經準备好晒 妙計架喇!點知突然間比狗咗,於是咪求其係屎忽度囉住張廁紙嚟頂 下檔囉!其實仲未抿過屎架,某程度上來講仲係乾淨架,即係無咩細菌 果種呢!” “我沙煲咁大架拳頭終於頂唔順喇,我要打佢老母!打佢老母!唔 好阻住我!”
    173
        “你地手下留情,要打就打佢喇,唔好打人地老母喇,都一把年紀, 咁樣好折墜架!”壽面奶奶一邊敷面膜,一邊伸個懶腰串嘴道! “咪住咪住!唔好打我!至多我免費咁教下你地做人既道理喇!其 實哩,咁架,男人為咩先?錢同女人囉,錢我就燒比你地啫,但係下面有 好多索女等緊你地個喎!唔落去就白白浪費晒呢啲溝女架大好機會喎!” 茂壽疑惑“話時話喇阿叔,你鄭先唔係仲叫緊我地去拯救世界咩? 仲乜講到好似落地府咁架!” “無事無事,都係一句話黎啫,細路仔唔好諗咁多無謂架野!再講 喇,阿叔咁錫你地,又點捨得叫你地去送死喇,我似啲咁架人咩!係落 地獄阿叔自己第一個去先呀!”此一刻萬籟俱寂! “究竟係乜事,你都係同我地講清楚d先好喎!嗱,講主旨同埋中 心思想,你自己啲廢話就儘量少提喇,好毋!” 壽頭道:“說來真係一匹布咁長,話說阿叔做仔果時正值滿清入關, 大明覆亡,袁世凱馬上風就咁去咗,之後群龍無首,軍閥割據,龍蛇混 雜,風起雲湧,群魔又亂舞,鬼哭神嚎,石破天驚,祝融共工為咗爭女 又反目成仇,相互隻揪,女蝸於是練石補青天,之後又石破天驚,之後 再練石補青天,當然又再石破天驚,又練石補……” “咔,扒你個街,你補夠未呀!真係唔掉你唔鬆化,炷香燒完佢地 就要上路喇,仲練鬼練馬咩練,真係練你老味呀!”壽面奶奶憤然罵道。 “好喇好喇,拿拿聲講晒佢喇,你地知喇,逢年尾十二用廿四人間 都會送返晒啲大神上天,要到正月初四才迎回,咁呢咁多日架真空期, 濕婆就會乘機入侵,衪亦正亦邪,脾氣古怪,明明好咸濕,又賴係扮到 苦行僧咁!仲變態到將個撮合自己同索女老婆架印度月老燒能死埋!燒 到燶晒,燶到阿媽都唔認得呀陰公!而佢自己又繼續若無其事咁同條女 梳乎!梳乎完又再扮苦行僧!作為一個頂天立地架熱血男兒,真係唔明 佢中間呢度點樣次狗次都角色轉換得咁能完美!真係寫埋服字比佢!但 係話又咁講,佢確實又為人類做過好多奉獻,例如用自己身上果碌擎天
    174
            柱震守天界,同埋有時順便播埋種添!人類有今日,好大程度上都靠 佢!一日都係你兩條咸蟲,精蟲上晒腦,都話咗濕婆啲女係唔可以掂 架!你地自己死掂佢!之不過,方法唔係話無!其實個中心思想好叉簡 單,只不過係送神日同埋迎神日中間個幾日真空期想辦法阻止濕婆,令 到佢無辦法毀滅世界!” 茂壽問:“你講到濕婆咁架勢,講到佢識三昧真火同七十二變咁 架!”“佢何止識七十二變呀!簡直就係二郎神三太子同四大天王架合 体化身呀!”“即係點個樣呀?可以可以描述下呢?”“咁能蠢架!即 係好似龍珠二世果d呀,二個人四指對插,噔一聲就合咗体變埋身果款 呀!閃晒光果隻呀,連條女係入邊赤裸換埋衫都唔叉比你睇到個種囉! 最要小心係佢額上只天眼和手上果支三叉戟呀!真係見神殺神,見佛殺 佛架!”“喂,我想知濕婆最鍾意食d咩!”壽頭無奈:“我宜家同你 地講緊佢隻揪有幾勁呀!佢鍾意食咩,關我能事咩!”“話就唔係咁講, 研究佢生活習慣絕對係對付佢必須要的方法之一,君不見CIA次鳩次暗 殺人之前都好叉小心咁研究目標人物架生活每個細節架咩!經過頭先簡 單架眼神交流,我地發現佢應該最鍾意食燒雞翼。佢額上果只眼啲三味 真火一定成時噴出來練架,咁多多余架熱能,仲唔係拿去燒翼,一定比 一般架火好食好多喇,仲有呀,佢支三叉戟平時都唔用架喇,估佢都唔 會淨係攞出來兇人咁無聊掛!咁一定係肚餓果時拿來叉雞翼喇,一次過 食三隻雞翼添呀!佢有無狼D呀佢!” “唔好咁多廢話,送君千里,終需一別,阿叔今日都只能送到你地 呢度,唔好咁多野講喇,快D打開道門查查臨跳落去喇!”“師父,啱 啱先拜你為師,我地真係唔係好捨得咁快就分別呢!”“為師明架喇, 快D落去喇,唔好登波鐘喇,查查臨跳落去,我今日仲要晚飯宵夜直落 架,投先你地介紹果度邊度話?啊,係大富豪!係喇,就食完晚宵夜後 仲要直落大富豪!我好能忙架,仆街,快能d跳喇!”“鳴,師父……” 壽頭向壽面奶奶又使眼神又打暗語:“呢兩條仆街死都唔肯落去咁喎! 快D襯佢地唔為意,喺背後送佢地一程喇!”“啫係點呀?”“啫係剪 能左佢地條繩,然後係背後一腳伸佢地呢兩條契弟落去,禮手柵埋道門, 咁咪一天光晒囉!”壽頭突然一個踉蹌:“喂,朱西,你做咩呀!喂喂!
    175
            救我呀!你仲咩伸埋我落去呀?朱西!”“嘻嘻,唔好意思,我本應諗 住rehearsal一下,點知你催三催四,我急得濟就,真係唔好意思!都 已經叫左你好多次講嘢大聲小小,個把死人聲仲要蚊滋咁細,仲要雙眼 好似抽晒根咁眨下眨下,好似飛咗篤雀屎入去咁!下次有嘢要講清楚, 大聲D!講清楚,講清楚,講清楚嘛……”“嘩!果條朱西咁狼死,仲 柵埋道門添!” “Dddd凳凳登,dddd凳凳登登,登嗯嗯嗯嗯嗯登嗯嗯嗯嗯……” 茂壽二人:“喂,仲乜賽馬咁聲呀!”壽頭居士忙陪禮道:“唔好意思, 唔記得熄wifi添!”路人甲乙:“嘩!你睇!果兩隻狗一黑一白好得意 呀!仲要好似馬咁咬住條繩仲要比人騎,好盞鬼呀!”茂壽二人十分怒 罵:“喂,你條老坑家下屎耍我地扮狗呀?”壽頭一臉正氣:“無知! 世人膚淺,狗眼不識人,你地知唔知自己宜家乜身份,代表緊邊個,有 幾咁架勢先?時間架關係,我已經上奏天庭,等緊玉帝佢老人家正式冊 封你地入凌霄閣,雖然玉帝貴人事忙,未得閒正式封賞你地,但係我相 信有朝一日你地一定可以出頭架!所以,宜家正係急危存亡之秋,正係 萬不得已先至委屈一下你地,安排你地扮住黑白狗先,呀唔係,係黑白 門神至啱!相信我,時機一到,一定冊封你地為左武衛大將軍同埋右武 侯大將軍,我絕唔會任由你地白白為國捐軀架!”茂壽二人終於頂唔順, 於是乎暗使眼色:“喂,係咁落去唔係路喎!不如大家夾手夾腳搵個地 方埋左佢係,呢條痴線佬唔死我地一定無運行喇!”壽頭臉色一沉,氣 由丹田吐出,低沉而由緩慢的道:“唔好當我傻架,你兩條契弟抬起條 尾我都知你地諗乜架!唔好話我唔提醒你地,我識如來神掌架!仲有, 你地唔使眼超超唔順超喇,你地口中果條,並唔係狗帶,真係山海經入 邊架天下至寶燭龍黎架!執到寶都唔知,超乜呀,人地出幾十憶我都唔 肯賣呀,白白益左你兩條契弟!唔使問喇,因為你地宜家火侯未夠,未 能夠同佢撻得著,若果撻著左喇喎,試問天下間仲有邊個係你地對手! 無敵是最寂寞,最是痛苦!”茂壽:“超!幾廿億!精蟲有你份!” 茂壽二人驚呼:“噫……!呢度咪係尋日果棟爛鬼榕樹,你個老屎 忽又話噍一聲返番千幾年前架?!”壽頭恥笑道:“你地兩個係真傻定
    176

            假傻呀?大拿拿千鳩幾年前呀!噍一聲去到!你地有無物理常識架?你 地究竟有無讀過書,係咪人嚟架?用光速飛都要千鳩幾年喇!傻西!” 茂壽道:“你咁仆街,真係唔驚生仔無屎忽,真係唔驚俾雷劈架?”說 著天上果然傳來一聲巨鳴,忽然間風起雲湧,天地為之變色! 茂壽二人狂呼:“仆街喇今穫,我地撞嘢喇,都話呢條老坑夠邪架 喇,今次我地好似真係番咗黎古代喇,仆街都唔得掂喇!”茂壽起了個 突:“噫!前面好似唔多對路喎!有官兵設卡喎!”壽頭道:“你地有 所不知,前面點單止係官兵設卡咁簡單,好可能就係濕婆手下化身,專 門查截一d懷有絕世武林高手,一比佢地發現我地成盤計劃就凍過水架 喇!而你地兩個正得玉帝授命,身懷曠世武功,差小小仲學埋我架如來 神掌添!為免被佢地發現,所以……”說著壽頭一臉情深的俯視著茂壽 二人。茂壽氣不忿道:“所以就叫我地扮狗呀!”壽頭苦口婆心的道:“古 語有云有丈夫能屈能伸,更何況依家正係韜光養晦之時!”說著說著, 壽頭也不禁略微搖頭,捋一捋胸前長鬚,一臉太息! 突然間,眼前一幕使他們三人不禁同時一怔!官兵甲:“企係度, 唔好走住!你呀,話緊你呀,過黎!”路人甲問:“官差大爺,剛才唔 係查過囉咩!點解仲要叫我返番黎?”官兵甲叱喝:“尋日食過飯,你 今日使唔使再食呀,仆街!”只見官兵乙一臉慈悲為懷:“大哥,稍安 無躁,正所謂神愛世人呀嘛!”說著向路人甲雙手抱拳,彬彬有禮的打 個揖道:“施主,正所謂,貪財是萬惡之根。有人貪戀錢財,就被引誘 離了真道,用許多愁苦把自己刺透了。提摩太前書,第六章,十節!我 佛慈悲!”路人甲:“且慢!且慢!差大爺且慢!若有人傳異教,不服 從我們主耶穌純正的話那合乎敬虔的道理,他是自高自大,一無所知, 專好問難,爭辯言詞,從此就出生嫉妒、紛爭、毀謗、妄疑!亦是提摩 太前書,第六章,第三、四節!”只見官兵乙眼神突然充滿了殺機,手 中一劍半出梢,閃放著陰森森的殺氣:“先生,千萬別用愁苦把自己刺… 透…!”說著路人乙便垂頭喪氣,臉如死灰! 茂壽二人離遠看到如此情景,不禁暗自驚嘆:“好嘢好嘢!果然係 高!吹兩句聖經就連人地d銀兩都擸晒,真係食人不吐骨,仲要係以主之
    177
           名添喎!”正當他們吃驚之際,又見到另一批路人被查截下來,過路者是 一家大小老幼,還有幾名惹人垂唌的美嬌妾!正是一波未平,一波又起! 官兵甲:“施主,且慢!有云放下屠刀,立地成佛!今日施主凡塵 俗務罣礙甚深…”路人乙大吼:“過路費我都比左,你班仆街,仲想打 我d女人主意,你地真係無有識死,當今國師就係我干爹,你地呢班狗 賊仲唔彈過,信唔信斬晒你地個頭去餵狗!”說著便離遠向茂壽嬌的的 地打了個眼色!茂壽二人當堂打了個冷顫,慾吐不能! 官兵乙:“施主,觀自在菩薩,行深波若波羅蜜多時,照見五蘊 皆空,度一切苦厄。舍利子,色不異空,空不異色。色即是空,空即是 色…!”接著道:“當今國師乃得道高僧,名昭天下,世人愛戴,從不 近女色!既然國師咁啱又係令干爹,想必閣下不會不知家有家規吧!全 部人,聽住喇,原來國師大人架契仔係條淫蟲,黎人呀,國師大人個仔 係老淫蟲!蒼天呀蒼天,皇天呀皇天!小人從來對國師架欽敬簡直有如 無邊落木蕭蕭下,不盡長江滾滾來呀!今日真係替國師大人佢老人家痛 心疾首,一夜白頭呀!兄弟們,同我貼晒皇榜,公告天下,國師大人架 契仔…”路人乙:“且慢且慢!官差大哥,一場誤會呀!我唔識呢幾條 女架!實情剛才路過,見到佢地可憐無人照顧,咪諗住好心幫佢地搵差 人叔叔,好好咁安置佢地一下囉!宜家卒之比我搵到,真係破鐵鞋無覓 處,得來全不費功夫呀!哈哈哈…!”說著路人乙黯然魂銷,倏然淚下! 見此情狀,茂壽與壽頭三人低頭耳語,商量對策:“你睇個條友 傻架喎,講嘢講到跳晒舞,好能似肢體抽筋咁喎!”“實情係陰毒古蠱 賤格下流卑鄙無恥淫賤大塊田生仔無屎忽添喇!”“你兩條友唔好咁 大聲呀,因住等陣比佢聽到呀!總之呢,你兩個等陣忘情咁樣扮狗,盡 量放d,呢個應該無乜問題,對你地信心十足呀!都係叫你地做返自己 啫!”“你條扒街仲好講!一日都係你呀,唔係你我地駛扮狗!” 官兵乙突然打遠處朝壽頭三人大聲叱喝:“喂,做乜鬼殺咁嘈呀! 你個老坑,快d過黎!呢兩隻嘢係乜嚟架?”壽頭低著頭喘嚅道:“差 大爺,你都見喇,咪就係兩隻狗囉!”官兵乙陰着眼道:“係狗咋話,
    178

  • billcircle 2018-12-10 14:00:38
    3#


           咁你又仲乜滴晒汗咁呀!好緊張咩家陣?”“係呀,大人!小人自細生 不入官門,平時更加無乜機會見到大人喇,所以一見到咪就緊張,一緊 張d汗咪周圍標囉!你睇,我雙手家陣緊張到作下作下,抽晒筋咁架樣 呀!”官兵乙向官兵甲作狀道:“嘩,你睇!呢兩隻狗幾高卡士喎,帶 晒眼鏡咁架!嘿嘿,真係第一次見呀!”壽頭繃緊的神經突然炸開:“差 大爺,放條生路嚟行下好喎!你今日已經錢又有女又有,何苦為難我一 條老坑兩條狗哩!更何況我呢兩隻狗既無犯聖經又無犯佛經,你憑咩為 難我地!”官兵乙:“噯噯噯,此言差矣!首先,呢兩隻狗確實無犯聖 經佛經,但犯了我地皇法呀!今日國師生日,皇上已經下令,今日全世 界唔比帶狗出街,你既帶狗,已經係犯咗皇法喇!來人呀…!” 一陣紅塵突然吹過,官兵乙忽地愣住了,順眼望去,只見紅塵漫漫 之間一個農夫騎著一頭青牛徐徐而來,也無特別之處!“恩恩怨怨,生 死白頭,幾人又看透?紅塵啊滾滾…”官兵乙和甲求饒似的道:“多龍 大哥,就拜托你唔好再唱喇!當我地求你呀,高抬貴手喇!”多龍陪笑 道:“兩位大人,點解咁講呀?大家friend底,又講埋呢d衰嘢!” 官兵乙道:“多龍大哥,實在係唔好意思,我地今日真係好叉忙,都係 請你過主把喇!”多龍作狀道:“兩位大哥,大家本是金蘭結義,你地 甲乙我做丙,情同手足,細佬見你地做嘢咁辛苦,都係想話今晚叫你地 一齊去小店多龍客棧打令樓度一齊梳乎一下啫!”官兵甲乙打岔道: “噯,都係咪喇!呢d好嘢,梗係留番比兄弟你自己慢慢歎喇!當我地 求你拜你!放過兩位大哥喇,你再係咁苦苦相逼,係咪要我地死係你面 前先至開心!”見到官兵甲乙已經拔出叱首,多龍連忙阻止:“大哥你 地又何苦呢,插在你身,痛在我心呀!需知我對兩位大哥架陰莖有如無 邊落木就蕭蕭下,不盡長江…!”“無能就滾喇,要滾你自己滾喇!你 個扒街,我地就死比你睇,今日你趕盡殺絕,他日我地子孫一定尋你報 仇雪恨!” 壽頭連忙上前歡解:“兩位差大哥,枉呢位兄弟對你地咁好,尊敬 有加!佢都係出於一片好心,想好好服務下你地啫,又何苦尋死哩!” 官兵乙連忙從口袋裡掏出一根香煙,忙不迭的遞到壽頭咀邊:“呢位老
    179
            大哥,風塵僕僕,睇你都累喇,食支煙先喇!說來話長,你實在係有所 不知,講起就真係坎坷囉!以前都怪我地少不更事,年少無知,上咗呢 條扒街個當,真係跟咗佢去打令樓呀陰公!真係陰公豬囉,果度d女, 都係無提喇,個個都好似比油浸過咁架,肥能到呢!佢地果個衰樣呀, 真係好似前世就比雷劈過咁架,醫番都嘥藥費呀!鳴,果晚我地兩兄弟, 就咁比果十狗幾條朱西輪咗呀!可怜我地純潔架貞操啊!嗚…,阿媽, 我唔制呀,我生得咁靚仔…!”“乖,傻仔嚟架,一切都會過去架,依 家咪一天都光晒囉,唔好成日諗埋呢d衰嘢先得架!”壽頭著口煙, 一臉溫柔的安慰道。官兵乙突然靈光一動,暗暗的向壽頭私語:“大哥, 就唯有委屈你一下喇,你今日大恩大德,小弟沒齿難忘,請受我地一 拜!”壽頭忙道:“唔好咁喇!舉手之勞啫!”只見官兵乙突然放聲道: “多龍大哥,我身邊呢位老大哥,啊,同埋佢果兩隻狗大哥都話好鬼饑 渴,你知喇,十狗幾年無掂過女人呀陰公!老大哥佢話今晚好想代我地 去見識下梳乎下咁話喎!我地依家仲要番公司報到,實在係好唔得閒, 咁請你地自便喇!”壽頭還未及推辭,官兵甲乙早已挾尾而途! 現場只得他們三人與多龍,於是乎茂壽三人便暗自私語:“快d閃 喇,大家都聽到喇,十狗幾隻朱西,跟佢番去大家今晚仲有得剩?”三 人正當離開之際,說時遲,那時快,只見多龍已經神不知鬼不覺的站到 他們眼前:“三位大哥別走,一睇呢兩位狗大哥身光頸靚,就知撈得好 掂,簡直係娛樂界架明日之星呀!眼前呢位老大哥仲架勢,就憑你呢身 咁架打扮,成個model界邊個夠膽話唔識你呢個猛人呀!小弟對你地 架陰莖實在有如無邊落木蕭蕭下,不盡長江滾滾來呀!” 壽頭靈機一觸:“多龍大哥,實不相瞞,小弟其實都一直仰慕咗大 哥呢位廣告界架奇才好耐!望穿秋水都不過係想一睹大哥架風彩!今日 有幸相見,正想與大哥舉杯夜談,共剪西窗燭!可惜身負要務,實在不 敢有皇恩,只好就此作別!眼前如斯美景,又得大哥這位知音相送,都 算應咗呢句桃花潭水深千尺,不及多龍送我情囉!”多龍一時答不上話, 只是輕輕的道:“大哥何必客氣,世間一切,於我不過浮雲呢架啫!” 壽頭不耐煩的道:“好喇,閒話少說喇,我地真係趕時間要起行喇!主
    180

           上厚望,辜負不得啊!”多龍連忙道:“且慢!三位大哥莫非係…!” 壽頭慌忙回咀:“殊!知咪係囉!其實我地師徒三人係受皇上委派秘密 前往西天取經架!”多龍又驚又嘆:“哦!原來如此!我一早就話咗三 位大哥絕非池中物架喇!取經呢d咁艱巨架任務都比你地擸埋呢做!小 弟對你地架陰莖,真係有如無邊落木就蕭蕭下,不盡長江…”多龍頓了 一頓,突發奇想,心生疑問:“你話皇上派你地去取經,咁佢老人家到 底有無比幾盒正露丸你地旁身先?”壽頭一臉無奈的答道:“快能d放 我地走喇!依家我地係去取經呀!我地好趕時間架,時間就係金錢!關 正露丸乜能事呀!”多龍不依不饒:“佢老人家既然叫得你地去西天取 經,試想想西天路上d食物一路都係路邊小販攤,而且仲要咁叉多咖喱, 我地中土人士一定水土不服,呵偶肚痛,思鄉成狂,繼而抽筋發作,喪 心病狂,見人殺人,見狗奄狗呀!”說著不禁擎起右手作刀劈狀!茂壽 二人都吃一驚,不禁伸手暗摸自己襠部,好在還是原封不動,絲毫未損! 多龍續道:“所以話,佢老人家有乜可能唔比幾支正露丸你地傍身哩! 真係點都講唔過去!”壽頭已經急得滿臉通紅,掄起關刀:“你個扒街 再唔彈開,仲係度正露丸正露丸正露丸呀架話,我就一刀斬能左你死人 頭落來餵狗!”只見多龍眼睛睜的好似雞蛋咁大,沉低聲音對壽頭道: “大哥,小心,你身後妖氣沖天!”壽頭心生一計:“多龍大哥你一身 絕世武功,今次真係有勞你幫幫我地!你都知架喇,今次我地架任務真 係好秘密,見係你先同你講架咋!所以話,我架如來神掌係唔可以咁快 暴露出來架,我背後正好對住東海,係前往西天架必經之路,今次真係 勞煩大哥為我地做次先鋒打探一下情勢!仲有要記住啊,若有d無有識 死架盲頭妖怪出現,大哥千祈唔好出手過重,始終今次都係秘密任務呀 嘛!如非必要,我地都真係唔想咁快暴露行蹤,況且有句話叫得饒人處 且饒人嘛!總之,有勞大哥了!”多龍道:“老大哥何必客氣,兄弟架 嘢心照喇,為咗兄弟我真係上刀山落油鑊,甚至連打令樓d女讓能晒比 你地都仲得呀!”壽頭三人連忙耍手擰頭:“唔好客氣喇,多謝晒喇, 朋友妻不可窺嘛,果d朱西都係留番比你喇!”話未說完多龍便已策牛 趕往東海妖氣所出方向,一探究竟! 壽頭連忙道:“終於耍走咗個扒街喇,你兩個仲動係度做乜春,仲
    181
           唔快d撇,走得摩無鼻哥呀!”在逃跑路上,壽頭暗自忖量:“無理由架, 明明查過通勝,今日係乙卯水張成大吉日仲要遇能埋天乙貴人架嘛!點 解會撞著條粉腸仲要搞到落荒而途架田地呢?”一路上,茂壽二人禁不 住道:“真好在突然間有沖天妖氣出現,否則大家今晚便貞節不保慘遭 揉藺了!”壽頭啐了一聲:“邊能度有咁多妖氣喇,如果唔係我架吸星 大法?你兩條契弟今晚仲有運行!”壽頭見二人不解,便做出了示範: “吸氣,放屁!”原來壽頭早已練成神仙屁功,所放出之屁非但可以傳 出千里之外,而且更可以幻化出各種妖氣仙氣,他這般神功碓實已達化 境!只見壽頭惺忪睡眼,打個哈欠,不屑的道:“都話咗唔好同觀眾解 釋咁多咯,我份人最鍾意低調架,你唔知嗎!舉個例喇,唔通我戴咁多 介指就係因為我溝好多女咯噃?雖然我確實係風靡萬千少女,但我絕對 係一個專一長情架美男子!其實,我戴咁多介指無非都係時刻提醒自己 千萬唔好亂咁使出如來神掌,否則雖然是殺盡妖孽,但勢必使生靈塗炭, 山崩地裂,海枯石爛,甚至世界未日!咁何況上天有好生之德呢!”只 見茂壽二人勁開wifi喪聽歌,壽頭不禁有點惱火:“喂,唔該你兩條茂 里配合一下好無?依家講緊千狗幾年前呀,你兩個扒街開wifi聽兒歌, 可唔可以再無人性d呀你地!” 蝶翩翩 伴空鞦韆 夏日炎午裡有蜜蜂飛過/ 沒有我 在歡聲高歌 運動場上課鐵閘下了鎖/ 真可惜 先生不會懶惰 放學有數不清的… “小心,前面有殺氣,果班細路唔係咁簡單,一定係濕婆派黎架化 身!等陣儘量扮無知弱智低能,濕婆好鍾意玩嘢,唱能晒兒歌咁,今次 仲唔係佢,以為逃得出我架法眼?放心喇,只要無癮佢就自然會撇!佢 雖然神通,但弱點係最鍾意玩嘢,不作不死嘛!你兩條友記住有咁低能 扮到咁低能呀!”茂壽一臉漠然,齊聲道:“放心喇,至少佢地識穿唔 到你先喇,皆因低能呢樣嘢,唔使扮,你都經己係喇!” “嘿嘿嘿,哥哥哥哥,你地睇呢三件嘢好搞笑呀!動係度成碌木 咁,仲要生到咁樣衰!”“哈哈哈,係喎,但唔係好似木頭囉,依我話 係人棍至啱呀!”“係喇,二弟,佢地真係唔識喐架噃,睇黎幾好玩
    182

          喎!”“我又唔係好信喇,大哥!除非攞黎煎炒煮炸燉佢地都無反應, 我就信喇!”“哥哥哥哥,你地睇呢兩隻木頭狗好得意呀,戴住眼鏡, 仲識流汗添噃,我要騎騎,要騎騎!”“二弟,你仲乜偷桃呀?將個壽 桃壽包放响度,唔好走,大家追!六弟,你又賴尿!”“哥哥哥哥,你 地去喇,對唔住呀,隻狗仔好得意,我一坐上來就忍唔住…” 阿茂怒罵:“扒你個街,死肥仔,攪到我成身尿,信唔信阿叔打鑊金 架你呀!”“嗚嗚嗚!”壽頭急道:“快能d追過去捉住班死靚仔喇!千 祈唔好比佢地食能埋壽包仔同壽桃妹呀!”茂壽不解:“老坑,你個書包 唔係裝能晒經書話去取西經架咩?”“扒你個街,取西經都好信?再唔快 d追,等陣個壽包壽桃比佢地食埋,大家就乜女都唔使溝喇!”原來壽包 和壽桃是靈氣仙物,吃了不單可以延年益壽強身健體,還可以增進魅力和 磁性,實乃溝女界女必備之選!壽頭怒嗆:“都話咗唔好成日同觀眾講咁 多咯,仲邊有癮啫!仲要成日搶能埋我d台詞,真係少你老味!” 茂壽興致勃然:“係咪真架?咁仲唔快d搶番黎!”壽頭怒氣: “話搶就搶?都要食腦架!搶!宜家個世界唔講武力架喇,都要食腦要 包裝架,明冇?”壽頭續道:“我都諗好晒架喇,指意你兩個粉腸,真 係屎都有得食呀!嗱,首先你兩個使出平時自己最拿手架看家本領,本 色演出一下,黎一招天狗食日,咁大地咪黯然無光囉,無晒光,你荒班 死靚仔唔荒失失?有路都唔識走喇!跟住,我先使出一招迷踪拳和佛山 無影腳,咁又唔係真係打死佢地,砂煲咁大個拳頭我自己都驚喇!放心 喇,只係嚇嚇佢地,另到佢地失晒方向。喺呢個時候,就可以用乾坤大 挪移同吸星大法,咁佢地手上架嘢就自然手到拿來喇!如果班靚仔無有 識死,拼命反抗,考慮佢地可能係濕婆派黎架六合童子,我唯有使出鉸 剪腳扭紋鎖同十二路覃腿將佢地撤底擊退,若果佢地冥頑不靈,咁我手 指上呢幾個金剛圈…,實在殺擘太深,阿彌陀佛!”當壽頭自high完, 睜眼一看的時候,只見茂壽二人已經追的老遠去了!“等埋呀,你兩條 扒街!” 壽頭就這樣的連追三日三夜,當他發現眼前有間客棧,正打算歇歇 之時,突然見到茂壽二人一臉志得意滿的坐在桌上點餐,大家六目交投,
    183

            茂壽二人笑了笑道:“老坑,見你上氣唔接下氣,坐下喇,整碟你至愛 架雞屎忽過你食吓!”壽頭一臉紅暈:“耶!你地又知人鍾意食雞屎忽 架?”“無,睇你個樣成個雞屎忽咁,估都估到嘛係話?”壽頭忽然醒 起甚麼,連忙正色問道:“你地有無見到果班靚仔?”茂壽一臉傲然: “有!仲一齊坐底飲杯觀音茶食埋個叉燒包添!”壽頭忙問:“咁你地 有無攞番個八寶袋呀?”“當然喇!”“點攞架?”“超!鉸剪腳喎扭 紋鎖喎?我地用你唔要果包白免糖同佢地交換咗個袋番黎囉!”“咁快 d比番我先喇!”“邊個攞到手就係邊個架,做乜要比番你先?”“唔 好玩嘢,拿返個壽桃同壽包出黎!”“我地一早食晒喇,開講有話,有 得食唔食,罪大惡極呀!唔好阻住我地溝女呀!”壽頭奸笑:“你地真 係以為食咗果兩件野就溝晒天下女呀?唔好玩喇,無我個咒語,你地只 係會對天下朱西得別有吸引力架咋!”茂壽驚道:“唔係呀話?”突然, 眼前金光極強,大家睜不開眼。 “登登登登,登登登登…”茂壽二人勉強睜眼一看,只見頭頂赫然 一道金漆招解“多龍飯店打令樓”!“登登登登,從此被困!恭喜晒兩 位狗大哥,咁唔到多龍咁快又可以同大家見面喇!真係有緣千里能相會 呀!我地呢度佳麗三千見兩位大哥性感又sex,都嗒晒糖!今晚請兩位 大哥盡情享用!”只見茂壽二人驚慌過度失晒魂,眼鏡底下都不約而同 的對造化作弄流出無聲的淚水,幾根手指都微微抖動,像是向壽頭哀求 請救。此情此景,有恍如驪宮高處入青雲,仙樂風飄處處聞。芙蓉如面 柳如眉,對此如何不垂淚。春風桃李花開日,秋雨梧桐落葉時。就這樣, 茂壽二人經歷了七七四十九日的洗禮,可謂洗盡鉛華,返樸歸真! “扒你個街,邊能個做旁白,講野講到咁能屎忽,仲吟能埋詩咁能 串,信唔信我就跳出黎打Q你,我頂唔順喇,攞碌棍黎,攞碌棍比我, 我唔撈喇,我就跳出黎毆叉佢!毆到佢阿媽都唔能認得!”壽頭安慰阿 茂道:“唔好咁喇,所謂取經路上都有九九八十一劫喇,小不忍則亂大謀! 況且人地又無講錯,而且今次引用詩詞都唔錯,有進步,今次我欣賞佢 噃,仲諗住投番一票,比個最佳原創獎佢添!”說著便摀著咀淫笑不停! “阿壽,你講句嘢喇,你咁樣O晒咀又唔出聲,痴仲線咁,真係令
    184
            人好擔心架!”壽頭諄諄勸慰著。過了老半天,阿壽才幽幽的抽出紙巾 抹拭嬌淚,只見他一臉梨花帶雨,楚楚之中實在別有一番嬌媚。 “扒你個街,你地唔好擋住我呀,我就跳出去打佢老味!我今日唔 打摷佢就佢跟佢姓!”只見壽頭一臉肅然的攔阻阿茂道:“冷靜d喇! 唔發生都發生咗咯,你咁找人晦氣都無用架!人地都係搵兩餐晏仔啫! 唔係咁寫,邊有觀眾鍾意睇!觀眾唔睇,我地紅得起嗎!其實,你地試 想下,無返咁上下經歷,又點叫人生呢!記住,態度決定人生。況且, 你地琴晚架經歷,好多人一世恨都恨唔都架,後宮佳麗大拿拿三千呀! 真係身在福中都不知福,朦丙!”見茂壽二人情緒都穩定了一點,壽頭 越講就越high:“仲有呀,話埋比你地知喇,你荒個傻仔編劇唔係成 三十歲人都一事無成,都未有女肯受溝,於是懶好心,求能其其娶左個 鄉下老婆,仲要比家人反對兼夾掃地出門,於是兩人兜兜踎踎,過街老 鼠咁都人都唔敢見!仲要懶瀟洒,懶係偉大咁,以為相濡以沫,相依為 命,同舟共濟!超,我地頒能埋個國際人道主義以身作則獎,比埋個南 丁格爾佢做喇笨!”茂壽二人竟聽得有點樂開花了,忙問:“跟住呢, 佢卜街未呀!”壽頭此時已然興起,口沫橫飛:“呵呵,結果?結果咪 兩條傻西咪好似粵語殘片咁日日行樓梯,仲要肥過肥西!仲有呀,屋漏 兼逢連夜雨,落雨果時真係要幾戶人一齊攞臉盆出黎裝住屋頂滴落黎架 雨水呀,陰公!”茂壽有點不以為然:“有無咁誇呀,仲西飛利過粵語 殘片?”壽頭道:“何止呀,果條傻西人都三十仲要比個所謂患難糟糠 飛能埋!真係人又老,錢又無,老婆又跟人走佬!真係仲契弟過粵語殘 片入邊啲苦主呀!”“係真唔係呀,咁傻西都有?”茂壽二人咔咔嘲笑。 “賭乜喇,賭成副身家,賭春埋你條底褲都仲得呀!”壽頭氣勢汹汹。 見二人都笑不攏嘴,壽頭便倚老賣老,三分顏色上大紅“所以咪話咗你 地囉,身在福中不知福,你諗下個條傻西編劇密實姑娘就假正經!荒佢 唔係谷到自己成個春袋咁樣?查實佢對你兩位年青有為架才俊都唔知幾 咁羨慕妒忌恨呀!”茂壽二人此時仿彿一臉滿足,傲然道:“咁仲唔循 例贈番兩句?”壽頭道:“就贈兩句過你地,昨晚郎君正係良辰美景就 奈何天,賞心樂事誰家園,誰家園…!”茂壽一邊吃蕉,一邊不屑道:“九 唔搭八架條友,冇Q理佢咯!”

  • billcircle 2018-12-10 14:01:26
    4#


          多龍見他們三人狗唔搭八,離晒題咁,於是插嘴:“三位大哥真 係有型,確實做乜嘢都非同凡響過人,連取經都可以取到我地打令樓 黎,細佬對你地架陰莖,真係有如無邊落木就蕭蕭下,不盡長江滾滾來 呀!”“喂,你條粉腸好咯喎,我地忍咗你好耐,成日陰莖陰莖,陰乜 春啫你,今日同我地講清楚好喎!”茂壽三人疾聲道:“冇嘢冇嘢,幾 位大哥誤會喇,查實細佬自出娘胎講嘢就已經口窒窒架喇,發音問題嚟 架啫,形式架嘢絕對遮掩唔到細佬對三位大哥架敬仰之情!” 壽頭道:“見你精靈醒目,就話你知喇,其實我地三人唔係奉皇 上命,更唔係要去取經。查實,我地係奉咗天上大羅金仙之命,前來查 探吠陀時代果位居住係大自在天法雲地身上果碌擎天柱有成千狗幾年咁 長架終極戰神樓陀羅架芳蹤,並且要係年尾年頭呢十日八日同佢至少開 番幾個視像會議,當然如果有機會可以真人面談,坐底大家一齊飲杯鐵 觀音整番幾件流沙包都係一個唔錯架選擇!最後,如果大家能夠誠心誠 意打開心靡咁深入交流,即是係話用個心同埋個靈魂黎交流架話,簡單 d呢講,比如你地都有見過太極圖喇,半邊白又半邊黑個壇嘢呀!具體 d嚟講,咪黑能到同白能到好似佢兩個狗樣咁囉!比d想像力喇,兩條 一黑一白架魚仔係水中黏埋一齊,係咪好似陰陽交溝咁哩?千祈唔好誤 會,我唔係指緊你兩個交溝呀,你兩個係男黎架,至多係話不同性取向, 絕唔能夠稱之為陰陽交溝!果位樓陀羅老人家佢亦都係男架,當然我亦 都無可能話叫你地去同陰陽陰陽呀咁樣架!咁除咗唔尊重呢位人類史上 偉大架大神聖者之余,更加係唔乎合大自然架法則,完全沒有生理學上 架基本常識。咁至於黑之中有一點白,白之中又有一點黑,學術d嚟講 咪就係少陰少陽老陰老陽咁囉,即係陰之陽同陽之陰呀!俗d嚟講,咁 樣理解喇,即係我中有你,你中有我呀!咁陰中陽陽中陰又唔一定代表 不同性傾向,呢個問題需要以後更深入探討!但至少我中有你你中有我 咪即係話可以握握手做個好朋友,收工唔使打囉!嗱,搞完呢場大龍鳳, friend底喇大家!friend底之後仲可以一齊跳番幾PART舞,正如你 地所知,佢老人家最鐘意就係跳舞,男人架野有酒飲有舞跳咯噃,咪即 係有偈傾有知己做囉,食住個勢搭埋佢膊頭咯喎,咁一切都易話為喇! 佢老人家一開心,自然咪忘記埋點樣去毀滅呢個世界囉,古有公瑾羽扇
    186

           綸巾談笑之間使幾廿萬怒漢灰飛煙滅,勢估唔到今日也有我壽頭居士談 笑之間拯救埋冚世界咁本事!哈哈哈…” “多龍兄,唔使標晒汗咁喎,條友一直以來都有嚴重人格分裂,間 歇性精神失常,再輕輕咁加埋爆晒燈架自戀自high精神錯綜複合綜合 症!你睇一時人魚館長,一時達叔,一時家英哥咁!我地都忍Q左佢好 耐,都慣晒喇!嚟喇,乖,抹番d雞眼咁大架汗先喇!”阿茂說著便向 多龍遞上一片紙巾,一切彷彿都盡在不言中。男人架關係其實都好怪, 有時遍遍就係建立係d咁唔起眼架時候上面。 “意思即係話,我地係奉命前來阻止大神濕婆去毀滅呢個世界!” 多龍終於緩緩的點了點頭。 “喂喂,你做乜春呀?攞住把曲尺度乜Q?short左呀?”只見 壽頭雙手護襠吃吃驚叫。阿壽尷尬的道:“冇事冇事,只不過一時好奇, 頭先聽見你話濕婆大神身上架擎天柱有千狗幾年咁長,想度一下咁話 啫!”說完他也不禁伸手搔搔後腦,更顯窘態。 壽頭聽完後便瞇眼笑了笑:“哦,發育階段架青少年好奇係正常架, 血氣光剛呀嘛!大神果碌擎天柱咪好似我地由千狗幾年後返到黎呢度架 距離囉!”只見茂壽二人突然眼射精光,獅子咁大個口:“咁咪長過長 實和黃?邊度有人頂得順呀!”壽頭連忙打住道:“唔好講咁多喇,因 住等陣兒童不宜,cut你地台詞呀!” 此時,多龍自動請纓拍晒心口:“三位大哥,搵人咋話,濕婆咋話, 包係我身上喇,我係陀地,呢個環頭起晒卡,地方唔係好大啫,成個中 原左近啫!”壽頭三人不以為然:“大拿拿濕婆喎,你去邊度搵呀?仲 有,濕婆佢法力無邊,千變萬化,仲西飛利七十三變呀!”多龍插嘴:“有 幾咁架勢堂先?”壽頭答道:“西飛利到連我地齊天大聖架金睛火眼攞 住奧林巴斯特種顯微鏡都睇唔到佢架真身呀!” 只見多龍用唇語講了幾句話,嚇得茂壽三人吃驚不止:“乜話,你 憑乜話當今國師就係顯婆嚟哩!我地呢度都講下法律架喎,你係唔能夠係 無證無據架情況之下砌人地生豬肉架喎!仲有,要提醒返你一句,所有疑
    187

          點利益歸於被告架!”只見多龍輕揚著臉,一臉驕傲,一字一字的吐出來: “我敢用身家性命財產擔保,天下間,無一個男人嚟到我打令樓係可以 頂得順,完整無缺咁行得出去架!”壽頭三人面面相覻,都不禁齊齊點 頭表示絕對認同。多龍更是意氣風發了:“緊係喇,你地真係當我流架? 我由一條粉腸走到今日,一步一腳印,堅持自我,永不鬆懈,永遠被模仿, 但從未被超越!唔通你地以為我打令樓天下第一樓架美譽係水返嚟架?” 只見壽頭有點不解:“門面嘢就無謂再吹喇,認真喇,真係想問一問你, 你呢度d女咁x,門可羅雀,烏蠅都比我拍死咗幾打!咁多個人咁多口飯, 仲有黑白兩道呀,苛捐雜稅呀,人情世故呀,之如此類呀咁樣!從未被 超越,呢層我地有信心,你呢批朱西,仲要係咁敬業樂業架朱西認真就 算唔絕後我地都敢話係空前呀!當然好難被超越喇!查實,我地好好奇 你究竟係點樣一步一腳印撐過嚟仲唔執笠果下先好嘢喎!” 多龍正色道:“大哥,首先,每個人都有娘親生架!當然,審美觀 呢家嘢真係好主觀,但我個角度嚟講,佢地個個都貌美如花,而且聽教 聽話又賣力!我當正晒佢地係自己親生女咁樣!所以,請你地都要稍為 尊重一下佢地!”三人見多龍如此蘋果香蕉橙兼夾自帶杏家祥屬性!都 不禁暗自驚嘆,難怪那此如狼似虎,全無人性架官差們都要買佢怕!一 時間,竟面面相覷,不知如何應對。半晌,只見阿茂唧唧哼哼:“超, 貌美如花?咁確實真係個個都‘如花’咁架樣!”多龍也不多作理會, 兀自續道:“大哥你地有所不知,其實我地呢間打令樓都真係吃咗好多 苦頭,一開始黑白兩道架兄弟都借住各種名義收片!到咗最後,我實出 無錢可交,只有委屈一下女女們,讓她們替我肉償錢債!奇怪架係,自 此以後官差流氓們都冇再踏足過我地呢度半步!連稅局都差大爺們都話 免晒我地稅咁話喎!你知喇,得人恩果千年記,我多龍又豈是忘恩負義 架小人?放是,我就諗住投桃報李,免費叫啲女女送上上門服務,以示 感激黑白兩道大哥們高抬貴手之恩囉!誰知,諗起都古怪,果啲大爺們 非但止唔要上門服務,仲月月送錢比我地使,但求以後啲女女係佢地眼 前消失,唔好再搵佢地咁話喎。我都真係莫名奇妙,一頭霧水呀,如墜 五里霧中呀!”多龍一抬起頭,誰知已經有三只大拇指豎過來!壽頭三 人齊聲叱喝:“多龍兄,高!妙!無得頂!學都嘢喇今日,請受三位細
    188

           佬一拜!”多龍受寵若驚道:“兄弟們,先唔好客氣住喇!我想講架係, 呢個天下間,就只有當今國師一人對我啲女無動於衷,仲要對住佢地又 講佛偈又諗經,成個普渡眾生咁架樣,仲要每月初一十五都要過嚟呢度 為佢地講經!你地話奇怪唔奇怪?” 壽頭搶道:“即使當今國師就係濕婆化身,但濕婆神通廣大,佢 老人家真身經常駕住六龍遊走於天地之間,有時仲超出三界外,不在五 行中,似有若無,如實仿虛,似太極乎又如無極哉,所謂道生一,一生 二,三生萬物!試問多龍兄弟,我地又可以去邊度搵呢!”多龍突然掄 起一把羽扇,衣袂風飄的道:“所謂田螺殼裡可以造道場,一物一天地, 以小見大,一粒塵埃亦可以觀盡三千千大中小世界!在下雖然不才,但 小樓寒舍確實係蘊含日月精華,袖珍著整個大千世界!你地睇,登登登 登!” 壽頭三人抬頭一看,只見大廳左右各一句“躲進小樓成一統,管袘 春夏與秋冬!”頭上又是一橫匾,赫然寫著四個大字“元亨利貞!”只 見壽頭暗暗點頭,嘴裡又諗著:“好句好句!元仍博大,仍指天下之大, 又如易經的第一卦,乾為天!亨即通達,四通八達,萬國朝貢,四海歸 心!利即恰當,凡事合乎道合乎法理!貞呢個字,簡直係包羅萬象,世 上架所有恆久真理,都一字寄之若貞,如太陽又東方升起,豬乸唔識爬 樹,你兩條契弟好Q咸濕又樣衰!呢啲都係永恆架真理,即使你地兩個 再投多幾次胎,都一樣係改變唔到架事實嚟架!” 多龍興致很好的道:“閒話少說,都係請幾位大哥進內一遊!”茂 壽二人一想起那三千佳麗便心有餘悖,步步為營,不敢造次。只見一路 上確實有著大千世界。到了一處,多龍便介紹道:“此處便是泰山閣喇! 請大家入去參觀下喇!”只見阿壽驚呼:“咪喇,尋晚你件嘢五百幾磅, 一路起勢咁騎上黎話要幫我揼骨,真係拆骨就有份,打死我都唔會再入 去架喇!”壽頭聽著,背心真透寒,暗自慶幸:“好彩尋晚入去果個唔 係我,否則呢個心理陰影成世都洗唔甩呀!”雖說心裡暗自慶幸,但他 此時已經氣通任督二脈,暗自運勁,隨時準备使出鐵砂掌,寒冰掌,降 龍十八掌等等看家本領,以防一個冷不及防,晚節不保!
    189

           又到了一處,多龍盛情的介紹道:“各位大哥,呢度係就係崑崙山, 開講又話,不到崑崙非好漢呀!”壽頭愣了一下,疑道:“幾時有聽過 呢句嘢呀!”說著說著他們發現好像少了一人似的,回頭一看,只見阿 茂兩腿像樁一樣釘在地上,頭往下垂,突然披著一頭散髮似的,身體不 住抖動,激動的聲音都在空氣中震蕩開來“我終於明白為何烈士譚嗣同 要留下一句我自橫刀向天笑,去留肝膽兩崑崙喇!我打死都唔會再入呢 個扒街崑崙山架喇!”說著攞出一副垂死抵抗,大不了英勇就義的模樣。 凡此種種,壽頭都看在眼裡,他經己打內勁提到袖口處,心裡盤算著待 會有甚麼風吹草動,他至多跟多龍來過魚死網破,就憑他如來神掌之威 名,諒多龍也不敢造次! 突然壽頭大為不解:“炮房?甚麼意思?”只見多龍急忙解釋道: “無嘢無嘢,寫錯字啫,本身係諗住寫炮台架!啫係澳門架大炮台囉, 好鬼古老架喇,建於明神宗年間,位於柿山之上,原本係耶穌會大三巴 教堂架祭天台,後黎先轉為軍事防禦設施,防乜野?防海盜囉,你知啲 海盜無性架喇,一上岸就會搶Q晒啲錢同女人,根本就毫無半點悲天憫 人之心,一日都怪佢地唔識字,從未讀過波野波羅蜜多時呀,色即是空, 空即是色呀,馬太福音呀,路加福音果啲野囉,如果佢地識字去讀下, 又點會做埋啲咁架傷天害理之事哩!” “點解啲啊哦啊聲唔停咁架?”壽頭一臉無辜的問道:“唔好玩我 喇大哥,你地有無物理學常識架?連活塞運動都唔知?唔係呀化?呢個 世界科學日新月異,會進步架喇,唔進步咪被淘汰囉!咁冚世界都進步, 大炮無理由唔跟住時代潮流進步架?落後就要捱打,聽過未呀?捱打咪 即係又要比人搶晒啲錢同女人,分分鐘比人做低埋囉!所以第一次世界 大戰前夕,大炮咪進步成為坦克囉!”阿壽插嘴道:“越啊越大聲喎!” 只見多龍有點不耐煩:“可唔可以唔好將個主意力放係啊啊呢啲咁無 聊架聲道呀?你認為有任何教育意味嗎?集中啲,宜家講緊係科技同進 步!喂喂喂,果間房唔入得架,乜都冇架,純粹柴房呢啫!”阿茂心生 好奇:“唔係呀,又幾棧鬼喇,我反為有興趣入去見識下喎!”多龍緊 張的道:“耶,有乜好睇喇,果間純粹柴房,我平時住開架,入邊凌亂
    190

  • billcircle 2018-12-10 14:03:08
    5#


            不堪,我份人無所求架,一向慣咗委屈自己架喇,你地啲上賓緊係住上 房,我一副賤骨頭,無所謂囉!過前邊睇睇喇,有啲新奇又刺激一次過 滿足晒三個願望架好野比你地睇呀!” 多龍越是緊張,壽頭三人越想進去一探究竟,只見多龍終於頂唔順, 扳起面,準備反枱:“邊度有你三個咁賤咁扒街架人呀,都話晒係狗竇 都仲要捐入去,有寶嘛?唔該你地幾條茂里有啲上進心,有啲愛國心, 好冇,拜托!”說時遲,那時快,阿壽已經本能的從多龍褲襠穿了過去, 風風火火的推開了房門:“嘩,好省鏡呀!真係好似初戀呀!” 只見多龍狂呼:“做乜春呀!都話咗唔好入去架喇!無野睇,無野 睇,走喇!條女七老八十,斬柴架啫,傻西!姣到你咁架樣,初乜鬼戀 呀,過主喇!”只見阿茂阿壽二人著了魔似的:“佢就係我地架初戀!” 壽頭一切都看在眼內,心裡暗覺不妙,莫非眼前這位驚為天人的仙女就 是雪山神女?若是如此,濕婆也一定就在附近!而多龍既虛偽賤格又色 膽包天,必須多多提防。 此時,阿壽那邊悄悄響起悠悠樂音! 愛戀沒經驗 今天初發現 遙遙共他見一面 那份快樂太新鮮… 默默望著是默默望著那目光似電 那剎那接觸已令我倒顛… 只見阿壽彷彿散發出一種超乎尋常的魅力,背景更像八九十年代的 香港街頭,總之成個學生王子,斯文敗類咁架feel喇! 乜咁啱架?乜咁啱架?乜咁啱… 噫,乜咁啱架! 嘻…… 邊度都有晨光…

           這邊廂阿茂也不甘示弱! 如陽光伴我 清新笑迎面 願照遍我心 自視每天快樂過 如陽光伴我 心中更明亮 再細細說聲 但願每天快樂過 乜咁啱?乜咁啱?嘿嘿嘿… 乜咁啱架?乜咁啱… 嗨!乜咁啱架! 啊…… 邊度都有晨光… “你兩條扒街,兄弟呢架!宜家為咗條女,你地睇下自己似乜!” 壽頭對他們饒以大義!但阿茂阿壽二人不幹了“一日都係佢賤喇,都話 咗嘉欣係鍾意我,係你條福街死唔要面,佢都係為咗唔想令我難做,所 以先選擇離開架咋!一日都係你呢個唔知羞!”“嘿,唔該你喇,唔信 吓盆水,都信吓塊鏡喇,你邊忽吸引到佢呀,嘉欣由始至終都只係鍾意 我一個,現實太殘忍,人地係唔想傷害你,驚你條傻西睇唔開先至選擇 離開架啫!仲係度大言不慚!” 壽頭大聲斥道:“咪嘈!”阿茂阿壽反起了白眼,尖起鼻子,不屑 的對壽頭道:“老坑,你咪估我地唔知你諗乜!你都係心痛自己架壽包 同壽桃啫係咪?我地會還返比你!”聽到這裡,壽頭不怒,反而嘿嘿冷 笑:“你兩條傻西出能晒羞,仲夠膽係到吔文吔武!知唔知乜野叫著起 龍袍都唔似太子?唔係個個食咗我架壽桃壽包都會溝死女架!壽包仔壽 桃妹有靈性架,識認人架,你睇下佢地宜家係度笑你兩個傻西呀!” 如果太多牛奶味,朱古力味無掟企,嘿嘿! 等到朱古力味返晒嚟,牛奶味又唔爭氣!嘻嘻嘻! 愛她朱古力奶,有牛奶味又有朱古力味! 識味,錫晒你!


           阿茂阿壽那裡聽的入耳,那裡能夠理解壽包仔壽桃妹壽頭叔叔的忠 告勸告!只見他們又是新一輪鬥法! 噔!啲打啲打… 噔!啲打噔噔… 嗯嗯嗯嗯… 不在乎天長地久 只在乎曾經擁有 浪漫靈感 去柯屎! 他們正是你方唱罷我登場!阿壽更是自問自答,傻能咗咁! 睇下我隻錶! 點解啫! 一分鐘喇! 夠鐘喇! 今日幾多號? 乜話? 今日幾多號呀? 吓? 依家係下午三點五十六分!由呢一刻開始,我地就係一分鐘咁情 侶!記住呢一分鐘喇! “唔好意思,你地係邊個,我唔識你地架!我走先喇!”冰山雪女 就這樣揚長而去了!只遺下兩個痴心漢子架孤單身影!真係多情自古空 餘恨,此恨綿綿無絕期! 阿茂阿壽火都黎埋:“我地要port佢,我地要port叉呢條扒街編 劇!今日我地唔撈喇!佢真係串都阿媽都唔認得,仲要次Q次吟能埋詩 作能埋對懶係型咁!真係蘋果香蕉橙,今日有佢就無我地!” 電光火石之時,他們只覺眼前白光一閃,原來已經被壽頭用鬼影 擒拿手擒咗入桃花源入邊。他們驚魂甫定,便聽見壽頭喪插:“你兩條 茂里係咪傻架,你地知唔知果個係濕婆條女呀!濕婆佢好可能已經黎咗 喇,你地係咪嫌命長呀?”只見多龍打笑緩和一下場面氣氛:“嗱!呢


            度係咪好靚,成個世外桃園咁呢?著草都著到咁高尚架環境,除咗打令 樓,你地仲可以去邊度搵喇!呢度就係桃園閣喇,即係東漢未年劉關張 桃園三結義架地方呀!當時世道唔好,無世界撈,狗賊並起,群魔亂舞, 石破天驚,風起雲湧……” 只見壽頭別了他一眼:“搶能晒我啲台詞,無大無細!咁使唔使我 地順便係呢度來個桃花三結義,出錢請埋你做見證人咁話呀?”豈知多 龍答道:“正有此意!由於三位大哥置生死於度外,時刻準備英勇就義 架氣概,實在令到小弟對你地架欽勁有如無邊落木蕭蕭咁下,不盡長江 滾滾咁來!所以,小弟今日抖膽係三位大哥以蛋擊石,螳臂擋車咁樣自 殺式去鬥濕婆之前,為你地舉行一個簡單而隆重架儀式,使你地英勇就 義之前結義金蘭,咁都不失為一個千古佳話喇!既然橫死掂死就黎釘, 咁個儀式一切從簡!即係求其旺財尋晚食剩架豬頭魚骨蝦春鴨莖雞屎忽 用黎將就一下咪算囉!至於要燒黃紙我尋晚有用淨架廁紙喎!” 只見壽頭靈機一觸:“多龍,快啲比幾支香我,有咗香,有埋你剛 才講果五牲,我自然有辦法請幾個大羅金仙落黎結陣拖延一下濕婆架時 間!”只見茂壽齊聲問道:“邊幾尊大神咁巴閉呀?”壽頭清了清嗓子, 乾咳了幾下:“咁又唔係話好巴閉,不過係天蓬元帥,捲簾大將軍同埋 齊天大聖孫悟空,仲有劉關張三位啫!”茂壽不解:“呢度都無馬騮, 你又點請到齊天大聖呀?”壽頭得意道:“所以話你地無腦又要認叻! 既然請到天蓬元帥同捲簾大將軍,你仲怕佢地架師兄唔賣呢個面嘛!所 以話平日叫咗你地多啲出黎交際應酬溝女飲茶,唔好成日匿埋屋企睇咸 碟打飛機,識人緊要過識字呀,明冇!” “時間到,上香!上香!上…”只見壽頭與多龍你眼望我眼又我眼 望你眼,壽頭終於失去耐性:“香呢?扒街!濕婆就黎到喇!”只見多 龍頓了一頓,緩緩的回道:“你一路淨係識問我要香,又唔講清楚邊個 牌子,香都有分牌子架!你又香呀香呀咁,乜牌子都唔叉講,咁萬一攞 錯咗咁點算呢?呢個責任我擔唔起個噃!”只見壽頭氣炸了臉:“夠鐘 喇,扒街,仲唔快春啲攞黎!”多龍更加不滿了:“都問咗你要邊個牌


           子囉?我地呢度實在係有好多牌子,如林永馨李祥馨壽包壽桃壽面壽頭 牌等等…,咁你想要邊個至得架?”壽頭沒好氣的道:“依家濕婆真係 黎緊喇,唔好乜香物香喇,算喇,都預咗扒街喇,黎喇,講兩句嘢表達 吓自己心情喇!” “我看見那站在神面前的七位天使,有七枝香賜給袘們。另有一位 天使拿着金香爐,站在祭壇旁,有許多香賜給袘。要和眾聖徒的祈禱一 同獻在寶座前的金壇上。那香的煙,和眾聖徒的祈禱一同獻在……”只 見壽頭怒吼:“咔,你翕乜春呀!濕婆黎到大家都玩完架喇!”多龍無 奈的道續諗:“當頭幾支香燒燃時,有災殃來臨,摧毀地球的三分一… 一根墜落的香開啟了無底架蟲洞,釋放咗入面無數架蟲蟲去咬那些額頭 上刻住傻西呢兩個字架人…!” “依家乜野時候呀?你再講埋啲咁架廢話,信唔信我真係攞燭龍黎 鞭Q你!”壽頭歇斯底里的怒吼著:“人魚背上佈滿了迂迴的圖案,那 是世界在成長過程劃下的迷圖。這些都已成局,係無法改變架事實。它 們都生活在大海,比人古老,低聲朗誦著遠古的唐詩,例如滄海明月珠 有淚啲咁架句子…”多龍話未說完,只見壽頭怒髮沖冠的正要用燭龍鞭 策自己,頓時大呼冤枉:“又係你話叫人表達心情,又話要形容世界末 日,仲唔準雨腥暴力色情,一切皆因怕教懷細路!仲衰到唔比用陳述句, 話擔心觀眾睇完產生心理陰影!規定要引經據典都不在話下喇,衰在要 喺咁架同時仲要推陳出新!呢樣又唔得,果樣又唔著,咁查實你想我講 乜春呀?唔該!” 相見時難別亦難 東風無力百花殘 春蠶到死絲方盡 蠟炬成灰淚始乾 曉鏡但愁雲鬢改 夜吟應覺月光寒 蓬山此去無多路 青鳥殷勤為探看 “你地睇,我地偉大架濕婆同佢條女架低調悲傷又充滿傳奇色彩 架愛情故事!濕婆佢老人家最鍾意玩缺憾美,認為只有遺憾的才完美! 即係話妻不如妾,偷不如想囉!佢老人家認為日日相見肯定會流失晒啲

  • billcircle 2018-12-10 14:04:26
    6#

    feel,所以要求自己一年先可以同條女見一面!咁咪可以好似牛郎織女 咁真愛永存歷久常新囉!當然,佢老人家堅係識貨,搵咗我打令樓黎做 炮房,呀唔係,係邂逅架地方先啱!” 只見壽頭眼甘甘咁望住多龍,明明啲表情包明明多到可以質爆個 袋,但係遍遍又衰在條拉鏈好似卡住一樣,掹極都掹唔開!只好口顫顫 的老套說道:“點解會咁架?濕婆咁就比你攪掂咗?仲枉我一步一腳印, 默默努力爭取出場機會!仲要事先花七七四十九秒準備埋A計劃B計 劃添!仲有我早幾日出錢請健身教練幫我操出黎果啲胸肌腹肌老鼠肌, 仲有仲有之前租碟返屋企苦練架諸如鐵砂掌寒冰掌如來神掌等等果啲嘢 呢!你條契弟明明應承咗比足十分鐘我Show quali架喎,依家又咁喪 盡天良黎搶晒我啲戲份,因住生仔無屎忽呀!” 多龍更無奈了:“喂,大佬,我都唔想架!你果啲老套到無朋友架 所謂鐵砂掌刨冰掌呀果啲一來對付唔到濕婆,二來你自己知唔知呢啲特 技製作費成本有幾高呀?仲要比啲觀眾嫌老套索性唔買飛入場睇添呀! 你當人地電影投資商係開善堂架嘛!我就唔同呢,宜家淨係拉兩聲二 胡,標幾滴馬尿,亂作幾句甚麼三歲死老婆,四歲死老公,五歲賣豆腐, 六歲比人食埋豆腐,好在七歲就認識咗濕婆,八歲從此人生不再坎坷, 九歲仲叫自己個仔同個孫同佢上埋契!咁架劇情製作費低都不特止喇, 仲要氹到濕婆佢老人家開開心心!佢經己獨孤求敗咁架境界喇,名又有 利又有權又有女又唔愁仲衰到要長生不老果下你吹佢唔脹,咁佢仲為乜 啫?咪為咗貪過癮囉!過癮架至高境界係乜?咪就係一副悲天憫人咁架 look囉!你話喇,呢個劇情你估唔估到先?”壽頭呆若木雞的搖了搖頭: “咁又估唔到!”多龍得勢不饒人:“咪就話囉!觀眾咪就係最buy啲 估佢唔到架劇情囉!仲望乜喇,收工喇,happy ending喇!仲係度等 運到呀?呢個舞台唔屬於你架,過主喇,返番屬於你個時代喇!” 阿茂阿壽一同失戀,都已經意興闌珊,於是趕忘拉著結拜大哥壽頭 走喇!點知壽頭一記鐵砂掌劈埋過去,打都佢地嗌晒老母咁話:“大哥, 我地係桃園結義架好兄弟喎!”只見壽頭面如死灰:“你地都見喇,濕 婆都未出場就收能晒工,好明顯呢齣嘢就係小本制作而且毫無發揮你兩

       
            個架偉大演技架空間喇!就當發咗場夢,當自己從來都未黎過,從來都 未認識過我咪就係囉!”只見茂壽二人還死纏難打,他頓時火都黎埋: “過主喇!同你地好熟呀?唔好扮偉大喇,要返去你地自己返,唔好阻 住我發達!我都忍上面班杏加玲好耐架喇,自己一邊係度日日開party 梳乎,一邊道貌岸然咁老點我去做烈士做模范兼雷鋒!仲送埋條咁架朱 西比我,寄語叫我效仿諸葛孔明,能化我去做智者咁話喇喎!你地自己 望下條朱西,問下自己個良心哽唔哽得落先!” “唔該你講時講,千祈唔好出手出腳,出手出腳都算喇,咁至底限 度可以可以唔好攞住張朱西相係咁隊落我地塊面度好唔好!有無理過我 地感受架!”只見阿茂百般無奈。壽頭怒吼:“我叫你地睇清楚啲呀! 我對咗廿狗幾年喇!宜家淨係叫你地認真咁近距離咁觀察一陣啫!”阿 茂駁斥道:“你係咪心理變態架!你對咗廿狗幾年係你閣下架事,唔代 表你宜家可以係度監人乃後架!拎開小小好毋!” 壽頭已經失控:“我係唔拎開呀!你地今日一定要睇清楚!等你 兩個扒街仲係度日日迫我做道德能!”“拎開喇唔該!當我地怕你係 喇!”“打我都唔拎!你地一定要睇飽佢!” 只見暗處有一把神聖架聲音悄悄响起:“壽頭,得饒人處且饒人! 你處心積累,呃大家比個機會你番黎古代!現在都已經如願已償,背棄 埋天庭,搭上咗勾欄女仲想要共赴巫山,點解仲唔肯放過啲無辜架年輕 人呀!”只見壽頭突地吃了個驚,歇斯底里的道:“吓鬼呀!出黎!你 係乜水!我唔會卸你架!”只見阿壽嚴肅的說道:“對唔住呀,由於時 間架關係,我已經開咗video call!” 只見視頻內的壽面奶奶滿面風霜的唱著:“登登登登,登登登 登!only you,陪咗我幾廿年,都已經老夫老妻,點解捨得揼低我, ooonly you…!帶我去食西北風,only you會head住我,比到啲 warm feeling過我!我痴心迷戀架,就只有only you…” “扒你個街”“唔好打喇,壽頭大哥,你咪住我打令樓算囉!細路 仔唔識世界,佢地應該無心架!”“無心?隔住千狗幾年個video call

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.