我的收藏
版主
申請
開區
申請
幽靈船員
加入日期:2007-10-8
流動積分:778
查看 16804 回覆 38
按讚 0 按彈 0

[遊記] 蘇梅5日4晚自由行之旅,第1日迷了路,(全卷完, 有相)

2009-9-28 13:32:50
  • 21/09係澳門坐機場船到HK機場, 係泰國時間19H00到左蘇梅, 到了NORA BURI RESORT & SPA  CHECK IN後, 就立即到查汶度食野先, 根著就租左一部電單車  之後,去按腳,  按完都00點45分, 條街好多舖頭都關門, 點知我行來行去都唔識路返去酒店, 根著不停問人, 哈哈, 最後用左45分鐘先返到酒店(正常10分鐘就返到), 好彩, 都冇咩驚險。

    向十妹出發啦。






    兩份麻麻地好味的飛機餐。



    話咁快就到啦, 個入境大堂真係有好休閒的感覺。



    我住的房間, 靚景冇遮擋











    第一晚食飯間餐廳, 服務都ok, 不過千其唔好叫燒魚, 因為, 佢地唔識就咁燒, 係包錫紙燒非常唔好食d肉梅晒。

    我租的電單車, 遊蘇梅靠晒佢。


    哈哈, 第二日食飽早餐就出發, 有樣野一定要講NORA BURI的早餐真係真係好正, 根著去左巴打介紹的ERANDA HERBAL SPA做SPA, 哥度推廣哥兩個SPA套餐全09H00-13H00先有, 岩岩我去到哥時係11H30, 我同太太一齊幫親左個1950匹哥個餐, 為起一個人幾百蚊HK都直得一試, 做到15H15就走, 根著, 又去冒險, 揸著部電單車睇著地圖落去拉邁睇亞公、亞婆石, 沿路經過哥本金色封面旅遊書介紹哥檔海南雞飯, 就埋去幫親下, 味道OK都可以試試, 但係冇書仔講咁平, 貴左25匹。食飽後, 就向亞公亞婆石進發, 今次好容易就搵到, 因為, 哥個位置有個牌寫著同埋個街口好車出入, 睇完石根著就揸車返查汶, 沿途經過TESCO LOTUS、BIG C、MAKRO三間商場, 順便行入去睇下, 本人覺得MAKRO岩自己買野多D, 根著, 係MAKRO前面幾百米到, 搵左間泰國餐食飯, 因見到佢好多人食, 所以試試, 味道好好價錢唔貴, 但我唔記得抄底哥名(有時間等我LEE兩日去返哥度抄番個名先), 食飽都成21點, 根著, 就返酒店, 哈哈, 今次唔怕迷路, 重哥區的路大多數認得晒。
    ERANDA HERBAL SPA環境好舒服。相為做spa的房間, 真係好正。


    亞公石

    亞婆石

    本人覺得好好味的泰國菜。


    第3日行程向龜島和南綠島出發, 有樣野都要一提就係 我在Nora buri 度book出島遊, 價錢1700匹一位(坐快船Lomprayah), 應該比出面訂貴左200-400匹到, 因為, 出島要7點要出發, 酒店的早餐開07h00, 所以, 食唔到早餐心諗大獲, 咁點算, 此時, 酒店的職員同我講可以安排早餐06h30送到房間比我們享用, 重係隨我地叫邊種早餐就整邊種, 哈哈, 真係冇簡錯酒店lee間Nora buri 真係值得推介。在早上06h30真係準時送到我地所點的早餐(有相睇), 07h00在酒店出發到碼頭等坐船到南綠島, 到左碼頭會派d票比你, 原來有一杯熱飲和一個麵包比你醫肚, 不過, 我地食左早餐, 所以, 哥兩個麵包留番出島時餵魚, 08h10分開船, 其間, 停full moon party的島接部份遊客, 亦有部份遊客去這個島, 09h45, 好不容易才到達南綠島,(哈哈, 訓著幾次都未到)船程真耐, 個島真係好靚, 水清, 對比沙巴的馬奴干島、馬路達島, 南綠島靚好多,d魚群多好多大條好多, 不過, 珊瑚唔夠沙巴的多, 可能, 我見水好深唔夠膽浮潛到出面, 所以, 睇唔到, 到11h30開餐, 哥度的自助餐都算ok, d蛋糕都幾好味, 可能, 我地肚餓關係, 食左成5件, 哈哈, 到了12h30再上一隻大型快艇向龜島出發, 當時, 我見有成大半人冇去, 我諗點解佢地唔去, 13h00到達, 原來唔係上島係到島的另一面好深好深水的海上穿救生衣游水及浮潛, 我都識游水救自己都可以, 但係多數游 泳池好才好才游海, 重咁深水真係有d驚, 我見同船一齊去的兩3名洋人, 救生衣都冇著,就跳左落水, 我同老婆便小心翼翼地落水, 有幾個團友就游到去岸邊, 我地同其他幾名團友就靠近船邊度游, 我同老婆游左一陣, 因水太深睇唔到海底, 同理冇咩魚, 哈哈, 重有少少驚就上水。14h00船就返回南綴島, 因知道船程要兩小時, 所以, 早有準備一套衫更換, 唔係穿著件濕泳衣吹冷氣成兩個鐘, 一定奶野, 隨即, 去換衫, 14h30坐船返回十妹, 航行期間, 會船停龜島及full moon party的島, 到了16h45先到十妹上船的碼頭, 真係好辛苦同好攰(因為今日06h15起身, 前一晚成01h00先訓), 係碼頭有車送我地返酒店。沖個涼斗一陣, 19h30去左書仔介紹的意大利餐廳Prego食晚飯(係Amari Plam Reef), 服務同味道都ok, 價錢都唔算貴都可以一試。食飽後又揸著部戰車係查汶度游下車河, 睇下有咩特色野, 之後, 因隻腳攰攰地就去左Amari酒店直上哥間野度按腳,250匹一位真係好舒服, 地方又清潔, 按完都22h45 返酒店, 係房個按摩泳池游左一陣(不過d水鹹)同按摩左一陣, 就去訓啦, 養精蓄銳明日再出發。

    房間望出去日出

    美味的旱餐送來了



    出島啦


    到左南綠島啦











    龜島


    意大利晚餐



    第4日, 10H00起身, 係酒店嘆完個超正早餐後,11H30出發, 再去ERANDA HERBAL SPA做多次SPA, 今次簡左1700匹的套餐(全身磨沙去死皮+有泰式古法+香薰油按摩), 做完SPA後都成3點, 唔知係唔係個早餐食得飽得濟重未肚餓, 就揸著部戰車向CHEONG MON出發, 去參觀湖上千手觀音和12米大佛, 由ERANDA HERBAL SPA直上去行左十分鐘到就到湖上千手觀音, 參觀完後, 再沿路直去5分鐘就到12米大佛, 參觀完兩個景點連車程都係用左40分鐘, 剛才重出猛太陽, 突然間,  黑晒天, 刮大風落大雨, 只好在大佛賣記念品的舖頭避雨, 等左廿分鐘雨停左, 便立即, 揸戰車回酒店, 點知, 行到一半路又落過, 因未食午飯, 剛好停車避雨的位置有間泰國菜舖頭, 就入去試下食飽個肚先, 味道都OK, 價錢好平, 食左木瓜沙拉、奄豬頸肉、蝦炒河、冬音公、炒雜菜、兩杯青檸梳打都係430匹, 食飽後, 雨又停了, 便立即返酒店, 係酒店度冇咩野做落左去餐廳度飲杯野同叫左個炸薯條, 唔知係唔係佢地好得閒個炸薯條疊到好整齊, 你都唔好1意思整亂佢黎食。到左19H30, 再去番第2晚食飯哥間泰國菜, 哥間泰國菜D燒魚, 木瓜沙拉、冬音公真係好正, 食飽後, 就去入油同交車, 我覺得蘇梅有樣野好過癮, 就係通街都買到電油, 好多舖頭都放左一樽樽電油佢舖頭門口30一支佢話有一升, 交車後制多陣都成22H00, 行返去M記度等酒店車返酒店。返去執好D行李明日要離開真係唔寫得走, 哈哈。

    在CHEONG MON回程返酒店NORA BURI路經的泰國菜店

    疊到好整齊的炸薯條

    第2晚食飯哥間泰國菜


    第5日要離開十妹, 心情真係好依依不捨, 係八點左右起身, 係酒店嘆完個早餐後, 就執拾行理, 係酒店影下相, 於09h30酒店有車送我地出機場, 到機場CHECK IN後, 就步入好有休閒特色的免稅街, 一d都冇係機場入面的感覺, 行左一陣, 其實都冇咩岩買, 便入閘等上機。十妹真係一個好好的渡假地方。

    ps:到十妹一定要帶蚊怕水、蚊貼, 重有要帶定支無比膏, 真係好多蚊, 我比d蚊咬左十幾粒蚊爛, 返左黎成個星期先好番。




    機場的免稅街




    返HK 的飛機

    上機前有飛機降落



    [ 本帖最後由 幽靈船員 於 2009-10-23 02:19 編輯 ]

    0 0
  • 長空 2009-9-28 23:43:16
    2#

    good喎間酒店,度假一流

  • Fantasy 2009-9-30 09:28:23
    3#

    正呀, 帶部 LX-3 去旅行真係方便, 影相又靚呀

  • petit-nini 2009-9-30 12:44:58
    4#

    間 resort 為幾錢一日呀?

  • wisstar 2009-9-30 14:48:34
    5#

    我都想去呀~~你去邊到訂野架~~
    幾錢呀~~~好正呀~~~~~~~~~~~~~~~~

  • 幽靈船員 2009-10-4 02:21:34
    6#

    回覆 #4 petit-nini 的帖子

    我個哥Pacakge係 5日4晚(佢做緊買兩晚送兩晚、所以要比兩日早餐錢hk120蚊一位, 兩日即120x4)兩個人機票+酒店+機場稅及燃油附加費+兩日早餐共hk.$.11400。係特x度book(唔知可唔可以出晒舖頭名, 所以, 打頭哥個宇)。 重有係hk飛, 未計來回船票。

  • 幽靈船員 2009-10-4 02:22:00
    7#

    回覆 #5 wisstar 的帖子

    我個哥Pacakge係 5日4晚(佢做緊買兩晚送兩晚、所以要比兩日早餐錢hk120蚊一位, 兩日即120x4)兩個人機票+酒店+機場稅及燃油附加費+兩日早餐共hk.$.11400。係特x度book(唔知可唔可以出晒舖頭名, 所以, 打頭哥個宇)。 重有係hk飛, 未計來回船票。

  • yan~ 2009-10-4 13:09:18
    8#

    想問你架電單車係邊度租嫁..?幾錢一日..?THX

  • 幽靈船員 2009-10-5 01:10:50
    9#

    係查汶好多租車舖頭, 我係24小時間M記對面舖頭租, 佢哥度有車租, 有出島團BOOK, 輛車租200匹24小時計, 我租左72小時600匹, 應該貴左, 我朋友租6日720匹。你自己要同佢講價。

  • 幽靈船員 2009-10-5 01:11:43
    10#

    回覆 #8 yan~ 的帖子

    係查汶好多租車舖頭, 我係24小時間M記對面舖頭租, 佢哥度有車租, 有出島團BOOK, 輛車租200匹24小時計, 我租左72小時600匹, 應該貴左, 我朋友租6日720匹。你自己要同佢講價。

  • 幽靈船員 2009-10-5 02:32:00
    11#

    原帖由 Fantasy 於 2009-9-30 09:28 發表
    正呀, 帶部 LX-3 去旅行真係方便, 影相又靚呀


    請問你點會知我部相機係 LX-3.

  • 傻勇 2009-10-11 22:30:07
    12#

    好靚喎...真係好想去

  • Fantasy 2009-10-11 23:53:16
    13#

    原帖由 幽靈船員 於 2009-10-5 02:32 發表


    請問你點會知我部相機係 LX-3.


    張相入邊有資訊睇到囉

  • 幽靈船員 2009-10-12 00:29:41
    14#

    原帖由 Fantasy 於 2009-10-11 23:53 發表


    張相入邊有資訊睇到囉



    哈哈, 原來係咁, 明白了。

  • 幽靈船員 2011-8-21 00:35:12
    15#

    好掛著十妹。

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.