我的收藏
版主
申請
開區
申請
Fantasy
加入日期:2004-8-8
流動積分:10284
查看 9840 回覆 70
按讚 0 按彈 0

[遊記] 2010新加坡+馬來西亞(Day 10 - 再見樂浪島 + **後記貼士**)

2010-9-4 12:11:51
  • 都係第一次去13日旅行, 好耐冇寫遊記, 希望今次可以順利完成啦~~

    以下先簡單介紹一下整個行程先~~

    有太多相啦, 都未整理好, 邊寫邊整啦~~

    12/8/2010出發, 24/8/2010返澳, 共13日, 行程都算充實, 又唔怕太趕, 食左好多野, 好在都唔怕有熱氣唔舒服的情況, 可能係多得日日都飲隨身寶品啦



    [ 本帖最後由 Fantasy 於 2011-6-11 20:40 編輯 ]

    0 0
  • Fantasy 2010-9-4 12:15:34
    2#

    首先係澳門出發, 乘AA經吉隆坡來回去左新加坡5日, 好耐之前promo訂, 澳門來回吉隆坡約$240/位, 吉隆坡來回新加坡約$280/位, 扣除頭尾的交通, 實玩足3日, 住小印度區4晚, 因為好耐之前經AsiaTravel訂到間又平又靚又方便今年先開的新酒店Hotel Grand Chancellor 只係hk$5xx/晚,不包早餐(而家要$7xx/晚啦), 交通方便5分鐘到地鐵站, 首日晚上到了Newton食物中心; 第2日係sentosa入邊玩左1日, 玩左好多野, 睇埋夜晚個SHOW,晚上係VivoCity的Food Republic食野, (原本諗住個日係星期五平日, 到環球影城先買門票都冇問題, 點知當日門票已經賣晒, 即時買之後的星期六又冇, 要買星期日的票,好在係星期一先走, 貴少少都好過去唔到啦); 第3日就係新加坡市區裡邊周圍行下食下, 烏節路, 牛車水Maxwell食物中心, CityHall等; 第4日就入環球影城, 晚上到克拉碼頭clarke quay行下; 第5日去萊佛士Raffles的老巴殺食物中心, 下午返吉隆坡;

  • Fantasy 2010-9-4 12:16:52
    3#

    同日第5日即日從吉隆坡LCCT轉機飛到丁加奴, 係市區落腳住左一晚MingStar Hotel $280/晚包早餐, 算係幾乾淨, 附近算方便, 對面有7仔, 隔離好夜都有野食; 第6日坐的士上山, 入住肯逸湖Lake Kenyir Resort $500/晚包早餐, 住左一晚, 風景好靚, 環境好正, 間RESORT好大, 好隱世, 好少人, 西方外國遊客為主, 只見過一班中國遊客, 好大自然feel, 係泳池旁邊樹上見到大咀鳥, 不過蚊就多d, 咁的價錢物超所值, 但要付出較多的交通貴RM80/程, 來回即RM160, 已講價, 1小時車程, 由於太少人, 的士都要專從市區過來, 又冇巴士, 所以咁的價錢都冇可避免; 第7日之後返落市區落腳過夜MingStar Hotel $500/晚, 坐觀光巴士市遊覽; 第8日早上乘的士去碼頭Merang Jetty, 約30~45min車程, RM60, 冇價講到, 乘搭酒店船入樂浪島, 約30mins船程, 係最出名個間LAGUNA RESORT住左兩晚, 全程最貴約$4000/3D2N, 包3餐, 渡船來回, 包出去玩浮潛, 間房好大, 環境好靚, 樂浪島又靚, 但係非常多遊客, 仲係以中國遊客為主, 尼樣係比預期中有D失望; 第9日全程係出海玩浮潛, 樂浪島的吸引力實在都令人好唔捨得; 第10日終於乘船離開, 由於冇陸路, 要搭船去島上另一邊的機場, 乘Berjaya Air離開飛往吉隆坡近SUNWAY LAGOON個邊的內陸機場, 乘 Berjaya Air 的感覺唔錯, 機內非常整潔, 另外感覺好唔同的係, 係到搭機的9成都係住BERJAYA RESORT的西方遊客, 得我地幾個係中國人, 之後返到吉隆坡;

  • Fantasy 2010-9-4 12:18:34
    4#

    到達吉隆坡內陸機場, 係的士counter買票到酒店Novotel City Center RM60, 晚上係阿羅街食野, 住左3晚NOVOTEL, 早前accor做promo訂約$520/晚(行政房,不包早餐), 第11日係吉隆坡周圍行下, 去左BERJAYA SQUARE商場, 之後乘monorail到maharajalela站, 步行約5~10分鐘到羨廠街, 周圍行下食下野; 第12日去左吉隆坡鳥類公園, 搭咪錶的士約RM10一程, 入邊好多雀周圍飛, 都幾好玩, 夜晚係吉隆坡雙子塔4樓食日本餐, 非常正, 質素幾好, 價錢比尼邊平好多, 仲食到好飽; 第13日SHOPPING買手信, 最後從酒店搵計咪錶的士, 連附加費約RM80到LCCT, 乘AA返澳

    完成13日行程!!

  • Fantasy 2010-9-4 12:21:25
    5#

    第1日, 由澳門出發往吉隆坡LCCT, 搭AirAsia AK51 10:45機, 入閘後去了澳門機場的貴貴賓室, 利用某幾張指定的信用卡, 可以免費享用貴貴賓室的餐飲服務, 當係食早餐, 順便拿飲品上機, 都算唔錯












    準時起飛, 14:30 到達吉隆坡LCCT, 過關後係LCCT的supermarket ZON買左d野食, 點知入去候機大樓才見到新開的面店, 早知就唔洗去買野食住啦, 新加坡回程時一定要試下, 一個面約RM10, 賣相都唔錯, 算係咁啦...  





    搭AK709飛往新加坡 17:40, 大約一個鐘到達新加坡樟宜國際機場, Terminal 1


    係機場見到個幾特別的分類回收垃圾筒


    機場有劃分為T1, T2, T3, Budget Terminal, 由於經 AsiaTravel Book 酒店旳時候, 選擇了酒店來回機場接送服務, 要去返 AsiaTravel 於 T2 的 Counter, 所以就乘塔免費Skytrain列車到T2


    到達 T2 有較多唔同的餐飲服務, 其中好多Thailand Fans的至愛有SWENSENS, 另外有Burger King, Pizza Hut, 亞坤, 等等...


    去到 Asia Travel Counter 核實資料後職員就叫司機開車過來, 等左大約10分鐘, 8:15PM, 一架VAN到, 職員叫我地上車, 司機都比較沉默, 我亦都只係confirm要去的酒店就沒有任何對話了, 大約30分鐘的車程, 經過見到摩天輪 Singapore Flyer, 到達位於小印度的酒店Hotel Grand Chancellor


    酒店門口就有間7-11, 算是非常方便, 酒店客房就位於酒店大堂對面, 攪好check-in, 尼個時候就緊係出去食番d好野啦, 由於天黑黑, 都好難分辨方向, 所以問人MRT地鐵站點去, 其實一早係地圖上都知道係好近, 行5分鐘就到啦


    係小印度站見到的特別圖案




    MRT 的模式跟香港的差唔多, 好易明, 之後成日都經過的中轉站Dhoby Ghaut 多美歌


    第一日先黎試下Newton紐頓食物中心, 出到Newton站後, 問人分向, 行一陣間就從遠處聞到燒野食的香味, 就係尼到啦, 點左幾樣旅遊書介紹的野食, 燒雞翼, 魚旦河, 蠔仔煎, 蘿蔔糕, 味道都唔錯呀














    就係咁樣完左舟車勞頓的第1日啦...

    [ 本帖最後由 Fantasy 於 2010-9-4 12:22 編輯 ]

  • Fantasy 2010-9-4 12:24:03
    6#

    接住落黎就介紹下住宿, 係新加坡住左4晚Hotel Grand Chancellor, 酒店位於小印度區, 係2010年新開的, 所以同預期一樣都幾新幾乾淨, 樓下有間7-11, 不過發現新加坡d飲品係東南亞講都幾貴, 普通一支水都起碼要SG$1或以上, 行5分鐘就到MRT地鐵站, 去烏節路, 牛車水都係幾個站, 算係幾方便, 只係AsiaTravel先做到約HK$550/晚, 都可以講係絕無僅有, 不過更加奇的係酒店官網都訂唔到咁的價, 又搵過好多其他AGENT直到目前為止都冇得訂尼間酒店, 所以開始時都有D懷疑到底咩原因, 見都有人用過AsiaTravel 訂房, 又有d住客對酒店評語都不錯, 所以最終就決定左住尼間啦.

    住後感其實基本上間酒店就都冇乜好挑釁的地方啦, 係冇免費Wi-Fi囉. 不過, 原來隔離有間印度廟就麻煩D囉, 周不時都晨咁早就比佢嘈醒, 唔知係咪隔一段時間就有d響聲咁, 最早好似係4點嘈過一輪, 仲都幾長時間咁, 又大聲, 都已經關晒窗都聽到, 跟住好似6點幾又嘈過黎, 我都唔知間廟攪乜, 又成大班人係廟到排隊輪野咁, 真係佩服d人好似唔洗順咁, 唔知8月係咪有d咩特別節日的關係, 還是平時都係咁啦, 算吧啦, 睇睇房間相啦..

    間房有一個大窗, 都算係有個街景望下啦, 個窗台可以用黎晒下洗好的衫都幾實用呀


    有LCD電視


    間房見到的街景, 對面就係尼間印度廟啦


    都係對面間廟





    個水煲都幾乾淨, 煲番d水裝出街飲都幾好用架


    洗手間都OK啦, 另一邊有花晒沖涼


    酒店附近的建築物都幾有特色的, 酒店去MRT站實經過的地方, 係乜? 公廁呀!!


    公廁隔離


    小印度街景


    MRT站對面的空地, 有好多雀, 其實平時係新加坡都會見到街上有好多雀, 尼到就特別多


    近距離行埋去都唔走


    附近都有好多酒店

  • Fantasy 2010-9-5 11:22:08
    7#

    第2日係小印度搭MRT沿NE線到達Harbour Front站,當然就係上去VivoCity到填飽個肚先啦,出左MRT上左幾層之後就見到有野食, 有好出名的Bread Talk, 入邊的品種都幾多,好似多過吉隆坡的BreadTalk,隔離有個food court入左去食野, 尼到冇乜人, 唔知係咪時間仲早呢, 入邊有潮州魚旦河,Laksa叻沙, 多士,三文治等等,叫左幾樣野食都幾好味, 價錢又唔貴









    幾正, 都唔記得左係咩面, 點知放大番潮洲魚圓麵張相搵得番喎, 叫做魚餃面, SG$3.5!!!



    食落非常香脆可口!!



    普通的魚旦河, 都係上邊個正好多~~



    再上一層就係food republic, 尼到選擇多好多呢, 今晚黎尼到食下~~





    之後買sentosa express的車票, SG$3來回



    係車上沿途見到出邊的風景







    係waterfront站落車, 去環球影城



    諗住個日係星期五, 買即日票都得啦, 點知都冇晒當日票啦, 個時大約11點左右, 唯有買預買第二日, 點知星期六都冇, 好在星期日的票仲有得賣者, 唔通真係咁多人去~~

  • Fantasy 2010-9-5 11:22:44
    8#

    去唔到環球影城, 唯有入去sentosa到玩, 上番列車站搭車去beach station啦

      

    sentosa 入邊的game周圍都有售票亭, 玩的野有好多, 例如係蝴蝶園, Segway, 4D電影, 水族館, 晚上的show等等, 有幾合一的package, 玩得晒的話比起單買係抵D的



    其實心目中都有幾樣野想玩, 其中一樣就係LUGE, 係Beach Station落車行冇幾遠就係啦



    不過問過d工作人員佢地話玩luge的售票處會有更多選擇, 例如係雙人, family,等等唔同的組合,所以我都係尼到買票啦,LUGE就係從上邊滑落黎個part,通常玩luge都係玩埋skyride,如果唔係就要自己慢慢行上山先玩到luge啦,玩左兩次感覺唔錯呀!~~



    尼part就係skyride



    尼part就係luge, 第一次玩, 工作人員會講解係點樣控制, 同埋會測試下你係咪可以控制到點行同埋點停, 都算係幾認真~~



    其實都好易控制, 大人細老都岩玩, 睇下張相就知點控制啦



    成條跑道好似5百幾米左右, 大約係咁啦, 睇圖將來應該仲會有新路行架!~~




    好啦, 行得啦~~



    不過要影相就最好行埋一邊先啦~~~



    之後搭入邊的免費巴士睇左幾樣野玩啦, 跟住就入左水族館到, 係門口出邊都有幾樣免費野睇啦










    入邊就緊係仲多野睇啦~~








       




































    門票仲包埋海豚表演show, 同海洋公園個差唔多啦, 當係坐下休息下都好的, 去睇埋先...









    表演完之後可以比錢走埋去影相, 我就話做旁觀者仲著數啦~~



    周圍又走黎好多雀仔搵食喎~~~



    出邊有記念品賣~~



    去水族館玩潛水個d人唔知就係咪玩尼樣野呢~~




    之後就搭免費巴士去Siloso Beach, 影下個地標先~!~



    全景相~~~



    尼到旳環境又好唔同呢~





    個到又有好多類似尼d野玩~~



    價目表~~抵唔抵玩就見仁見智啦~~



    係到打波又有~~



    又有酒巴, 食野的地方, 夜晚應該都幾熱鬧..



    係到食d野, 休息下先~~



    尼到食的pizza係薄脆個隻, 味道都OK~~



    之後走去對面個小島, 同埋周圍行下~~







    黎到之後覺得其實係siloso beach住一晚都唔錯架, 連續係sentosa玩足兩日啦, 可以由朝玩到晚, 慳番唔少搭車出入的時間呀, 星期六晚仲有個music beach的節目, 又或者可以去賭場行下, 應該都唔怕悶囉~~



    sentosa 入邊可以租單車, 不過個人覺得唔係好抵, SG$11/Hour~~



    返正代步都有免費巴士, 不如玩d新鮮野好過啦~~



    例如玩 Segway, 係佢set定的範圍玩一個圈都係SG$12, 咁仲玩單車~~



    同玩LUGE一樣, 都會教你點行點停, make sure係識得控制先比你自己玩, 我係第一次玩, 都幾新鮮幾過穩呀, 又係大人細路都玩得~~




    跟住就去仲睇夜晚個show of sea, 估唔到係好多人睇, 開場前一鐘就見到排好長隊, 見到咁的環境, 咁都係唯有提早入場啦, 上邊個價目表都有寫Song of Sea SG$10



    等咁耐先開show, 攞擋野出黎, 緊係唔放過尼d最賺錢的時間啦, 哈哈~~~



    Song of Sea 係一個有故事的歌舞表演, 有d激光, 噴水咁的效果, 又唔算好貴, 現場睇效果做算ok啦, 咁怪得咁多人啦~~



    就係咁, 睇埋個show離開sentosa, 返去vivo city食野啦~~~

  • Fantasy 2010-9-5 11:23:16
    9#



    乘列車反去sentosa station, 到達vivo city



    當然唔可以錯過food republic啦~~



    入邊真係非常之超多野食, 多到都唔知揀咩好啦, 點心,飯面,油炸/燒烤類的小食,印度,日式,韓式,西式...都數唔晒有幾多種...



    樣樣野都睇黎幾好味咁, 睇幾張相止下渴啦~~












    尼到就係今餐的野食~~



    值得一試的炸油條, 食落係好香脆可口, 其實尼到的油炸野好多都幾好味架, 黎到一定要試~~






    離開food republic之後, 係vivo city尼個大型商場到行下啦~~



    周圍的舖頭都係離唔開食的, 所以黎到新加坡的感覺係周圍總係離唔開食的~~



    有飲湯的專門店啦, 又有土司專門店啦, 睇見咁多人排隊就知係好野黎啦~~




    唔經唔覺就行左好耐啦, 係新加坡的時間真係好易過, 之後就搭MRT返酒店啦..




    係酒店附近好容易會發現一d好得意的舖頭, 尼間算係其中一間, 隔離仲有另一個舖位都係堆滿米架



    另外就係想試下尼間印度餐廳啦, 聽朝要黎食個印度薄餅先得~~


    End of Day2~~

    評分

    1

    查看全部評分

  • Fantasy 2010-9-6 01:32:24
    10#

    尼到就係酒店大堂對面, 酒店客房就全部係尼座大廈到啦~~




    第3日, 黎到酒店附近間印度餐廳食野啦, 尼間環境算係唔錯啦, 有冷氣, 又幾乾淨咁, 點知原來想食印度薄餅都唔係隨時有, 要好似係早餐/晚餐的時間先有, 其他時間就冇咩選擇, 所以就點左幾樣唔同的野食, 左上角的係最普通的冇餡薄餅, 點咖喱汁食, 右上角個兩碗係湯, 不過飲落好似咖喱咁, 下邊個係咖喱蟹, 都唔錯呀, 幾大隻, 不過就真係幾辣下架, 左下角個塊唔知叫乜東東, 好似薯片咁好脆的, 不過就冇乜味, 要點汁先好食的, 跟隔離個飯, 尼餐食的野都算幾持別, 又食得幾飽咁~~














    食飽之後就開始今日的行程, 由於買左明天的環球影城入場劵, 所以今日會係新加坡市遊, 準備要行好多路啦, 全日將會以地鐵作為交通工具為主, 第一站就係去烏節路Orchard Road, 係新加坡最出名的地區之一, 基本上都不可不去呀~~


    首先係Little india 小印度搭NE線, 向Harbour Front方向搭一個站到Dhoby Ghaut 多美歌, 尼到係一個好大的中轉站, 有幾條線都可以係尼到轉線, 之前都有提過, 所以人流都特別多, 之後搵轉NS線, 向Jurong East搭幾個站就到, 而反方向的Marina Bay就係濱海灣站, 即係sands金沙個邊啦, 不過還要轉乘shuttle bus才到達sands架


    去到烏節路站之後有好多個出口, 尼到真係好旺, 大部份都係可以接通各大商場, WISMA ATRIA 係其中一個, 入邊還有個幾有名的日本品牌 ISETAN 伊勢丹, 賣的野應該都最岩OL架啦~~


    大型food court當然唔少得啦, 又係food republic 呀, 4樓成層都比霸晒架啦, 仲有專用扶手電梯由街上的行人路直接上去, 真係非常方便~~~

      

    WISMA ATRIA 隔離有好出名的義安城商場, 一陣間入去睇下先~~


    見到街上好似有d幾吸引的東西喎, 好似雪糕車咁喎, 睇下有咩食~~



    正喎~~ 原來係雪糕三文治, 仲有好多口味呀, 一定要試下, 價錢唔洗講都見到啦~~



    睇下佢點樣整的, 用面包架, 真係幾好味~~



    其實係WISMA商場出邊都有好幾擋尼類的雪糕車擋, 好易搵到~~





    一個咁有時尚風格的商場, 對面就係另一個咁有中國風的商場 TANGS ~~




    之後行入去義安城, 目標係搵一間叫 Four Seasons Durians 的舖頭, 跟住黎睇下~~




    就係尼樣啦, 不過對面都好似有d野幾好味咁喎, 尼個真係名乎其實的炸著片~~
    尼到又有好多好野食咁呀, 食得邊樣好呢, 是單點左幾樣野都幾好味, 例如係個榴槤Pancake, 炸薯片, 食落又係好香脆可口~~










    尼部機都幾勁呀, 一邊人手串好就自動過機燒烤, 之後點汁, 勁~~


    又係個句, 係到的時間過得好快, 落下地鐵站, 買車票, 等下車, 行番上地面, 行下商場, 睇下野食下野, 影下相, 咁就唔見左好多時間啦, 所以都係時候到下一站啦, 約定之後牛車水見~~

  • mingming12383 2010-9-8 20:58:51
    11#

    知唔知吉隆坡 比 hotel bell boy 既 tips 係要比幾錢呀?   佢 help you to take your luggage

  • mingming12383 2010-9-8 21:03:55
    12#

    知唔知邊到有馬幣換唱好rate d ?

    知唔知吉隆坡 hotel bell boy help you to take your luggage, 要比tips how much ?   

  • Fantasy 2010-9-12 00:19:04
    13#

    繼續來到牛車水, 新加坡的唐人街, 尼到就係MRT站的出口啦! 黎到有好多野賣, 兩旁的建築物都唔係好高, 而且好有特色~~

      














    尼個係其中一個地標建築物, 而我地要去的食物中心, Maxwell Food Center 就係附近



    見到個招牌啦, 通常新加坡的食物中心都係咁上下樣~~


      













    聽講尼到的海南雞飯幾出名, 一場黎到都唔好放過啦, 順便影埋價錢牌比大家睇啦, 隔離仲有一班台灣遊客係到拍照留念添,見尼到有好多野味道都唔錯咁, 但係之前又邊行邊食左野, 都唔係好肚餓, 所以都係睇下仲有邊d多人排隊就去幫襯試下啦,見到個豬排飯+蛋好似都唔錯咁, 就買黎試下啦, 又的確幾好味喎, 之後叫左豆奶飲, 休息一陣就離開尼到啦~~
















    食物中心外的一個地標~~




    之後就入去剛才見到間廟參觀一下啦~!~




      



    接住就去city hall 政府大廈站, 來到尼個站的感覺係好有藝術氣息, 係通去榴槤劇院的周圍都有些特別的裝置,其實尼個站都周圍都有好多值得欣賞的地標建築, 不過時間有限, 所以只去了較為有代表性的Esplanade Theatres 同埋附近的地方,因為外表好似個榴槤所以俗稱榴槤劇院, 留係尼個時間去係因為想睇下尼到著左燈的夜景呢, 由MRT站行去榴槤劇院都幾遠架, 不過一路都有冷氣,同埋有D得意野睇下影下都唔怕悶~~















    去到劇院入邊睇到有好多人係到睇表現, 原來係有人係到玩BEATBOX, 我地都停低係到睇左一陣, 之後就出去外邊睇下啦~~





    之後就去左附近的財富之泉 fountain of wealth, 途中仲聽到見到斷斷續續的放煙花, 想企定係到睇的時候又唔放, 究竟攪咩呢~~





    跟住就去左附近MARINA SQUARE商場的FOOD COURT睇夜景, 冇錯呀, 係FOOD COURT, 尼到都有幾多野食架,室內部份又有冷氣, 環境都唔錯, 睇本旅遊書介紹尼個商場的FOOD COURT可以欣賞到好靚的夜景, 所以就跟住去睇下啦, 果然係冇錯,好清楚睇到周圍的夜景, 好靚呀, 不過就迫滿晒人啦, 有好多人SET好晒機同埋腳架向住SANDS個邊, 好似D煙花係個邊放出黎咁喎,有咩節日呢, 醒起可能係同尼幾日新加坡攪緊個青年奧運會有關啦, 昨晚睇電視新聞仲影到係SENTOSA傳火炬, 而去cityhall的途中都有好多類似義工的工作人員, 可能尼到就係有青年奧運會開幕表演都唔奇啦, 不過等左一段時間都冇乜料到咁喎,又係耐唔中先放少少煙花出黎, 影左幾張相夜景, 不如都係離開先啦~~








      

    之後就沿路反MRT站, 其實發覺CITY HALL尼個站周圍又係有好多野食, 例如有台式食店, 壽司店晚上還有BUY TWO GET ONEFREE, 所以都買左D壽司食, 之後見到有漢堡飽店挑戰食漢堡飽的記錄, 當然唔係去參加啦, 跟住見到有間土司店就諗起不如食下咖央 KAYA都好喎, 就係咁又食左少少野啦, 其實尼到D野食價錢都唔算好貴, 可以接受, 不過尼種好似行到邊都有得食的飲食文化就真係非常羨慕啦~~











    又係尼個品牌的湯專門店, 其實都想試下架~~



    之後搭MRT反小印度, 想去返印度餐廳打包個印度薄餅返酒店食, 點知食完好似唔多夠咁, 諗住去買多個, 點知又關門啦, 之後搵到附近仲有另一間有得賣




    上邊就係另一間印度餐廳的餐牌, 下邊就係餐廳的環境, 都乾淨的, 但冇冷氣, 日頭可能會熱D~~








    DAY3 就咁完結

    明天去環球影城啦~~~

  • Fantasy 2010-9-12 18:41:15
    14#

    Day4, 起身之後就乘MRT往Habour Front, 係Vivo City食早餐啦, 新加坡除左多野食之外, 基本上冇乜規定咩時間先食到乜野東西, 例如夜晚都食到一般我地早餐的野食, 朝早又可以食到我地夜晚的野食, 尤其是Vivo City尼個food court, 雖然都有部份係太早未開, 但其實都有好多唔錯的選擇啦, 我地隨便點左小小野食, 又試下尼到的豬排飯啦, 同埋印度薄餅













    食完之後就乘sentosa列車到waterfront站, 入環球影城啦, 順帶一提, 早前買落的入場卷每人還跟兩張coupon, 一張係SG$5的餐飲卷, 另一張係SG$5的購物卷, 冇規定每次只可以用一張, 另外張入場卷寫住唔可以帶食物飲品入園, 但入場都冇檢查, 早知帶支水啦, 入邊買支可樂都要SG$3~$4支, 都幾貴架, 用卷又冇得找咁就留番食野好過啦, 另外都見幾多人買史力加個支水~~




    入場就見到好得意的功夫熊貓, 排隊去影番張相先, 尼到間唔中就有d卡通人物走出黎比人影相, 不過人數有限, 影一陣就要走返去休息, 排唔到的可以邊玩邊等再出現啦, 原本仲以為係得個雙軌過山車冇開者, 點知原來連個荒失失奇兵都冇開, 有d失望, 最刺激就係MUMMY, 真係一定要玩, 史力加4D劇場都幾得意, 順便可以坐下休息下麻, 甚本上d遊戲唔洗等好耐, 等一陣都有得玩啦, 係mummy比較耐d, 不過都幾值得~~

























    間紀念品店都有幾多公仔, 影相都冇問題, 較為低買的算係薑餅公仔, SG$14.9, 三張coupon就岩岩夠唔洗找啦, 兩張就補少少啦, 其他都比較貴, 一係就都冇乜用的東西~~








       
















      





























  • Fantasy 2010-9-12 18:42:01
    15#

    係美國街有間餐廳, 2塊Pizza 大約係SG$15, 尼到個環球影城真係好細, 好快就行完一圈, 之後就跟d時間睇埋d show啦, 有D show都唔錯架, 中午都還仲有落雨, 好在之後都好好天, 可以就周圍影下靚相...













      





      







    下邊個兩個人企埋一齊都幾襯咁喎~~ 之後去睇個水上劇場的show, 未開場d演員就同d觀眾打成一片, 坐係前排的都會成身濕晒架, 另外有個show係關於何里活的大制作電影, 介紹拍戲時候用特技效果, 係一個攝影棚到模擬出黎, 效果都唔錯呀~~
































    就係咁樣係環球影城玩左一日啦, 之後去左隔離個 Resort World 名勝世界參觀下, 入邊都有 bread Talk, 跟住好快就離開, 搭MRT去克拉碼頭clarke quay啦~~



您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.