我的收藏
版主
申請
開區
申請

[遊記] 2011吉隆坡、檳城、怡保9天歎美食之旅全卷完(超多相)

  • Dusty 2011-6-8 19:39:50
    16#

    原帖由 張雲 於 2011-6-7 20:41 發表
    慘,遲幾天還要到KL小休數天,做乜要攪D麻煩野架.....

    LCCT == LOW COST CARRIER TERMINAL 我估係有了KLIA 之後才有的,

    有名你講廉價,停泊費少D,機場配套也簡陋D.

    KLIA 曾經去過,一泊埋樟宜和赤鱲角,真係差幾皮...... ...
    因為kl我都係第一次去,本來係唔會逗留咁多日的,但有位朋友要提早兩日走,所以就中伏了

  • Dusty 2011-6-8 19:40:37
    17#

    原帖由 diydiy 於 2011-6-7 22:38 發表
    樓主真係識嘆識食, 經常四圍去.  羨慕死啦.

    景物好特別啊!
    都唔係經常啦,今年唔會再去了

  • Dusty 2011-6-8 19:41:52
    18#

    原帖由 Fantasy 於 2011-6-8 10:01 發表
    D海鮮真係非常之正, 多謝樓主繼續分享, 係留有咁大污點的同時仲要對住D相寫遊記, 今次真係辛苦樓主你啦!!!
    都無法啦,始終已發生,想都無用,不如想下股票賺返好過

  • Fantasy 2011-6-8 23:00:33
    19#

    原帖由 <i>Dusty</i> 於 2011-6-8 19:41 發表<br />
    都無法啦,始終已發生,想都無用,不如想下股票賺返好過<img src="images/smilies_default/TFR14D.gif" smilieid="17" border="0" alt="" />
    <br />

    股票而家好難賺啦, 商品, 外幣仲升得犀利過股市

  • Dusty 2011-6-8 23:44:33
    20#

    原帖由 Fantasy 於 2011-6-8 23:00 發表
    <br />

    股票而家好難賺啦, 商品, 外幣仲升得犀利過股市
    外幣我未玩過的及升太多了

  • Dusty 2011-6-8 23:45:24
    21#

    day2僑生博物館編

    今早去了僑生博物館參觀,裡面的擺設保留得很好,等我們入去睇下峇峇與娘惹的家啦

  • Dusty 2011-6-8 23:46:44
    22#

    day2僑生博物館編

    小娘惹都係在這裡拍攝的

  • diydiy 2011-6-9 00:26:06
    23#

    樓主咁快放哂年假啦,  下次目的地去边?

  • Dusty 2011-6-9 22:04:02
    24#

    原帖由 diydiy 於 2011-6-9 00:26 發表
    樓主咁快放哂年假啦,  下次目的地去边?
    我都未有計劃啊,但很想去越南

  • Dusty 2011-6-12 02:07:25
    25#

    2011吉隆坡(留有污點)、檳城、怡保9天歎美食之旅day3

    我們今早的早餐決定去康乃馨肉骨茶,因為就在酒店附近,加上在檳城係很出名的一間,其實很多華人都會早上歎碗肉骨茶的

    又係蔡生做生招牌,希望唔會失望啦,我們點了大骨肉骨茶、排骨肉丸肉骨茶、豬什肉骨茶,埋單rm121蚊.

    大骨肉骨茶:見到大骨係有些嚇親,我估唔到係咁大舊骨,賣相很正宗很吸引

    跟住有職員幫大骨拆肉,但有一點真係要贊的,大骨肉煮得好腍好腍,但豬皮還保留些彈性,跟住就試一啖個湯喇,雖然無想象的好,因藥材味唔算重,反而肉味較濃,而且都有些膠質

    呢條大骨係咪好大呢?如果想試試就要早些去,因數量有限的

    排骨肉丸肉骨茶:枝竹好入味啊

    豬什肉骨茶:喜歡食內臟的就一定喜歡

    記得加速埋d油條,會有意想不到的收獲架

    醬油
    食飽後就先去義香買手信

    我們買了些餅及麻油,之後即刻出發去北海車站買票,因為一連幾日係假期關系,所以一定要預早買定

    這車站能買到好多地方的直通車票,而我們係買去紅土坎(Lumut)的車票


    原來隔離有條火車軌的,當然要影相留念啦
    之後就出發去甘文丁歎野生河鮮午餐,不過都要成個鐘車程,轉眼間就到達了,其實這裡亦係一個果園,不過可惜今日無人黎賣生果......,因為見到好多榴槤樹啊

    如果現在跌幾粒落黎就好喇,等我品嘗下係咪靚品種嘛

    大樹菠蘿

    今次係第二次黎,這裡出名食野生魚或野味的,價錢又唔貴

    四周環境非常大自然,所以胃口都會好d架

    大既榴槤就拾唔到,但竟然有些榴槤bb跌左落黎,都幾得意

    我們見到魚塘都幾多魚,所以買了一包飼料去喂,但竟然吸引了很多塘虱游上黎搶食
    牠們開完餐後,係時候到我們點菜喇,其實在喂魚其間,老闆娘不停打電話幫我問問有否捉到野生筍殼魚及田雞,但現在野生筍殼魚已經很少很少了,好彩有田雞,都算好過無啦,然後就點了三味甘鳳魚、清蒸白鬚公、白蘭士蒸田雞、藥膳水魚煲、薑蔥炒黃猄、鐵板豆腐、清炒通菜、鹹魚炒芽菜、清炒菜膽、夏枯草涼茶,埋單RM166蚊.

  • Dusty 2011-6-12 02:09:13
    26#

    2011吉隆坡(留有污點)、檳城、怡保9天歎美食之旅day3


    夏枯草涼茶:天氣咁熱,當然要飲下涼茶啦

    三味甘鳳魚:這條魚係老婆非常掛念的,外面炸得超脆,但內裡既肉質還很鮮嫩,醬汁又配合得好,混合鹹、甜、酸、小辣於一齊,真係超級美味呢

    清蒸白鬚公:白鬚公都唔差,絕無泥味,肉質較嫩滑

    睇下d牙幾咁恐怖......

    白蘭士蒸田雞:田雞清蒸就食得多,但竟然用白蘭士的還是第一次,味道是否會好怪架?原來係好正架,一點都無白蘭士獨有的味道,原來先把白蘭士煮熱,等田雞蒸好後就淋上面,雖然係野生的,田雞肉極之白雪雪,肉質一點都唔韌,但又沒有口感的囉,但整體唔錯的

    藥膳野生水魚煲:聽老闆娘講,這隻水魚體積好大下,因為馬來西亞冇冬天的,所以唔會有冬眠架,這煲湯唔係我誇獎,真係好甜架,水魚肉質好腍下,睇下個裙邊幾咁厚,骨膠原萬歲

    薑蔥炒黃猄:我都係第一次食咋,老闆娘話今早獵人在山上殺的,推薦我們一定要試試,反正價錢又唔貴,所以試試無妨,賣相很似牛肉,但肉質非常嫩的,估唔到咁好味的

    鐵板豆腐:很普通的玉子豆腐,還以為係山水豆腐添

    鹹魚炒芽菜:我發覺檳城一帶的食店都係炒得較生的,所以咬落特別有口感

    清炒菜膽:這裡的菜膽很甜很甜,所以各團友都特別欣賞

    清炒通菜:普普通通

    咁又一餐了

    單據
    食飽後就返回檳城,在車上訓了一陣,我們下午的行程主要係遊覽浮羅山,其實浮羅山一帶係出產優質榴槤的地方,四周都有榴槤樹,其中D24、D604、貓山王、紅蝦等等,不過D24要七月至九月其間才有得品嘗,我們當然要去品嘗下啦

    見到這個廣告牌,就知有靚榴槤賣啦

    睇下幾咁多榴槤,點解我同老婆都對馬來西亞的榴槤情有獨鍾?當你有機會試過後,就會知道泰國品種完全可以行埋一便,加上馬來西亞的榴槤係完全熟透後,從樹掉落黎才拿去市場賣的,我們今次買的係D604品種,這粒賣rm36蚊

    D604品種都係有名的,味道濃得黎很清甜,完全唔帶苦的,外層較乾身及粒核好細,很滿足啊

    呢枝係乜?係鮮搾的豆蔻汁,唔係好多地方能飲到,味道清新得黎帶點澀,但很好飲的

    老闆在這裡亦有個小型動物園,特別係d火雞叫得好古怪架,我們都被嚇親

    我們在浮羅山頂望出去的景物都幾靚,特別係個海灘

    跟住黎到這間叻沙店,唔講唔知原來這店係檳城第一間叻沙店

    但我發覺點解浮羅山另一間會咁多人幫襯,這間就較冷清,魚肉煲得唔夠幼細、味道唔夠另一間的好......
    我們繼續上路

    可可豆

    這個就係新鮮的豆蔻




    [ 本帖最後由 Dusty 於 2011-6-12 02:11 編輯 ]

  • Dusty 2011-6-12 02:11:35
    27#

    2011吉隆坡(留有污點)、檳城、怡保9天歎美食之旅day3

    途經一個果園



    新鮮樹上的馬拉話(打粒)都係第一次見

    芒果冰

    鮮搾番石榴汁

    飲完杯飲品就有些急急地,但發覺這洗手間很開放式的,邊望住靚景邊小便,特別暢快

    然後我們就落了山,去到另一邊

    不過沙灘的水質較差,過了幾間近海的酒店後,就到達這個舊區,點解黎呢度?因為這裡有間比多春更好味的麵包店

    奶油加央麵包:這裡的麵包比多春的好,大家記住我係指麵包的質素,我覺得似香港舊式冰室果些,麵包亦很軟熟,但加央甜了些

    這個係焊底的

    凍拉茶

    凍咖啡
    食飽後就回酒店休息下,個泳池咁正,唔去游下水咪好浪費囉

    泳池望出去既景色都好迷人架
    玩了一段時間,又係時間出外食晚飯,今晚我們去返北海那邊,坤泰鄉村餐廳,這餐廳食泰國菜及海鮮都幾好的,價錢算實惠

    所以每晚都很多客人架

    睇下隻淡水蝦係咪大得驚人呢?
    揀完海鮮我們就點了清蒸肉蟹、白灼刺螺、泰式蒸淡水蝦、泰式蒸沙白、雞蛋蒸瀨尿蝦、紫菜魚旦湯、泰式鳳爪、臭豆炒蝦、清炒菜膽、蠔油芥蘭、飲料,埋單$rm356蚊.

    清蒸肉蟹:呢隻係海蟹,唔係紅樹林的品種,所以肉質無咁甜,但都多肉的

    這幾隻淡水蝦係叫職員揀的,睇唔睇到頭部特別多膏呢?

    泰式蒸沙白:今次的沙白較細隻,但都幾鮮甜

    泰式蒸淡水蝦:呢個汁係用了酸柑,所以更能帶出蝦的鮮味,睇下幾多膏,正啊

  • Dusty 2011-6-12 02:13:13
    28#

    2011吉隆坡(留有污點)、檳城、怡保9天歎美食之旅day3


    雞蛋蒸瀨尿蝦:咁新鮮的瀨尿蝦點煮都好味的啦,但雞蛋就無乜特別味道

    紫菜魚旦湯:d魚旦又係好彈牙架,彈到你唔信啊

    臭豆炒蝦:很有益的臭豆,所以搶住食啊

    蠔油芥蘭:普普通通

    泰式鳳爪:味道做得出色,雖然超級的辣,辣到我飛起啊,但真的太好味

    清炒菜膽:菜膽很爽口

    白灼刺螺:普通螺的味道

    之後回酒店,途經檳榔嶼一帶的建築物,晚上原來咁靚的

  • Dusty 2011-6-14 22:53:13
    29#

    2011吉隆坡(留有污點)、檳城、怡保9天歎美食之旅day4

    今天好早就要起身,因為要去食個早餐後,就要趕去北海車站


    可能還是太早啦,街上都冇咩人


    終於都遇到這些懷舊三輪車喇,這些三輪車通常都周圍走的,邊度多人就會去邊,呢位老闆年齡差唔多70歲架

    老婆話想食印度薄餅,所以就選擇呢間


    呢款係薄了蛋的,所以較香的


    呢款係乜都無加的

    咖哩醬


    我就點了車仔檔的福建麵,蝦膏味都幾濃架,正


    鹵麵:其實同撈麵差唔多,d湯汁好杰的,但就無滷水味既,都幾得意的


    拉茶:得個甜字,茶味唔夠濃
    食飽後就出發去北海車站,我們搭9點鐘的直通車去怡保
    紅土坎(Lumut),車程大概三個小時


    架旅遊巴都算幾新,冷氣又夠


    轉眼間就到達

    紅土坎車站,真係個個簡陋的車站


    之後老婆去斜對方的邦喀島辦公室,其實唔一定要去的,但去了就有架車黎張我們行李送上船上,免得周街拖住行咁麻煩


    呢個車站簡直係惡夢的起點,真係激死人,呢度有車去怡保的,車程大概45分鐘,但......留待明天再講
    然後我們行去碼頭方向,那邊好似很旺


    懷舊小食,細個時經常買黎食的


    行行下見到KFC,他們又話肚餓喎,反正還有時間


    炸薯仔


    我唔知係咩套餐,我亦無胃口食


    食飽後就出發去碼頭


    但原來島上酒店係未包船票的,來回rm19蚊一個人


    其實都幾多遊客入島,大部份都係團多


    船程大概半小時就到邦喀島(幸福島)喇


    一到酒店大堂就見到有職員唱歌歡迎我們,很好feel啊


    島上的地圖

  • Dusty 2011-6-14 22:54:36
    30#

    2011吉隆坡(留有污點)、檳城、怡保9天歎美食之旅day4


    咁0岩見到渣打信用卡都做緊優惠,住三日二夜只需RM400,真係超抵啦
    我們住465房


    有個小露台


    我們房係對海的,望出去的景色唔錯啊


    酒店提供的康樂設施,不過有些係要收費,打乒乓波就免費既


    呢些孔雀周圍都見到,又唔太怕人

    又係猴子,見親牠們都係偷野......


    島上的水質一般般

    但d沙都幾幼滑

    還有很多細細隻的蜆


    老婆乘風破浪中,我都係唔阻住她喇


    島上有唔小水上活動


    我都係在泳池玩玩算了

    另一個泳池


    呢度的孔雀很大方的,經常表演孔雀開屏架

    亦有情侶選擇訓地下

    亦有人喜歡爬下樹

    這幾間獨立屋好貴架,普通遊客不能進入的......

    好可愛的大咀烏啊,島上有很多很多

    呢些就較平的,園景房

    島上都有蜥蜴的

    睇見咁多大咀烏開餐,就知我們都一樣夠鐘食晚餐喇

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.