我的收藏
版主
申請
開區
申請

[遊記] 2011吉隆坡、檳城、怡保9天歎美食之旅全卷完(超多相)

  • Dusty 2011-6-14 22:55:31
    31#

    2011吉隆坡(留有污點)、檳城、怡保9天歎美食之旅day4

    今晚係bbq主題,好似逢星期六才會有的,餐檯在泳池邊,入黑後還有職員出黎唱歌助慶的



  • Dusty 2011-6-14 22:56:33
    32#

    2011吉隆坡(留有污點)、檳城、怡保9天歎美食之旅day4

    食物選擇都幾多,總之一定食到你飽hahaaaaa,我都唔得閒介紹啊

    島上的環境很浪漫的,所以影張相都特別恩愛架hahahaaa

    晚上沙灘好似都有遊戲玩

    今晚我們都訂了做SPA,因為他們竟然在做優惠,每人只需RM100蚊(但必須二人同行,包括按腳、按摩、facial(做足兩小時),嗚謝師兄贊助我RM50蚊.heehee
    我們係時候舒服下喇

    晚上酒吧區繼續有唱歌表演的

  • Fantasy 2011-6-14 23:59:51
    33#

    日落好靚, 行程豐富, 多謝分享!!

  • diydiy 2011-6-15 14:09:03
    34#

    日落相好正,   d 食物引死人啦.

  • Dusty 2011-6-17 00:05:51
    35#

    謝謝你們捧場啊

  • Dusty 2011-6-19 18:00:31
    36#

    2011吉隆坡(留有污點)、檳城、怡保9天歎美食之旅day5

    今日訓醒後,就落去食個自助早餐先


    估唔到早餐都咁豐富的,都幾意外下,質素還可以啊
    食飽後就在酒店四周影下相


    玩到下午12點就先去搞check out手續,然後安心慢慢食午餐,當然自費的啦

    我們點了芒果汁、薑啤、鮮搾西瓜汁、Malaysian Sasi、Pangkor Nasi Goreng、Hot Dog Wrappers、Pacipic Burger,埋單$RM145蚊.

    芒果汁


    薑啤


    鮮搾西瓜汁


    Malaysian Sasi:串燒同米漿飯


    Pangkor Nasi Goreng:無試


    Hot Dog Wrappers:熱狗夠晒份量,d醬又醒胃


    Pacipic Burger:無試


    單據
    我們下午兩點鐘去碼頭


    幸福島再見喇,這個島給我的印象很好,加上價錢很優惠、職員很熱誠,有機會一定會再黎的
    之後就到惡夢的開始喇

  • Dusty 2011-6-19 18:01:35
    37#

    2011吉隆坡(留有污點)、檳城、怡保9天歎美食之旅day5


    我們去返紅土坎車站,其實這車站有兩架車去怡保的,跟住就問個職員啦,但十問九唔應,唔知係咪唔識英文啦,我地話這車是否直通車去怡保的,但職員無回答,只是給了四張車票我們,但我都估唔到去怡保的公車原來都係在這裡,但當然我們見到架車後,就覺得唔對路,車身很殘舊、冷氣又弱都算啦,本來去怡保的車程係大概45分鐘,但這架公車就不停在區內上落客,最後足足用了三個半小時,我老婆就這樣焗到病了,所以唔好慳些小錢,因為的士都只是幾十蚊馬幣......
    經過由香港飛吉隆坡的時間就到了怡保酒店,我們辦妥手續後就即刻去火車站


    酒店四周環境


    不知名建築物


    呢個才是火車站


    我們買了下午13:50特快車,停的站較少,早上還有一架係點對點的直達火車,


    我們遇到這個華人的士,原來檳城到怡保的士他收RM210蚊一程,亦可以怡保到KL的,之後我們回老黃食晚餐,亦問了他老黃同安記那間好味些,他話一定係老黃

    很快地到了老黃,已經人山人海了,好彩等了一陣就有位,同埋有樣野幾搞笑的,就係本地人唔會搭檯的,我們點了芽菜雞、玻璃雞腳、河粉、凍羅漢果水,埋單$RM45蚊.

    d雞密密上,賣得好快


    呢位師父斬雞都斬到氣咳啊


    芽菜:怡保的芽菜係特別肥大的,因為水質很好,咬落多汁之餘還很爽口架

  • Dusty 2011-6-19 18:02:26
    38#

    2011吉隆坡(留有污點)、檳城、怡保9天歎美食之旅day5


    鬍鬚雞:這店係用鬍鬚雞,香港百佳都引入這品種了,但肉質確係很滑,同埋煮的時間很準,剛剛熟就拿起浸落冰水,所以雞的每部位都很嫩滑,很高興水準無下降

    玻璃雞腳:味道好似泰式的做法,但我估唔到會有驚喜,每種味道都非常凸出,每個味道都很分明,雞腳又夠凍,食得很過癮,最衰係切得較碎


    怡保的河粉出晒名係滑及很有彈性,因為水質好及製造河粉的過程中會混入薯粉的


    凍羅漢果水:好濃味

    賣粽既都咁好生意


    食飽後買了粒打門柚返酒店慢慢歎,不過我們先去酒店附近的商場行下先,商場很大,反正晚上無野做,行完後再去附近的糖水街食宵夜


    怡保人應該都喜歡食宵夜的,又係人山人海


    亞參叻沙:無試


    瓦煲老鼠粉:老婆話好味


    豬腸粥:非常唔好食,豬腸炸到鬼咁硬,莫非這地方興這樣食的?我就唔識欣賞喇,食飽後回酒店休息

  • Dusty 2011-6-23 11:48:32
    39#

    2011吉隆坡(留有污點)、檳城、怡保9天歎美食之旅day6

    今日訓醒後就落去食早餐,其實主要想影相多些!


    雖然睇落選擇唔多,但這酒店只係三星,加上係怡保的關系,有早餐送算係幾好喇,不過怡保咁多美食,當然出外搵食更好啦

    昨晚去的百盛商場,很大型的,酒店行過去亦近

    怡保早上條街無乜人的,非常寧靜,感覺很特別,好似得返我們幾個人咁

    我們第一站係新泉芳咖哩麵茶餐廳,這店人氣非常旺的

    估唔到睇落簡簡單單幾樣食物,但已可以咁出名、咁有人氣

    咁早店裡已坐滿晒人,我地都要等位啊,

    價錢非常實惠
    我睇其他人都係這樣一set套餐,不論幾多人,我們四個人就四碗咖哩麵及一碗雜錦食物,連飲品埋單rm40.8蚊

    我們足足等了十五分鐘以上才有得食,效率非常慢,我睇其他人都係這樣一set套餐,不論幾多人,我們四個人就四碗咖哩麵及一碗雜錦食物

    裡面有蝦、滷肉、豬皮、燒肉、叉燒、雞、芽菜等等,雖然切到細細舊,但份量好多,隔離檯得兩個人都唔知點食得晒......

    呢碗咖哩汁係用黎配雜錦的

    咖哩麵:咖哩味超香濃,濃得黎很順喉,但唔辣的,我感受到老闆的心機、對食材的要求,無論幾多人在等,他亦好用心煮一碗麵,我邊食邊看著他們分工合作,老豆煮麵、啊仔負責落單、孫仔就切雜錦食物,所以這碗麵特別有味道的

    豬皮都特別乾淨及靚仔嘻嘻
    食飽後,繼續出發去找尋第二站:傳說中超滑豆腐花

    奇峰就係當地最有名的豆店,早上已有客人專程開車黎買

    又係店子細細,但有豆腐花、豆漿(原味同甜兩種選擇),涼茶
    我們點了豆腐花每碗rm0.9、豆槳rm1.9支

    豆腐花超級滑,滑得有點可怕,順住喉嚨直落架,加上怡保水質咁靚,所以黃豆味道都特濃
    然後向舊街場方向進發

  • Dusty 2011-6-23 11:49:24
    40#

    2011吉隆坡(留有污點)、檳城、怡保9天歎美食之旅day6


    呢隻貓無毛架,好恐怖

    這位伯伯拾紙皮拾到累了

    原路的風景及建築物都好靚

    終於都到了第三站:天津茶室,為的係布丁,要品嘗這布丁一定要早黎,因很快就賣晒,我們點了四個,埋單rm8.8蚊

    布丁係幾滑既,但有個決點......就係太甜了,甜得過了火,所以唔食又無損失既,之後想去埋新源隆茶室,點知遇正休息日,咁祇好回酒店Check Out,然後去火車站

    我們在火車站裡面的餐廳坐底,因為還要等兩小時

    朱古力蛋糕:無試

    咖啡:不過我覺得d的咖啡濃得黎唔香滑的

    我同老婆在火車站裡面影下相打發時間
    唔經唔覺架列車就到達了

    列車裡面的職員,師兄見到靚女就話要同她合照,當然我都要啦!嘻嘻

    車間裡面有電影播放,不過顯示器太細喇,不過要贊下d坐位好闊好舒服,列車又夠定

    洗手間都好乾淨
    大概三小時車程就到達KL火車站

    然後要行好長的路才到達MONORAIL輕軌,因為四周都有工程進行中,所以要繞道

    我們要去Bukit Bintang

  • Dusty 2011-6-23 11:50:35
    41#

    2011吉隆坡(留有污點)、檳城、怡保9天歎美食之旅day6

    話咁快就到喇,站與站之間相隔很近,我地先去SKY酒店先Check In先,然後四圍走走,在這站前面路口轉左

    這街一直行到尾

    到了紅色建築物就轉左入去就到達,

    我們先在這裡休息下,順便食個下午茶,不過我就無乜胃口


    之後四圍行下商場


    行到咁上下就去亞羅街食晚餐

    雖然條街花多眼亂,不過我們目標係明記燒魚應,還認識了明記葛文輝,因為他樣子好似葛文輝的,不過係瘦版,又係好多野講的
    我們點了清炒花甲、清炒菜膽、清炒西蘭花、燒魔鬼魚、燒鱸魚、椒鹽鮮魷、河粉、飲品,埋單$rm唔記得,因為老婆及我唔舒服


    清炒花甲:d肉都幾鮮甜,炒得剛剛好

    清炒菜膽:菜膽好爽脆

    清炒西蘭花:一般

    燒魔鬼魚:呢個係必食的,燒得比KK好,外脆內嫩,真的要贊贊

    燒鱸魚:肉質較一般

    椒鹽鮮魷:味道一般、厚粉、失望

    河粉k既

    食飽後就搭車去雙子塔影相

    行了一陣又回阿羅街食榴槤,我們經瘦版葛文輝介紹下,認識了這檔老闆,他亦係非常健談的,同埋聽講這條街都有d榴槤檔不老實,把第二種榴槤當貓山王賣給遊客的

    先保留老闆的神祕面紗先

    我手持的就係正宗貓山王,rm96蚊粒,係咪覺得好貴?食過你就知係值得

    貓山王:榴槤味很濃,濃得很霸道而帶苦,但你咬第一口時,心會想(點解會咁好味架?),師兄係完全唔食榴槤的,但都一試難忘,竟然愛上馬來西亞的品種,他話點解泰國品種會很臭的,但呢度的無......

    d核幾咁細粒,我們帶著滿足的心情回酒店休息

  • Dusty 2011-6-27 00:41:11
    42#

    2011吉隆坡(留有污點)、檳城、怡保9天歎美食之旅day7

    今早訓醒後就先去食個美味早餐先,本來今日行程係去巴生港歎肉骨茶的,但我們身體狀態麻麻地及朋友話肉骨茶唔需要去到巴生咁遠架,近近地都有一間很正宗的

    呢度叫十號胡同,係蔡瀾做生招牌的,裡面有不同的老字號美食的Food Court

    如果講KL的肉骨茶,相信這間係最正宗的,如果試過毛山肉骨茶的話,就知新峰果些可以行埋一便

    我們點了兩個C套餐(大骨肉骨茶),埋單$rm41.75蚊

    見到這個鍋,就聯想到d肉汁係幾咁濃的

    因為正宗肉骨茶係肉多過湯的,比例相差很大,所以d湯係好矜貴

    菜心:無特別

    豆卜:豆卜帶有藥材味,唔錯

    一碗肉骨茶的份量唔算大
    大骨的肉質還可以,但明顯無康乃馨的好

    睇下d少幾咁少,但絕對係精華所在,藥材味濃得黎不會覺得苦,非常順喉,這個湯的層次感好過晒我之前試過的食店,我們每人都非常滿意

    單據

    其實還有很多老字號食店,這裡亦係我們這幾日食早餐的好地方

    因為天氣大熱喇,所以羅漢果係最好的

    單據
    食飽後我就同師兄分開幾小時,因為師妹今日就要先回港,反正師兄又無興趣去海族館既
    我們搭MONORAIL輕軌去雙子塔,不過唔係直接去得到的,落車後大概行十五分鐘路程

    路經這個旅遊局,隔離有間警察局的,專幫遊客落案既,估唔到明天我們都要黎這裡報案......想起都傷心啊

    終於都到雙子塔,熱辣辣行過黎都幾辛苦下,不過為了慳錢無法啦

    雙子塔有隧道過去海洋館,我會有一編係介紹海洋館的

  • Dusty 2011-6-27 00:42:17
    43#

    2011吉隆坡(留有污點)、檳城、怡保9天歎美食之旅day7

    行完海族館後,老婆話肚餓喎!所以去醫肚先

    這間麵包店在KL好出名的,亦要排隊架

    這個麵包最為人氣,總共有三種口味,分別係原味、牛油芝士味、藍草芝士味,三種我們都買齊

    牛油芝士味

    藍草芝士味
    感覺同菠蘿包有點相似,但因為剛出爐的,所以非常好味

    跟住繼續在商場裡面的Food Court食野

    我們選擇了怡保河粉店,點了

    魚旦牛丸河:魚旦又係好鬼彈性架,牛丸牛味十足,但口感一般

    大蝦雞絲河:無試
    之後同師兄會合,出發去時代廣場

    商場很大,但有些舊,無乜特別

    裡面有個大型機動遊戲玩

    呢個係燕美路食街,但原來無乜特別的,所以無需特地過黎
    我們都係去返亞羅街搵食

    今晚黃亞華有開檔喇,即刻買三隻的雞翼試下先

    雞翼:黃亞華名氣雖然很大,但我覺得無咩特別,炭味很濃囉hahahaaaa

    因為明記休息一天,所以去了新翠園酒家試試,我們點了蒜香炒蜆、沙嗲串燒、清炒菜膽、蜜汁炒魷魚仔、蒜蓉炒通菜、湯河粉、飲品,埋單$rm86蚊.

    蜜汁炒魷魚仔

    蒜蓉炒通菜

    蒜香炒蜆

    清炒菜膽

    沙嗲串燒

    湯河粉

    搾碎桔仔冰

    可樂


    之後又係去品嘗榴槤heehee,今次要試下紅蝦品種,又係很出名架




    今次決定買兩個,價錢RM34蚊,因為師兄突然愛上了......



    核有大有細



    隔離有檔賣豆腐花的,豆味濃,但口感唔夠滑
    之後回酒店休息喇


    [ 本帖最後由 Dusty 於 2011-6-28 22:00 編輯 ]

  • benteng 2011-6-27 11:32:26
    44#

    要去報警, 俾電單車黨搶野呀?
    聽過幾次話係吉隆坡俾電單車黨搶野.

  • Dusty 2011-6-27 19:15:59
    45#

    原帖由 benteng 於 2011-6-27 11:32 發表
    要去報警, 俾電單車黨搶野呀?
    聽過幾次話係吉隆坡俾電單車黨搶野.
    今次唔好彩發生在我身上,被搶了相機啊

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.