我的收藏
版主
申請
開區
申請
0952656523
加入日期:2010-4-20
流動積分:351
查看 43226 回覆 115
按讚 0 按彈 0

某年某月某日,我老豆叫我試下考海關。(已更新為第二章)

2011-9-30 14:03:50
  • 某年某月某日,我老豆叫我試下考海關。當時我同呢度好多人一樣,成日上嚟睇又唔回貼,一係就問一d奇怪既問題,又成日等出結果,等下等下,咁就等左一年,係呢一年裡面,我話過,如果我考到海關既話,一定會出一個帖,話比大家聽個過程係點,等以後想考海關既人可以有個心理準備同清楚個過程,我唔敢擔保年年都一樣,所以大家就當係一個參考就算。下面就廢話多多,大家就比心機當故仔咁睇下。

    第一章: 關關難過關關過??

    考海關第一步當然係報名先,報完名之後就等一個月左右,就會出一份臨時名單,臨時名單出左之後,如果你之前有咩未交齊就好快d交,交齊嘢既人就等佢出確定名單,確定名單出左之後,就可以去佢既身體檢查,如果你係太深近視,色盲,太肥太瘦(完全唔岩標準個隻)就唔洗諗,除非你想呃人,帶矯視con,又或者去做激光矯視。


    如果你過左呢一關既話,你就可以開始準備下一個階段------體能考試。如果你本身就唔做運動,想通過短時間既練習過呢一關既話,真係有難度,除非你好有練武天份,如果唔係我都係勸你越早練習越好,練習既重點不外手腳腰,有多餘錢既咪去健身中心練,想慳既話,就唯有靠自己,手:真係舉多d啞鈴,做多d掌上壓,盡量做到心口貼地,重質不重量,做標準d,唔好呃自己,以為自己做左好多下。腳:水塘係一個好好既練習場地,跑到12-13分鐘一個圈既話應該都可以pass個長跑考試,而短跑就可以去鴨涌河公園個條斜路度跑,你只要盡全力係咁向上跑,跑完行返落嚟,再跑過,咁就ok,ps:短跑好難係短時間練出嚟,一定要兩三個月先會有效。腰:呢一方面就唯有死做sit up,每日加幾下好快就可以練到。(小記:我當日考試好多人著到成個運動健將咁,但最後都冇再見到個d人,佢地體能真係好fit,但係唔知係邊一part就比人踢左出嚟。)

    接住落嚟就係筆試部份。自己幾多斤兩自己知,數學方面:範圍就係初中加高中既數學,咩題都有可能出,我個陣就出左初中既聯立方程同幾何,仲有線性方程同概率,基本上唔會話好難。英文:我個陣就係100題multiple choice,頭50題我都知道做緊咩,之後個50題完全唔知自己做緊乜。中文:比個題目你作一篇文。通識方面:如果你係通識白痴,我建議你開維基百科打澳門兩個字,同中國兩個字,之後係入面睇齊佢既條文,應該可以幫到你,記住睇多d報紙,留意多d新聞時事之類。

    跟住就係心理筆試,完全冇咩好講,只可以話考之前個一晚一定要有充足既睡眠,以最清醒既頭腦去面對,因為佢考個d好多都係推理題,而且係3個鐘做左200題以上。如果本身係返夜班既人就注意下。


    之後就係英文面試,同我面試既係一個鬼佬,你當然係要事先準備好一份英文既自我介紹,大概200字左右就應該ok,背左佢,佢唔一定會問你,起碼問到個陣唔會口啞啞,有野答下,除非你英文又係好好,佢全程都係會用英文同你傾下計,問下你做乜會考呢份工,之前做乜野,依家又做緊乜,平時鐘意玩咩多,有乜興趣咁上下既問題。

    之後就係心理面試,同心理筆試一樣,考之前個一晚一定要有充足既睡眠,以最清醒既頭腦去面對,不過今次唔同既係,多左d姐姐同你傾計,問題都係問下你點解考呢份工,好一般既問題。依呢一關既重點就係機試,唔洗你用筆答,用按鍵既方式嚟答,即係點?你上網搵下d猩猩玩電腦既實驗你就明白曬。

    接住既就係專業面試,同你面試既人至少係督察或以上級數既人,即係咩?即係你第日有幸入到去之後既阿頭,而且高你三四級以上既人,所以一定要尊重人地,最好個日就著整齊既套裝,唔好染到成個金毛飛咁,入去之前記得要敲門,入到去要同人地打個招呼,入面應該得一張椅比你坐,而你係會面對住三個高層,佢地冇叫你坐你唔好冇大冇細咁坐,叫你坐先好坐,而當你坐低個陣一定要有精神,挺直條腰,雙手擺係大腿上面,咁呢個面試就正式開始,簡單既自己介紹就一家要既,至於問咩問題就個個都唔同,上至天文下至地理,都有機會問,我個陣佢就問左我對男女平等有咩睇法,呢d就自己執生,切記一點:千其唔好講大話(ex:我以前寫作文”我的志願”就係海關,所以大個左就要做海關。)同你面試既人起碼做左十幾年,審犯隨時多個你識d朋友仔,你係唔係講緊大話,佢心裡有數。最後走個陣都要記得同人講再見。


    之後就淨低照x光,驗血驗尿呢d,做呢d之前就真係唔好飲酒又或者亂食野,健康少少,唔係為呢個份工,都為你自己身體著想。完左之後就等大概一個半月到兩個月左右咁上下,就會出通知。

    通知上面有你個名可以入去訓練!?千期唔好開心得咁早,因為海關係有淘汰制,你入得去訓練,唔代表你已經成為左海關既一份子,淘汰制又係點?例如佢呢一期收50個人,佢依家收左52個人,收多兩個人入去訓練,而呢兩個人當然係要達到入營既條件先會收,時間飛逝,訓練去到最後,大家都考到99分,唯獨有一個人考到98,而另一個考到97,雖然都係合格兼高分,但係考98同97分呢兩位就要講bye bye,所以入到去唔可以放鬆,比多d心機讀法律,就算唔為分數,為自己著想都好,唔通你想第日比個市民問你憑咩收我d豬肉,你成個呆左企係度?


    後記:我唔係咩勁人,亦唔係咩有勢力人士,我都只係想搵份穩定工作既小市民,呢到我都再講多次,我唔敢講年年都一樣,大家就當呢一份係一個參考,同埋考唔到都唔係一件壞事,外面世界咁大,機會多的是,一定會有更適合你既工作等緊你。如果呢份嘢版主覺得涉及機密等相關問題要刪既話就刪左佢,我冇意見。

    如果呢篇嘢反應好既我就出第二章:入營前需知。


    恭喜哂大家考到,所以不才小弟又出嚟講廢話。上一次既第一章反應都唔錯,故小第再接再厲出第二章:入營前需知---JUST FOR CUSTOM。希望大家係入去前可以清楚少少自己係做緊乜。


    第二章:入營前需知---JUST FOR CUSTOM


    係開始之前,我首先要解答一下好多人心中既疑慮「我考到警察、海關同消防,去邊到好?」如果你係女仔,我會以百分之一千既信心同你講「請揀海關」點解咁講呢?海關係一個好照顧女同事既部門,女仔有好多優惠,第一,俗語有云行船跑馬三分險,海關係要落船,但只限男生,女生係唔需要。第二,女仔好大比例係做寫字樓,即係到時可以返朝九晚五,只有一小部份女仔係需要輪夜。第三,女仔就算要輪夜,返邊度都好,你地返工既地點都絕對係係室內有冷氣既地方。對女仔嚟講,如果你冇乜上進心,只求三餐溫飽,你只需要辛苦半年,就可以享受三十六年。

    至於男仔又點呢?我就冇百分之一千既信心,但都有百分之八十既信心同你講,「揀海關」對男仔嚟講,呢份工唔單止係求溫飽,更可能係用嚟養妻活兒,所以我會詳細少少講一講正反兩面,希望可以幫到你地做一個正確既選擇。

    正面:
    1.      海關相比起其他部安部隊更著重學歷,以我個期為例,6成大學畢業,3        成幾係讀緊大學,剩低既係岩岩高中畢業。
    2.      海關考升職試絕對係比警察好,佢地係會升D有學歷而又比較後生既關員。
    如果你好彩少少,可能做四年就可以升,相反警察係十二年。
    3.      D港珠澳大僑落成之後,一定會再多一個口岸關口,到時又一定需要一批新力軍,以你又有準備好既話,升職既機會就一定會比你捉住。
    4.      海關係一個好有人情味既部門。(點有人情味就要你自己入左嚟之後慢慢體會)
    5.      海關可以學開快艇,揸下大船。(係男人都想學識踩單車,揸私家車,開船同埋揸飛機,係唔係先?)
    6.      有時見到交通哥哥大熱天時係條馬路度指揮交通,吹雞吹到冇力吹,真係好慘架!海關唔係冇機會咁辛苦,只係相對比較少。

    負面:
    1.      話就話升職比較著重學歷,但係唔排除有契仔文化存在。
    2.      話就話升後生仔,但你如果係後生果陣升唔到,咁你以後都唔洗旨意升,到時新生代個個平均係碩士,你點同人爭。
    3.      行船跑馬三分險,落船如終都有危險性,欺山就莫欺水,落船出意外既事都唔少。
    4.      海關係有企街,不過就比警察特別,因為係守係山卡拉既地方,基本上係以防止偷渡客嚟澳門觀光為目的,係個D叫天不聞叫地不應既地方,你想食飯搵廁所,有一定既難度,因為個D地方平時連人影都唔多個,夏天你要忍受酷熱既攻擊,躲避大雨對你無情既掃射,防禦白紋伊蚊既自殺式攻擊。而係冬天,你只需要抵擋冷鋒來襲便可。(女仔可以放心,因為你地係唔洗出街。)

    要講既都講完,希望可以幫到大家做一個正確既選擇,以上講既只係我個人既睇法,又或者你到時入左嚟海關之後,又會有另一種睇法都唔定。今晚就打住咁多先。反應OK既話,就出第三章:入營全攻略。

    [ 本帖最後由 0952656523 於 2011-11-16 05:53 編輯 ]

    0 0
  • ckml 2011-10-1 15:02:36
    推薦

    勁呀   讚讚讚讚讚讚讚讚

  • 勁戰兄 2011-9-30 15:27:09
    2#

    師兄我給你一個讚!

  • Romeo8C 2011-9-30 15:41:31
    3#

    樓主有心!讚

  • glowquill86 2011-9-30 15:44:39
    4#

    好詳細....

  • mimimix 2011-9-30 17:21:21
    5#

    能寫這麼詳細,一定很有感受,支持有心人!

  • figure111 2011-9-30 17:42:54
    6#

    睇快D出下集,入營須知

  • Existing..Kaud! 2011-9-30 18:03:34
    7#

    Thank you so much... So detail~

  • figure111 2011-9-30 20:08:45
    8#

    台主呢篇野意義重大,因為會留傳後世...

  • manloklok 2011-9-30 20:17:46
    9#

    很有誠意,很有步驟,文筆通順,給你一百個讚。

  • panknyou 2011-10-1 17:41:05
    11#

    你篇野實在太好啦~
    講出晒每個考過海關既人既經歷...
    唔支持唔得啦!

  • pkkick 2011-10-1 18:17:43
    12#

    你係11年ge?

  • Akanishi 2011-10-1 18:54:21
    13#

    樓主有心!讚

  • 藍鯺吞拿魚 2011-10-1 20:56:31
    14#

    詳細 辛苦曬樓主

  • 草妹 2011-10-1 23:49:04
    15#

    唔該晒你呀!

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.