我的收藏
版主
申請
開區
申請

清邁 + PAI 之 6日6夜 (最後一夜@Sunday Market)

  • Fantasy 2013-2-12 11:35:53
    31#

    bbsuperman2001 發表於 2013-2-7 06:27
    泰北戈邊我吾見議電單車, 因為D景點都好散下, 距離有D遠, 我有次電單車由mea sai去金三角, 成個鐘, 人都 ...

    咁視乎渣電單車係去咩地方者, 如果只係代步, 順便去遊下附近的景點, 咁一定係方便, 下下都私家車反而唔係咁好走添, 走長途的話咪話電單車啦, 私家車都會好累啦, 好似清邁來回 PAI 咁多山路, 踩返轉都咪話係野呀, 但鍾意飛車的人就可能真係想飛番幾轉架!!!

    冇錯, 如果係鍾意玩電單車山路的人可以玩埋回程自駕都得架, 因為 AYA 有個服務係可以清邁 AYA 車站還車, 而行李係幫你車返去清邁, 又真係一個幾有趣的玩意呀!!!

  • Fantasy 2013-2-12 11:40:02
    32#

    bbsuperman2001 發表於 2013-2-7 06:32
    有無去Chiang Rai Sunday market 呀? 真係大到無朋友, 重有Chiang Rai city 機場附近有個Center Plaza shop ...

    我係去 Chiang Rai 一日遊咋, 所以冇機會去夜市, 我知個到有個廣場夜晚燈飾係好靚架, 其實清邁有咁多個夜市都好夠我行啦, 得一個星期, 自由行去唔到太多地方啦, 如果有兩個星期咁就可以更加深度遊啦

  • Fantasy 2013-2-12 11:41:23
    33#

    triptrip 發表於 2013-1-8 12:22
    白廟好靚    廟內工程還末完工..

    係呀, 一場去到清邁, 尼個景點真係必到, 唔去就太遺憾啦

  • Fantasy 2013-2-12 14:04:36
    34#

    Scan 左幾張 PAI 的地圖, 租車, day tour 資料比各位參考下

  • Fantasy 2013-2-17 14:10:42
    35#

    玩完 PAI 之後, 係清邁入住的最後一間酒店 Maninarakorn Hotel, 雖然酒店門口係有中文名, 但從來都唔記得間野叫咩名, 實在太長太唔順口, 似係日本人開的, 周圍都有唔少為日本人而設的店舖, 揀佢主要係因為房幾大間, 仲有個廳, 甲埋有成600尺, 仲有係免費minibar, 所有野任飲任食, 慳返唔少買野飲, 下午有個免費小食位比住客享用. 行去night bazaar都算近, 包早餐連稅只係$300多, 點計都算係住得過, 不過提醒各位訂main building先有電梯 (但就冇免費minibar, 同埋間房冇咁大), 另外個邊就似係apartment格局, 係冇電梯的 (但就係尼邊有免費minibar, 同埋有廳間房大D), 住後感都算不過不失啦, 景觀就冇乜啦, 房就夠晒大, 如果要屈蛇就岩晒, 廰仲有張梳化添. 酒店樓下有好多旅遊活動的店舖, 參加各項活動都算方便, 係到報左個玩ATV的初級班, 可以問佢比discount的.


    酒店位置可參考地圖
    http://www.agoda.com/asia/thailand/chiang_mai/maninarakorn_hotel.html

    由酒店行去weekend market個段路雖然只係往西邊一條直路, 但係都幾長, 好多車, 同埋沿途係完全冇吸引遊客的店舖, 無論係買野或係食野都完全欠奉, 又冇其他住宿, 全完唔係遊客有興趣的區域, 所以如果係行去weekend market個邊就要有點耐性. 但行另一邊往東去night bazaar方向就唔同啦, 行冇幾遠就會見到 Imperial Hotel, (係當年鄧麗君曾經長住, 最後因病發係房間意外生亡那間酒店, 現在
    間房已經劃為供住客參觀啦, 附近還有鄧麗君好鍾意食的可樂雞面, 見網上都有唔少台灣人試過話好食, 但去到先知原來間店已經唔係到啦, 問附近舖頭的人唔知話係搬左還是係點, 總之就係失望啦), 不過, 附近一帶都有好多酒店, 就自然有好多野食啦, 仲有SPA, 租車等等

    post D 酒店相比大家參考下

  • galile 2013-2-23 23:26:35
    36#

    多謝分享

  • moniechoi 2013-2-25 22:13:49
    37#

    上年2月頭去左清邁 ,PAI...
    PAI...真係好正,好想再去.....!!不過由清邁坐去PAI戈程車都好辛苦....HAHA

  • Fantasy 2013-2-27 11:12:50
    38#

    moniechoi 發表於 2013-2-25 22:13
    上年2月頭去左清邁 ,PAI...
    PAI...真係好正,好想再去.....!!不過由清邁坐去PAI戈程車都好辛苦....HAHA  ...

    我又唔覺得辛苦喎, 雖然都要坐幾粒鐘, 咁咪聽歌訓覺休息下囉, 對比起係澳門坐巴士已經舒服得多啦!

    係澳門坐巴士先叫辛苦呀, 或者係叫迫巴士先岩, 冇位坐都唔好講啦, 就算有位坐, 坐係後排都唔係好自在, 講到車又成日都急停, 行行下直路轉個彎即刻則埋一邊, 唔知係咪D車的問題啦, 所以如果接受得到坐巴士, 坐尼程就一定冇問題啦!!

  • 5MB幾 2013-2-27 13:10:32
    39#

    嘩~好吸引呀!!! 我今年會去泰國9日,打算留4~5日係清邁,夠唔夠呢?

  • moniechoi 2013-2-27 23:54:11
    40#

    我坐長途車ok的,坐車去廣西都5+3小時都試過!可能我會在車上睡覺.但去pai戈程車.戈條山路好多灣,
    定得好勁!把我個人fing來fing去!完全睡唔到!haha...其他一切都ok

  • moniechoi 2013-2-27 23:55:33
    41#

    我坐長途車ok的,坐車去廣西都5+3小時都試過!可能我會在車上睡覺.但去pai戈程車.戈條山路好多灣,
    定得好勁!把我個人fing來fing去!完全睡唔到!haha...其他一切都ok

  • Elfwood 2013-2-28 09:38:32
    42#

    5MB幾 發表於 2013-2-27 13:10
    嘩~好吸引呀!!! 我今年會去泰國9日,打算留4~5日係清邁,夠唔夠呢?

    ok ok !

  • Fantasy 2013-2-28 11:52:17
    43#

    本帖最後由 Fantasy 於 2013-2-28 12:05 編輯

    5MB幾 發表於 2013-2-27 13:10
    嘩~好吸引呀!!! 我今年會去泰國9日,打算留4~5日係清邁,夠唔夠呢?

    難得連大師你都話有興趣喎, 咁我詳細小小介紹下

    如果係以清邁市城區及周邊為住宿據點, 安排幾個 1 DAY / HALF DAY TOUR, 4-5日係可以的

    但如果係想去遠少少的地方, 唔係即日來回的話, 4,5日就唔夠啦, 因為整個清邁府其實係好大, 南北相距都好遠架, 例如搭幾個鐘車去PAI 住一晚就走實唔夠喉啦, 而附近的清萊府和湄宏順府亦都有唔少野玩. 所以, 去泰北就算有兩個星期都可以有大把節目安排到, 而清邁市主要係一個泰北地區的交通樞紐同埋可以體驗泰北的文化中心.

    如果要揀一個地方, 我會推薦位於湄宏順府的 PAI, (都係多得benteng的介紹, 原本係諗住去位於曼谷與清邁之間的素可泰睇遺址), 其實 PAI 以往都吸引好多西方遊客, 只係近年一部泰國電影就吸引了不少泰國人都去玩, 所以係一個近年幾 HIT 的旅遊點, 除左有熱鬧的步行街夜市, 酒吧, 同埋特色咖啡店外, 不同類型的主題GUESTHOUSE其實都好吸引架, 例如有溫泉, 牧場, 歐洲小屋, 泰式小屋, 原始小屋, 花田, 稻田, 河景, 山景, 等等各式其式, 平的由$100唔洗至貴的$1500多蚊的都有, 而且絕對並非貴野先有靚的環境, 例如係淡季大約$300都已經可以住到溫泉RESORT, 住客除左有得浸溫泉, 仲可以自貴玩騎大象, RAFTING, 附近仲係國家公園, 有時間真係可以每間慢慢住, 慢慢享受架.

    而澳門/香港開通直航到清邁, 就係最好的機會去泰北玩, 因為唔洗再經曼谷轉機或搭火車, 碓實慳返唔少時間, 而慳出黎的時間就可以盡量玩清邁以北的景點啦, (所以素可泰遺址亦都可以留番經曼谷去都得啦). 如果你未訂機票, 我會好建議你個9日就直接飛清邁來回, 一來又舒服, 二來又可以係泰北玩盡D, 咁應該更好啦!!

  • Fantasy 2013-2-28 12:04:45
    44#

    moniechoi 發表於 2013-2-27 23:54
    我坐長途車ok的,坐車去廣西都5+3小時都試過!可能我會在車上睡覺.但去pai戈程車.戈條山路好多灣,
    定得好勁 ...

    其實都係一種幾特別的體驗黎架, 我個人都可以接受得到啦, 主要都係入左1095路段之後先多彎, 前半段路都係大直路黎者, 有D人話自駕去仲過隱先, 中途想係邊到停都得, 咁又的確如此, 係尼段1095路自駕係幾有趣, 但係要係咁的路上自駕幾個鐘, 我就會覺得坐車比較適合我, 去到才租電單車輕輕鬆鬆自駕好過啦

  • Elfwood 2013-2-28 12:07:35
    45#

    我覺得由清邁搭夜火車回曼谷係一個非常好玩,刺激、浪漫、探險、獵奇、不可多得的經歷。不過需預訂車票!

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.