我的收藏
版主
申請
開區
申請

清邁 + PAI 之 6日6夜 (最後一夜@Sunday Market)

  • Fantasy 2013-2-28 12:40:55
    46#

    本帖最後由 Fantasy 於 2013-2-28 12:44 編輯

    Elfwood 發表於 2013-2-28 12:07
    我覺得由清邁搭夜火車回曼谷係一個非常好玩,刺激、浪漫、探險、獵奇、不可多得的經歷。不過需預訂車票! ...


    尼段火車的確係好出名的行程, 我純粹以省時同方便的角度黎講, 如果時間唔夠就唔好諗啦, 雖然話通常係搭夜班火車係曼谷出發, 第二日一早到達, 但係聽過到達清邁的時間, 好可能會係原定的遲幾個鐘, 同埋清邁都有好多夜市, 不如將個晚用黎行下夜市, 輕輕鬆鬆休息下, 第二日一早又再玩過都好呀, 就算係JOIN 一日或半日的活動, 有唔少都係要好早起身出發的, 因為路程都遠, 就算係部份活動有分時段的, 例如去森林入邊玩ZIP LINE, 都建議盡量JOIN早段的時間, 因為會冇乜人, 唔洗排隊, 又可以慳番好多時間啦!!

    咁耐冇UPDATE, 順便整兩張相交下貨先...

  • 5MB幾 2013-2-28 15:09:25
    47#

    Fantasy 發表於 2013-2-28 11:52
    難得連大師你都話有興趣喎, 咁我詳細小小介紹下

    如果係以清邁市城區及周邊為住宿據點, 安排幾個 1 DAY /  ...

    嘩~~我邊係D咩大師吖,只係隻冇腳既雀仔
    睇完你D information,想而家即刻飛去清邁!!

  • Fantasy 2013-3-1 02:00:41
    48#

    本帖最後由 Fantasy 於 2013-3-1 02:12 編輯

    5MB幾 發表於 2013-2-28 15:09
    嘩~~我邊係D咩大師吖,只係隻冇腳既雀仔
    睇完你D information,想而家即刻飛去清邁!! ...


    你的旅遊經歷咁豐富, 對我黎講係一位大師黎架啦, 哈哈...

    我覺得清邁係一個好適宜旅居的地方, 洗費又平, 食的野選擇又多, 既可以好好享受一下大自然.

    好似講來講去都係得個平字, 其實都唔係, 唔想平民化, 要高質素的享受也有好多, 其中之一最出名的係清邁文華東方酒店, 一聽掛住尼個名都知係貴野, 洗乜講都知唔會差得多邊啦! 但尼間文華東方的特別之處就並非大家所諗個種普通的金壁輝煌, 因為入到去就有如置身於一間超大的皇宮一樣, 入邊的設計簡直就係一座泰國風的皇宮, 完全係豪嘆的最佳選擇, 就算budget有限, 入去食個brunch, 周圍參觀影下相都係一個唔錯的景點.
    http://www.tripadvisor.com/Hotel_Review-g293917-d503193-Reviews-Mandarin_Oriental_Dhara_Dhevi_Chiang_Mai-Chiang_Mai.html

    其實去一次係唔夠囉, 因為淡季同旺季, 氣候都唔同, 睇的野都會唔同, 同埋仲有兩個大節日, 分別係4月的潑水節同埋11月的水燈節,  既然係咁, 等我再放多d野出黎毒下你先...

    100 Baht a day in Chiang Mai
    http://www.youtube.com/watch?v=LwYQdw96B6A

    Chiang Mai Night Bazaar
    http://www.youtube.com/watch?v=gHI75uAW5t0

    Chiang Mai Temples Discovery
    http://www.youtube.com/watch?v=g1z3wzq9TFA
    http://www.youtube.com/watch?v=TilQ6_NEyXg

    每年11月係清邁舉行, 超盛大的水燈節, 天燈+煙花, 簡直一絕
    http://www.youtube.com/watch?v=mXnSZGQaUx4

    Zip Line in Chiang Mai
    http://www.youtube.com/watch?v=59Dg9dxVONg

    再睇埋 PAI 的住宿, Agoda 係選擇比較多的一個網, 其他網都只係得幾間出名的可以選擇
    http://www.agoda.com/asia/thailand/pai.html


    不如聽下其他人對泰北有咩野講:

    PAI 的自駕遊有乜特別可以聽聽...
    http://www.youtube.com/watch?v=0L48kdEkr48

    電台節目: 戀の風景:泰國清邁 ( 約17:30 開始)
    http://www.youtube.com/watch?v=qoiy_fCWmhc

  • 5MB幾 2013-3-1 12:27:34
    49#

    Fantasy 發表於 2013-3-1 02:00
    你的旅遊經歷咁豐富, 對我黎講係一位大師黎架啦, 哈哈...

    我覺得清邁係一個好適宜旅居的地方, 洗費又平, ...

    thank you ar!! 你D資料好有用!!

  • Fantasy 2013-3-3 11:53:17
    50#

    本帖最後由 Fantasy 於 2013-3-3 11:59 編輯

    由酒店出黎, 大約行15分鐘, 到chiang mai gate, 週未市場就係尼到, 而係chiang mai gate附邊有個好local的市場, 出邊仲有好多野食, 價錢都好平, 叫左個泰式炒河, 之後就入去週未市場, 邊行邊食啦, 入邊非常熱鬧, 好多野賣架, 行左幾個鐘就返酒店休息, 明天一早就出發去玩 atv 啦

    注意: 話明係週未市場, 係星期六先開架咋

    又係ctm upload 的問題, d 相次序要倒轉黎睇, 由尾睇上黎...

  • soapkan@ 2013-3-18 00:16:19
    51#

    去年都去左清邁,睇返你個post發現自己去既地方好少,可能我係淡季去,酒店平到無人有

    係清邁我住@home@chiang Mai,一晚hkd170,無早餐,係河邊,交通都幾方便

    在pai就住pai island resort, hkd550一晚住honeymoon suite, 連早餐,呢間酒店好正,渡蜜月一流,有戶外spa同tube,好得意,又新又靚

  • Fantasy 2013-4-11 18:11:09
    52#

    soapkan@ 發表於 2013-3-18 00:16
    去年都去左清邁,睇返你個post發現自己去既地方好少,可能我係淡季去,酒店平到無人有

    係清邁我住@home@ch ...

    係呀, 淡季去酒店真係好低住, 百幾蚊都已經唔錯啦, 但旺季尤其是PAI, 差唔多一個DOUBLE架

  • Fantasy 2013-4-11 18:24:05
    53#

    本帖最後由 Fantasy 於 2013-4-11 18:43 編輯

    久遺了的清邁遊記, 趁今日中午落雨冇出外用餐, 整理幾張相後, 繼續介紹餘下行程!!

    進入第6天, 早上的活動就是玩ATV車, 我們參加的係初級ATV, 見CATALOG影的相都係好HEA咁玩, 而價錢亦都係最平的, 大約中午玩完, 所以冇包午餐. 7:45係酒店大堂等車黎接送, 點知等了又等, 只見接其他人客的車就有好多, 但冇一架車係接我地的, 過鐘好耐都未見, 打電話去問幾時黎啦, 點知原來話原本個FULL左, 幫我改左第二間ATV公司, 仲話尼個係最好的, 時間好似係8:30, 仲話留左紙條比酒店, 酒店都冇比我, 點知喎!

    結果又係等到過晒時間都未到, 打電話去又再催過, 最終9:10車先黎到, 接埋其餘遊客, 大約10:10到達營地, 進行講解. 發現在場有幾個人都應該同我一樣, 原本係中午玩完, 結果被賣到尼到, 又遲左咁耐, 同個教練講要趕下午的飛機, 一定要準時返到去, 而教練都應承話冇問題. 後來先知尼個唔係初級ATV, 係極限級的Extreme ATV, 原來前邊個大 X 唔係嚇人架, 係真架, 我的第一次就獻給了EXTREME ATV, 會唔會激左D呢....

    睇下D相, 都知道尼個EXTREME ATV真係非常刺激架, 其實還有好多有危險性的位係冇影到, 例如有唔少要沖行先上到的大斜坡, 行到前邊轉埋低波都根本係完全上唔到架; 亦有D係要渣實個BREAK都會流落去的大落坡, 側邊係冇路, 只係有D樹檔住, 一個唔小心真係會碌落去架, 所以當時都咪掛住影啦, 安全至上呀~~

    玩到中途, 個班要趕飛機的遊客就同教練講話真係要走先啦, 咁有即刻安排行另一條路走, 送返去酒店先, 結果剩返大約5,6個人係到, 之後都玩得快好多呀~~

    本來諗住中午就可以玩完, 結果玩到成2PM先返到營地, 連中午都冇得食, 返埋酒店都3點啦, 結果都係酒店附近解決了午餐先, 原本還打算下午去文華東方酒店食個TEA, 點知都去唔到啦~~

    本來DELAY咁耐, 真係好激氣, 不過個PLAN都已經免費升級, 玩完之後都算係幾滿意就算數啦~~

    最後, 剪輯左一條精華短片比係活動中認識, 來自以色列的隊友, 順便同各位分享, 講開又講, 都有唔少以色列遊客呵~~
    http://www.youtube.com/watch?v=rtrOpvTff6U

  • syncmc 2013-4-18 23:19:53
    54#

    Thank for sharing 心郁郁想去行去,淨清邁會不會悶?

  • Fantasy 2013-4-19 18:21:07
    55#

    我就咁話唔會悶可能冇乜說服力, 咁不如你睇完之後話我知啦!!

    清邁可以講係動靜皆宜, 鍾意好動的朋友, 有超多的活動可以玩, 水陸空都有齊, 例如ATV, 激流, Zip-Line (Jungle Flight 森林飛人), 穿越森林河流騎大象, 大象保育體驗營(幫大象洗白白一齊玩), 瑜伽, 泰拳, 射擊, Bungy Jump, 滑翔機, 熱氣球(相信而家好多人唔敢玩), 等等...

    而鍾意觀光的朋友, 可以參加清邁的文化活動, 例如超多的特式寺廟參觀, 泰北也是泰國小數民族的聚居地, 可以參觀好多不同的文化村, 而因地理位置的關係, 亦可以到達鄰近的國家, 遊覽國家公園, 河流, 瀑布, 溫泉等, 而清邁的氣候很好, 適合種植, 所以可以去不同的花果園參觀等等..

    對於好靜的朋友, 可以選擇離清邁市區不遠的酒店好好休息, 泰國多特色主題酒店就唔洗多講, 而清邁由於地理關係, 離開市區的酒店就可以利用環境優勢, 格局上有不少都係別具一格, 例如房間係對住令人心曠神怡的稻田, 可以與大自然零距離的私家浴室, 好似一間泰式皇宮的酒店等等, 設施應有盡有就不在話, 當然離不開做個SPA & MASSAGE啦!!

    幾日流流長, 留係酒店想有些少活動亦都好簡單, 清邁有好多專為遊客而設的COURSE, 例如語言學校, 想學泰文學英文一樣得, 最受歡迎的當然係學煮泰菜啦, 因為好多泰北的廚藝學校都幾得意, 會帶學員去市場選食材, 甚至有機會係廚藝學校的後園摘新鮮的材料, 如香料, 擔心溝通有問題還可以揀以中文教授的班! 講到食, 當然離不開到處品嚐美食, 清邁有好多咖啡店, 甜品店, 還有好多街頭小食, 只怕唔夠時間周圍去試咋~~

    日頭未玩夠仲可以夜晚繼續, 清邁有幾個夜市, 可以邊食邊買邊按摩都得, 仲未夠咁不如去酒吧區搵間岩自己的酒吧, 飲番杯都唔錯架!! 有咁多好節目, 相信都唔係去塔佩門間24小時M記啦, 如果係一個人冇地方好去, 都可以係到坐下打等, 同其他遊客SAY 個HI, 事實上, 清邁周圍都係遊客, 周圍都可以好容易咁同身邊的人開始起話題, 無論係搭車, JOIN TOUR, 餐飲地方等等, 比起泰國其他地方感覺更親切啊~~

  • Fantasy 2013-4-26 19:28:31
    56#

    本帖最後由 Fantasy 於 2013-4-30 11:23 編輯

    *** ctm upload 的問題, d 相次序要倒轉黎睇, 由尾睇上黎...****


    上回講到玩完ATV之後返酒店, 去到就見到去報ATV間舖頭的老闆娘, 仲問好唔好玩, 雖然係DELAY左又冇通知我, 不過見玩完都可以收貨, 又咁有誠意, 就順便問問 Jungle Flight 睇下岩唔岩時間, 係最後一日的早上玩埋佢, 結果係幾間公司之中, 揀選了 Eagle Track, 因為頭班時間的PICK UP TIME比較好, 係7:00-7:30, (Jungle Flight個間頭班玩6:30架), 所以6點左右起身仲可以夠時間食酒店早餐, 中午返到黎酒店仲有大把時間, 搭1650機返澳門, 而且價格亦都幾低, Gold Package, discount 後 2200B, 包來回接送, 午餐, T-Shirt.
    最近其中一份澳門的免費報張都有詳細介紹 Jungle Flight 活動, 有齊三間公司的比較, 所以唔多講, 有興趣CLICK LINK睇下啦
    http://www.exmoo.com/index.php?m=content&c=index&a=show&catid=27&id=17769


    報完之後就出去附近食野, 行去NIGHT BAZAAR方向, 經過沿住 Imperial Hotel 轉彎, 去到 Centara Duangtawan Hotel (ATV其中的以色列團友就係住尼到), 附近還有Le Meridien Hotel, 見到尼到有幾間地道野食好似唔錯, 係街邊檔黎的, 一於就去試下, 叫叫下野食, 個老闆娘竟然同我講廣東話喎, 真係超出奇囉, 佢話尼到好多中國人黎架, 所以講講下就識, 但我好似唔多覺有好多廣東人黎囉, 我諗可能係睇香港的電視電影啦, 佢都話有呀, 廣東話能廣泛流傳真要多得歌影視效應的功勞呀, 野食味錯都唔錯的, 即叫即做好新鮮, 係酒店攞免費的飲品邊食邊飲~~

    之後就行去塔佩門那邊的 SUNDAY MARKET, 亦都應該係清係最大規模的夜市, 必黎囉, 不過只開星期日咋!! 係夜市邊行邊吃邊按摩, 咁就消磨一整晚啦, 最後一晚順便再行下 Night Bazaar, 都冇乜特別, 經過睇下算啦, 早點回酒店, 第日朝早去玩 Eagle Track 啦~~



  • 5MB幾 2013-8-2 13:44:42
    57#

    Fantasy 發表於 2013-4-26 19:28
    *** ctm upload 的問題, d 相次序要倒轉黎睇, 由尾睇上黎...****

    請問玩ATV洗唔洗要有電單車牌? 我冇渣過電單車....但好想玩~

  • Fantasy 2013-8-2 21:18:20
    58#

    唔洗架,個教練會教如何駕駛,有場地實習,未玩過要試下啦,都幾好玩架。

  • 5MB幾 2013-8-4 23:31:27
    59#

    Fantasy 發表於 2013-8-2 21:18
    唔洗架,個教練會教如何駕駛,有場地實習,未玩過要試下啦,都幾好玩架。 ...

    ok! 些些!!

  • 5MB幾 2013-11-25 16:00:57
    60#

    請問清萊既景點要唔要門票?大概幾錢?thXXXXX

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.