我的收藏
版主
申請
開區
申請
vst88
加入日期:2009-1-4
流動積分:1541
查看 9422 回覆 6
按讚 0 按彈 0

你覺得行政公職局有幾分?

2014-11-2 00:36:28
  • 本帖最後由 vst88 於 2014-11-2 00:37 編輯

    老老實實, 見佢越幫越忙, 搞個中央開考出黎, 完全本末倒置, 害左唔少為入公職準備好耐既人。

    要趕做既電子化既又未做, 部門愈開愈多, 包工合同、提供勞務及退休人士又無數據, 報讀晉級培訓課程仲難中過六合彩等等。

    俾人話仲要死唔認錯。唉,一班咁無承擔既 "高官" 對成個公職體系以至澳門真係遺禍不淺。

    點解無問責制架...


    ----------------------------------------------------------------------------------------------

    央聘逾萬卷  批改非委員

        公僕有幾多  問極唔知點

        中央招聘效率差強人意,公共行政事務跟進委員會做嘢,傳媒早有準備,豈料行政法務司司長陳麗敏、公職局長朱偉幹雙雙甩底,只派近年鮮有在立法會打前鋒的副局長馮若儀上陣。會議開足兩個鐘,政府只重複了五次央聘的進度、數據,其他就三緘其口。傳媒“O嘴”之餘,連主席陳明金都感無奈,提出了兩個“唔明白”。

        昨日會議冇收穫,委員會嫌政府準備不足,陳明金向傳媒介紹會議內容到尾聲,更苦笑地提出兩質疑:第一、中央招聘逾萬張試卷並非由典試委員會批改,反而要聘請幾十名公職局人員改卷,“我有啲唔係幾明?”

        第二,管理公務員事務的行政公職局,竟然掌握唔到現時政府有多少個公務員。二○一一年底有二萬八千一百二十人,一二年底有二萬九千二百一十四人,一三年底有二萬九千九百六十五人,一四年六月就有三萬○五百一十五人。上述數字只包括編制內、編制外及個人合同,但包工合同、提供勞務及退休人士等就冇數據。“作為公職局,呢啲人員都掌握唔到,我又有啲唔明?”此語再出,偌大的會議室旋即沉寂十多秒,無人接到口,只有輕輕的偷笑聲,但笑中有淚。

    ----------------------------------------------------------------------------------------------

    招考經卅四流程  入職要等兩三年

        央聘繁瑣效低遭炮轟

        【本報消息】中央招聘制度開展兩年多,一次招聘要行卅四個流程,動輒過千人考試,進度龜速,要兩至三年才能入職,怨聲載道。行政公職局昨到立法會公共行政事務跟進委員會介紹央聘運作,坦承制度問題多要改善,但連問題出在哪裡、如何補鑊都講唔出。委員會感無奈,唯有繼續跟進。央聘前路茫茫。

        質疑制度是否可行

        為強化中央人事管理,特區政府二○一二年八月一日開始央聘,公職局因此大肆擴員。資料顯示,央聘至今共進行了五個開考,涉及兩個職程、六個職務範疇,共二百六十八個職缺,大部分未入職。社會詬病行政效率差,考生罵聲連連,請人部門亦冇人用,問題至今未解決。質詢制度是否可行,應否繼續之聲再起。

        有問題唔知點補鑊

        公共行政事務跟進委員會主席陳明金會後指出,央聘績效與社會期望有很大落差,社會非常關注,委員會試圖與政府探討問題,就央聘的效率、人才錯配、考試和程序等,提出了很多意見。政府代表坦承制度有大問題,須檢討、改善法規並改革程序。然而,就部門招聘只需半年左右就可入職,但央聘卻要兩至三年時間,龜速原因何在?如何解決?政府苦無對策,“今日我哋委員會都有小小意見,你(公職局)應該準備得充足啲。覺得有問題,就應該有解決辦法。”委員會本想一次會議可了解問題並撰寫意見書,但公職局昨日未提供任何改革方案或改善辦法,“佢知道有問題,但唔知點改善。”

        流程應減中間環節

        陳明金昨比較了內地與澳門的央聘,指出內地政府今年請二萬二千個公務員,共一百二十九萬人報名,整個招聘程序只需三個月,但澳門央聘由報考到抽籤就要三個月(未計入職),中間要經卅四個流程。強調央聘旨在避免任人唯親,但要經卅四個流程就太繁瑣,應可減少中間環節。按政府資料,央聘卅四個流程包括了刋登開考通告、報名、知識考試、上訴、面試、抽籤分配等,比一般部門招聘多了三個抽籤分配相關的流程。政府認同有改善空間。

        委員會秘書黃顯輝透露,昨日會議討論過早前的法律高技考試,三百多人落場卻只一人合格的問題,成員促政府總結經驗,有建議日後出選擇題、是非題,避免用個案解答題等。

        開考五次萬人投考

        政府昨日介紹,央聘至今開考了五次,其中過萬人投考的技術輔導員招聘一百二十八人,涉三十多個部門。至今年八月十四日,已抽籤分配九十五人,尚有兩人未回覆。其中十七人已入職、卅二人未來兩個月入職,四十六人明年入職。就五十二職缺的資訊高級技術員,共一千八百多人報名,八百五十三人參加考試。七月十四日抽籤分配後,四十五個編制內職位可填補十五個部門的空缺,當中廿三人已入職,十八人即將入職,四人要明年入職。法律高技方面,六十九個職位吸引了五百七十二人報名,三百六十六人考試,但只一人合格。另在法律範疇顧問高技,有一個部門招聘三人,結果有卅一人報名,八人考試,三人合格。心理高技方面有十六個職缺開考,涉及六個部門,有三百二十四人報名,二百三十四人考試,一百○六人合格,要明年中才完成有關手續。
    單選投票, 共有 56 人參與投票
    您所在的用戶組沒有投票權限
    0 0
  • easttall 2014-11-4 09:57:04
    2#

    中央招聘本來就應該由110開始試...

    350或以上根本就唔應該央聘...或者由部門出題,評分,由公職局做行政程序...咁就可以行得通

  • zarbon 2014-12-10 01:18:23
    3#

    本帖最後由 zarbon 於 2014-12-10 11:19 編輯

    挑, 豬局長拍拍蘿友退休拮路, 留低灘野你地慢慢歎............

  • magiccake1228 2014-12-10 09:13:52
    4#

    其實我都好贊成中央開考應該係比較低的點數開始試, 而唔係260同430囉, 尤其係350同460, 明明係專業位, 中央開考好難統考到每個局需要的專業........

  • logwinwai 2014-12-12 20:50:43
    5#

    講真, 中央開考有Q 350呢個位考咩...講之前去行政公職局到睇下先啦.....

  • ~熱帶魚~ 2015-5-18 12:10:27
    6#

    本帖最後由 ~熱帶魚~ 於 2015-5-18 12:14 編輯

    easttall 發表於 2014-11-4 09:57
    中央招聘本來就應該由110開始試...

    350或以上根本就唔應該央聘...或者由部門出題,評分,由公職局做行政程序 ...


    我同師兄睇法唔同。因為央招的最大意義係減少「用人唯親」,增加公平性。

    所以我認為愈高職位, 就更需要經過央招, 因為愈高職位的一個決定,對社會的影嚮都愈大,所以愈高職位的招聘, 一定要做得愈公平。

    反而基層就算用人唯親,對社會影嚮都唔會太大


    不過凡事總有2面, 因為而加獨立部門招聘, 陋習太多, 開後門情況真係好嚴重, 所以央招的方向係正確, 但真係要好好改善下效率

  • 開放派88 2018-1-21 00:19:38
    7#

    其實公職局有無諗過,唔係,應該行政法務司有無諗過,向民署到實行下,睇下點~民署195招聘一批,430招聘一批,可以就再推~
    正如某D民署係人爆料,民署評核已經行3分制,呢D唔適當的,盡要推到其他公職到,最慘係搞埋其他司下面D人,民署係行政法務司下的部門,唔掂可以佢自己立即處理,佢一動其他體系,就會影響其餘四司下的人~

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.