我的收藏
版主
申請
開區
申請
chi0118
加入日期:2015-2-20
流動積分:855
查看 737 回覆 7
按讚 0 按彈 0

感慨一下

2019-1-14 05:22:16
  • 本帖最後由 chi0118 於 2019-1-14 05:48 編輯

    小弟曾經都係一個it人,做過某幾間的濕尻support,又做過sales,跟過賭場,政府部門,但已經轉左行,有老友仲奮鬥it之中,今天見到呢個區,睇到啲公司請人出價,都覺得係心up,出邊求其一個大學生,入賭場吾輪班都咁上下價,it仲要讀乜讀物,送外賣都差不多兩萬,楂的士都3萬,我有位老友,由佢大學畢業,然後係一間知名si土炮公司識,當天佢入職,英文掂,讀書勁,以為個世界係佢ge,然後先知仲有咁多野讀,係澳門it生態,佢其實係重新開始,吾緊要,讀就讀,135,ccna,246,mcitp,十年過後,轉左一次公司,升到管下人,3雞幾,另外,小弟有位朋友,外國回流入賭場開始佢it事業,佢同我講佢戈間係出手最高,佢走吾到,咁事實我聽過同職級,最高都係佢戈度,徐左轉場升職加人工,都冇人係佢戈度走,十年左右,佢今天升冇可升,有5萬左右,如果你話係si等升上管理層,除非上邊戈個死左,我見過一間老牌公司,管tech戈位真係榮休得,下邊有幾個資深人物,年紀都不少,雖然冇乜活力,但又冇咩炒人理由,所以為上邊戈個吾死,你想少年得志都幾難,咪做下濕碎野,我有個朋友,佢都話si係學到野,磨練到一身好武功,但真係空有一身好武功呢,搵吾到食,有家庭都吾知點算,好彩入到政府。

    然後講下sales,我做戈間老牌小小,戈陣入職聽過有個前輩上年年薪50,普通sales已經話最勁,你能夠連低薪有30000已經叻仔,但要睇老細比咩客,比咩project 你,你契仔就掂,吾係就食屎,我戈陣做戈間底薪少,但拆佣聽說幾高,有同事轉會某間就低薪高,佣金少,衰極都有老底,但高極都應該2雞,但佣金計算真係慘烈,所以比你搵三雞算叻仔,當然好睇你戈年跟咩客,個客有咩動作,如果想有重大突破,si除非升上帶Team,就高底薪再以公司業績計(可能間間公司吾同,歡迎分享),但我講戈種級數,我見過三間公司都係得一個人,比你升資深,都係底薪高啲,即係佢一日吾死,你都冇咩可能係呢個位,原因有二,第一,澳門客就係咁上下多,佢佢帶6-7個人,已經搞曬澳門有潛力的客,一個人帶6-7個人,吾算難,再加個助手;第二,點會比你升呢,你升上來手上有幾多客,支撐一條team,談何容易,你又有冇實力空降人地呢個位,做成億生意都係得一個咁ge老屎忽,再上去就老細,你話比吾比你升,sales,就係要成個傻hi咁,又同廠商拎價,又希望老闆比啲好客你,如果戈年老闆睇你吾順眼,比啲冇咩生意來往客你,你都明咩料,總之就成個契弟咁。

    我諗,呢啲悲慘文化,都係香港港帶過來,不停壓榨,出邊睇就好風光,返五日工,著西裝,it人,又邊度傾生意,夠正氣,tech又好,sales又好,你畢業出來戈一刻,到你打拼到3萬左右,政府比你430都係4萬幾,但比較多人係350,所以都係3萬幾,可能真係要6-7年,但你記住,你係要拼,tech就考証書,sales就比人卒,可能你見有人都可以hea,但若果你想有一番成就,就要拼下,難聽講,大家都附出咁多時間同努力,其他行業應該更好,仲有一個較次要問題,媾吾到女。

    講多了,吾好見怪

    0 0
  • wai123999 2019-1-14 09:53:55
    2#

    介唔介意問下轉左邊行

  • angela1993 2019-1-14 10:01:31
    3#

    其實好多工都係咁,表面風光,其實只係幻覺...

  • shadow286610 2019-1-14 10:32:26
    4#

    老老豆豆,做IT真係講興趣,當用錢去恆量既話真係無人入行。好可悲。

    要不是IT真係無人入行,唉 完全感受到。
    出黎大家都叫學士底仲要易入難出,出到黎就個個都狗眼看人低DLLM.

  • chi0118 2019-1-14 13:48:28
    5#

    wai123999 發表於 2019-1-14 09:53
    介唔介意問下轉左邊行

    都係跑數ge,但覺得公平啲

  • 643892307 2019-1-17 13:48:50
    6#

    其實做IT有苦真系自己知,正所謂來生不做IT人呀嘛,小弟我原本都吾系做IT,最初高中畢業就做Dealer同cage cashier,做左好幾年發現冇發展,而且日日得過且過,想有門技能系手先決定轉行做IT, 我最初做個陣都系由support做起,可以話系打雜,搬搬台台,幫公司送貨收貨去銀行入數文書等等都要做,始終系細公司,而且我當時都吾知道原來IT可以有好多方向發展,所以冇計啦,只好做住先,之後利用工作之餘去進修下,一步步考取ccna, mcse, H3CNE, HCNP等等一系列証書之後再跳槽去另一間公司, 越做越發現IT系要不斷學習進修既行業,越讀落去發現越學吾完, 因為澳門個環境比較特別, 好多公司請IT都希望你系各方面都要識,吾一定要求好精,但起碼要識,例如你讀Network出身,Network Routing&Switching好精,但公司一般要你識埋Firewall, windows server, database, Linux, 最好識少少programmer,例如Java, C++, 姐系簡單D講要全能型, 所以近年越來越少人讀IT,即使畢業後都未必做IT, 因為好多人都發現IT系永遠學吾完讀吾完既行業, 好似近兩年啦,又興起Big data, AI, 云計算等等

    另外有一點樓主你講得好,就系上升空間問題,你上面高級職位個D除非佢地跳槽或者死X左,否則就算你考到CCIE, HCIE都未必上到位,有時吾一定系學歷或証書問題,系機遇問題,可遇不可求,我認識有某個朋友佢考左3張CCIE,都只系某博企做高級工程師職位,都上吾到經理級

  • 643892307 2019-1-17 13:53:26
    7#

    至於你話溝女方面,算把啦,除非你做財務會計部,人事部,或者好似D博企咁有個咩市場部門呢D,系呢類型部門先比較多女同事做,其他部門都系男同事比較多, 或者做金融行業,例如銀行呀,咁米多囉~

  • chi0118 2019-1-25 01:31:32
    8#

    643892307 發表於 2019-1-17 13:53
    至於你話溝女方面,算把啦,除非你做財務會計部,人事部,或者好似D博企咁有個咩市場部門呢D,系呢類型部門先比 ...

    其實我覺得最慘係價單,不停讀,不停用時間,我老友戈間港資公司,ccna已經係基本,價單同個文員一樣,佢當你背返來,好似車牌咁,真係無奈

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。並遵守特區政府個人資料保護辦公室所公佈的「在互聯網上發佈個人資料的注意事項」.切勿撰寫粗言穢語、誹謗、渲染色情暴力或人身攻擊的內容,敬請自律。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.