我的收藏
版主
申請
開區
申請

世博自由行資料分享區(第一帖已全面更新旅遊攻略)

  • 軍曹咕嚕嚕 2010-4-13 12:20:15
    16#

    原帖由 Francis15 於 2010-4-12 11:16 發表


    我都打算6月去,但你機+酒2000人仔咁平,你邊到坐機,住咩酒店呀?請教下路,點樣住酒店5夜+機票2000人仔,好勁!


    FRANCIS兄:
    我唔勁啦!因為時間關係要選較貴的機票添...
    若果晚機去早機返機票仲可以平一半添!不過時間寶貴,所以要買成1100既來回!
    至於酒店方面,因為內地依家有很多連鎖酒店,如:如家、七天、莫泰同埋錦江等等,所以房價可以咁平,但由於世博期間佢地都普遍加價至300+一晚,所以我就要慢慢找,找到一間百時快捷(錦江連鎖旗下新品牌),我哥段時間都係200-一晚,所以咪可以以800多元的價住5晚囉!但我就未俾錢...所以都有D驚架!
    你打算幾時去呀?自己一個人嗎?有無興趣同我一齊去呀?

  • 軍曹咕嚕嚕 2010-4-13 12:27:54
    17#

    唔記得答你添,係搭春秋航空珠海飛。你上網搜尋一下就可以啦!

  • chiojohn 2010-4-13 21:03:38
    18#

    原帖由 軍曹咕嚕嚕 於 2010-4-13 12:20 發表


    FRANCIS兄:
    我唔勁啦!因為時間關係要選較貴的機票添...
    若果晚機去早機返機票仲可以平一半添!不過時間寶貴,所以要買成1100既來回!
    至於酒店方面,因為內地依家有很多連鎖酒店,如:如家、七天、莫泰同埋錦江等等,所以房價可以 ...

    到時應該會加價  因我訂房時佢原本是190 到確實回覆時就要250.  所以請有時心理準備

  • diydiy 2010-4-14 00:38:55
    19#

    請問知唔知春秋航空機票須要再 re-confirm 機位嗎?

  • 軍曹咕嚕嚕 2010-4-14 08:26:46
    20#

    原帖由 diydiy 於 2010-4-14 00:38 發表
    請問知唔知春秋航空機票須要再 re-confirm 機位嗎?


    最好梗係出發前15日再打去珠海辦事處問下啦!

  • 軍曹咕嚕嚕 2010-4-14 09:20:24
    21#

    轉載自Apple Daily 蘋果日報網上版--2010-04-14
    英國海膽館  6萬尖刺上海播種

    在上海,無時無刻都被世博轟炸。閉上眼都見到中國館那紅色大漏斗!但樓盤說明書呃你十年八載,構想圖畫到驚世駭俗的,實物卻未必能建出氣勢。趁距離開幕兩星期,我們率先走入地盤驗樓。看看世博咁大,邊度先最啱你?
    記者:探射橙
    攝影:伍小泉
    鳴謝:國泰假期、客堂間、上海朗廷揚子精品酒店
    最靚丹麥館幻彩蝸牛

    ■入黑後白蝸牛變成紅白丹麥旗。

    雖說是「世界博覽」,但今時今日,要認識世界又怎須靠這五年一度的聚會?文字、影像、聲音的資料都可以靠網絡傳遞,惟獨「空間」要置身現場才能感受。所以世博已變成一場建築奇幻潮。黃浦江兩岸的五大園區合共超過五平方公里,要行晒,攰過跑馬拉松。若時間有限,要揀一個「潮樓集中地」空降,還是快快跑到歐洲諸館所在的 C區吧。

    就由最省鏡的開始。公關公司 Oligvy的調查發現,中國網民認為靚絕世博的,是館仔細細的丹麥屋。線條簡約流麗的白色蝸牛能突圍而出,現場仍處於地盤狀態,設計團隊 BIG的建築師 Claus Tuersted說我們看見的是 92%的丹麥館。他在地上隨手拾起紙條,對摺再捲起,解說這「雙軌拍門」的設計:「行人路和單車徑都是丹麥生活的重要一環,蝸牛殼就是把它們壓縮在一起。」館內會有 250輛來自哥本哈根的單車任踩,還可以在天台野餐。透過複製優游的都市生活,來營造「 Welfairytales」的理想國:「丹麥本來就是童話的國度嘛。福利( welfare)是在財富( wealth)之上的概念,合而為一不就是 very Danish嗎?」正在以日薪 130人民幣夜夜趕工的民工們,應該會很想移居丹麥。

    不過最令人大開眼界的,是蝸牛殼中心的水池,丹麥人居然把哥本哈根的小美人魚像拆下來運到上海。「 20年前兵馬俑運到哥本哈根展出時帶給我們很大的震撼,我們也想再來一次 real deal!」小美人魚外訪期間,哥本哈根的位置會由艾未未的藝術裝置暫代,並投射出美人魚在上海的情況。


    ■不少上海市民以不同途徑潛入現場。

    ■這就是供奉美人魚的水池。

    ■丹麥館的總設計師 Bjarke Ingels話:「小美人魚去中國,易過送 13億人去丹麥。」

    最棘手英國館有芽

    ■花紙大而海膽細,種子聖殿僅有 105平方米。

    若問世博局內人的意見,「我最喜愛的場館」非英國館莫屬。 Claus以「很有詩意」( very poetic)來形容這大海膽。現場看見工人抬着 7.5米長的「大刺」走過,更加震撼!海膽由 60,000多支阿加力膠組成,跑上對面的荷蘭館便可以看見它隨風顫動的可愛模樣,細看便發現內裏隱藏着英國經典的米字旗!偌大的場地,大部份位置都是「禮物紙」,來呈獻這海膽的禮物云云。

    海膽內,冷峻的空間透着日光,可以看到每支而亞加力膠的另一端都藏着種子。英國建築師 Thomas Heatherwick的概念來自包着昆蟲的琥珀,能擊敗 Zaha Hadid等大腕而奪得合約,當然有些景轟。以後我行過太古廣場時都會肅然起敬,只因商場的新佈局也是出自他手筆。


    ■種子在世博後仍可以發芽生根。

    ■海膽的厲害,在於內裏神聖的氣氛。

  • 軍曹咕嚕嚕 2010-4-14 09:25:37
    22#

    最民主德國館噸幾大波

    各場館可大可小。德國館屬於大型而硬淨那種, cool爆而穩重,像 Ben跑!內裏卻是先柔後剛。經過了海洋、公園等色彩繽紛的展廳,戲肉是直徑 3米的「民意波波」。名為 energy source的大波表面是球形屏幕,投射着德國的風景和 icon,時而變身足球,或地球。但靈魂卻在於那 40萬粒聲控 LED。觀眾在看台上吶喊,重達 1.2噸的大波即會飄向聲大的一方。頂尖科技大晒冷之餘,少數服從多數之餘又人人有 say,還不是民主的體現? balancity的主題實在貼切。

    ■球形屏幕投射出德國風情畫。

    ■民主波波感覺神秘而不失繽紛。

    最奀皮西班牙館藤條侍候


    多看幾座館,不難發現有很多都是披着外皮的石屎或玻璃立方。財力有限的,如冰島和非洲,以印有 pattern的膠紙笠着整間館就算了。西班牙那層皮卻認真得過份,由 8,500多塊不同形狀的藤板組成,每塊都有特定的位置,單是安裝都煩死人!入黑後,深淺有致的啡色透着光,層次感更強列。館內有一座高 8米的 BB,象徵對未來的投射。自細被無數藤條圍着,好難唔奀皮!

    中國館

    香港館

    俄羅斯館

    加拿大館

    波蘭館


    場館分佈圖

    a.俄羅斯館
    b.英國館
    c.加拿大館
    d.德國館
    e.西班牙館
    f.荷蘭館
    g.丹麥館
    h.中國館
    i.香港館
    j.摩納哥館

    Travel Memo
    持有效回鄉證或卡均可。查詢: 2853 3533(中國旅行社)
    國泰假期往上海套票,包括來回機票及 2晚住宿,由$1,999起(未連稅)。出發日期由 2010年 5月 6日至 10月 24日。http://www.cxholidays.com
    1元人民幣約兌 1.13港元(文中價錢已折算港元)
    220V,兩扁腳插座

    Shanghai Expo

    溫馨提示:上海近年天氣古怪,今日廿幾度明天也可急降至單位數, 5月也不能掉以輕心。

  • Yuri 2010-4-14 11:49:49
    23#

    呢個帖好正   好有用:s142:

  • cheongieng 2010-4-14 12:39:50
    24#

    睇過澳門幾間旅行社,跟團及自由行package, 暫時只有環x國際5日晚比較適合, 而家考慮緊跟團定係自由行, 但澳門出發d團通常只有1日去世博,其餘幾日就華東遊, 如果揀自由行去,會去上海4日+1日杭州,但一行七人,只有我一個人去搞,因為唔熟上海交通,酒店等, 冇信心&把握....
    大家有咩意見比下我, 有咩討論區可以比我知多d上海,杭州既交通,酒店,旅遊設施等...

  • 軍曹咕嚕嚕 2010-4-14 13:27:37
    25#

    原帖由 cheongieng 於 2010-4-14 12:39 發表
    睇過澳門幾間旅行社,跟團及自由行package, 暫時只有環x國際5日晚比較適合, 而家考慮緊跟團定係自由行, 但澳門出發d團通常只有1日去世博,其餘幾日就華東遊, 如果揀自由行去,會去上海4日+1日杭州,但一行七人,只有我一 ...


    如果真係有心搞,可以到書本找本關於上海的旅遊書!
    其實上海市內交通並不複雜或困難,因為上海現時差不多有十條地鐵線咁多,可以講覆蓋大部份區域,若果自由行的站不必一出門就截的士,咁已經係好大既幫助!
    至於上海→杭州等地的交通,可以到上海南站有快車到,車程約1個半小時,方便快捷。
    至於其他周邊水鄉城市,上海有個旅遊集散廣場,那裡有很多直達的巴士可以乘搭。

    我以上資料其實係可以上網找到,若果有心一定搵到你想要既野,想去‧就做!

  • cheongieng 2010-4-14 14:33:10
    26#

    回覆 #25 軍曹咕嚕嚕 的帖子

    多謝你既回覆, 我不嬲去旅行都係自由行的,沙巴,新加坡,台北,東京都係自己搞,唯獨去祖國就未試過,北京去過上堂,就柴娃娃咁放學後跟大隊出外吃飯,夜遊北京市, 但係上海係自己搞,對國內既交通配套設施, 人員接待冇信心,好似岩岩復活節有朋友一家大細去廣州玩,被上面d交通嚇怕,對我有所忠告,小心去上海會有同樣遭遇,加上上海人流,品流複雜,有d驚, 如果你係東京,台北唔識路問人,人家很樂意答你,但係國內就....
    其實今次去上海只會每日係世博度玩,上海周圍都唔會去,所以都唔須要買書睇,只係上網搜攞攻略,只不過由上海機場到酒店,由酒店到世博園區,又由上海去杭州,杭州一天游既景點,是否好簡單去籌備,實在令人擔心,而家開始上携呈網睇緊資料, 其實仲有咩網可以參考呢?請指教

  • cheongieng 2010-4-14 15:16:08
    27#

    軍曹咕嚕嚕:

    我睇你係第2個帖度話16-20/6去世博,我都係同一個時段,不過兩個家庭共7人去, 而家plan緊自由行, 有唔明係問題,請你多多指教....

  • bilygun 2010-4-14 23:07:22
    28#

    原帖由 軍曹咕嚕嚕 於 2010-4-13 12:27 發表
    唔記得答你添,係搭春秋航空珠海飛。你上網搜尋一下就可以啦!



    我想問下http://www.china-sss.com/airlinenew/tickets/airline/index.asp
    佢寫住公佈價1400元, 支侍420元, 折扣係3折, 即係咩意思
    係咪一定要係網上訂同埋信用卡過數, 如果想親自去珠海辦事處得唔得, 地址又係邊呀
    佢個A, B,C 艙又係咩意思

    同埋起飛三灶即係邊到, 可以點去, 打的會否很貴
    麻煩晒

    [ 本帖最後由 bilygun 於 2010-4-14 23:12 編輯 ]

  • 軍曹咕嚕嚕 2010-4-15 09:57:43
    29#

    原帖由 bilygun 於 2010-4-14 23:07 發表



    我想問下http://www.china-sss.com/airlinenew/tickets/airline/index.asp
    佢寫住公佈價1400元, 支侍420元, 折扣係3折, 即係咩意思
    係咪一定要係網上訂同埋信用卡過數, 如果想親自去珠海辦事處得唔得, 地址又係邊 ...


    即係機票價係420蚊囉!但係佢係網上支付價,同埋佢唔可以用澳門信用卡,一定用內地信用卡才可付款!
    親自去珠海付款都OK,但價錢是否相同我就不得而知...

    另外佢官網上有佢珠海的地址同電話,有咩問題打左俾佢先啦!

    珠海春秋旅行社                                                                          
    ·电                             话:0756-3363566;
                                     0756-33635OO(网上预定咨询)
                                ·地 址:珠海市吉大九洲大道中1053号
                                         (中电大厦右斜对面)

  • 軍曹咕嚕嚕 2010-4-15 10:10:40
    30#

    原帖由 cheongieng 於 2010-4-14 14:33 發表
    多謝你既回覆, 我不嬲去旅行都係自由行的,沙巴,新加坡,台北,東京都係自己搞,唯獨去祖國就未試過,北京去過上堂,就柴娃娃咁放學後跟大隊出外吃飯,夜遊北京市, 但係上海係自己搞,對國內既交通配套設施, 人員接待冇信心, ...


    其實我真係唔知點樣可以幫你,首先你兩家共7人是否包括小朋友或者老人家?簡單D講句是否有需要人“湊”住的人同去呀?
    若果係的話我個人強烈建議你跟團去,因為上海始終係一個大城市,加上世博園區內每天人頭湧湧,所以若果湊住人的話會不便同埋有走失的危險!

    若果無人需要湊的話,咁多人自由行都會較為不便。

    其實照我上面講過,上海地鐵線有成10條咁多,覆蓋左好多旅遊景點,交通上你可以話唔使擔心,至於問路驚人唔答我就唔係好驚,因為我以前都成日出差去內地,我感覺內地人並不是你想的那麼冷淡或者別有用心,總之自由行原則是玩得開心,玩時要小心,咁就唔會咁易有問題!
    至於杭州交通問題,我都同你講左上海有個旅遊集散廣場,佢哥度有好多巴士直達上海周邊旅遊區,亦可選擇乘坐上海南站→杭州既動車組火車,個多小時就可去到,往返都係唔使3個小時,一日往來絶對足夠!
    至於你去杭州要睇D咩玩D咩!每個人興趣唔同我唔敢推介俾你,但我就計劃去西溪濕地哩個因電影而熱爆既景點,一來佢只係與西湖相距約30分鐘的車程,交通方便;二來我喜歡影相!所以我會去哥邊!
    若果以家庭為單位去,你地可以去西湖坐遊覽船,再係周圍既茶館嘆下茶咁,一日遊唔好太貪心!

    其實我都只係去左上海同杭州一次咁多,咁多年來佢地變化唔少,好多野我都係上網找資料同埋睇旅遊書,你可以在書中找到好多有用既交通及景點資料,對你嚟講真係好有用,同埋自由行既好處之一係你計劃同準備過程中好似已到當地一遊咁!你再找多點資料有咩問題我再盡力回答你啦!上網GOOGLE都有好多資料架!

您需要登錄後才可以回帖 登錄 | 註冊

重要聲明:本網站討論區內容是以即時上載留言的方式運作,澳門流動社區對所有留言的真實性、完整性及立場等,不負任何法律責任。一切留言之言論只代表留言者個人意見,並非本網站之立場,會員及用戶不應信賴內容,應自行判斷內容之真實性。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。澳門流動社區有權刪除任何留言及拒絕任何人士上載留言,同時亦有不刪除留言的權利。會員及用戶應遵守澳門流動社區守則。

小黑屋| Archiver| 澳門流動社區 CyberCTM.com

Powered by Discuz! © 2001-2013 Comsenz Inc.